تورکیه قرداش خلقیگه آغیر زلزله فاجعه سی اوچون قیغـوداشلیک بیلدیره میز

0
37

شرعی جوزجانی

زلزله

شرعی جوزجانی

تورکیه قرداش خلقیگه آغیر زلزله فاجعه سی اوچون قیغـوداشلیک بیلدیره میز

دوشنبه کونی 6 فبروری، تانگ چاغـی تورکیه نینگ جنوبی شرقی منطقه لریده  آدملر اویقوده یاتگن حالده، 30 ییلدن بویان مثلی کوریلمگن  7.7 و 7.6 باللیک ایککی دهشتلی زلزله یوز بیردی.

ییر سیلکینیشی مرکزی بولگن قهرمان داعش، اونگه یقین 10 ولایت شهرلر و قیشلاقلری شونینگدیک غازی عنتیپ شهریده مینگلب اویلر و کوپ قبتلی بنالر قولب، ییربیلن یکسان بولدی. آغیراویقوده یاتگن مینگلب آته آنه لر و باله لر بو کوتیلمگن فاجعه قربانیگه ایله نیب، حیاتدن کوز یومدیلر.

کوچه لرده تورگن آدملر کوپ قبتلی بنالرنینگ قولب چوکیشینی کوریش بیلن، سراسیمه گه توشیب، قیسی تمانگه قاچیشنی بیلمس ایدی. ایز و چوو، داد و فریاد فضانی تولدیرگن ایدی.

«الجزیره نت» تیلی کانالی کوپ سانلی راپورترلری آرقه لی برچه ساحه لرده یوز بیرگن حادثه لرنی یقیندن کوزه تیب، ایفیرگه اوزه تیب تورردی.

عین حالده سوریه نینگ تورکیه حدودیگه یانداش شهرلری حلب، ادلب و… شهرلریده هم کوچلی زلزله یوز بیریب، جوده کوپ بنالرنینگ قوله شی و 3162 کیشی نینگ اولیمیگه سبب بولدی.

تورکیه رهبری رجب طیب ایردوغان بو فاجعه لی حادثه مناسبتی بیلن، بیرهفته لیک ماتم اعلان قیلیب جهان هم جمعیتیگه اونینگ عاقبتلرینی برطرف قیلیش اوچون برچه دولتلر یاردمیگه ضرورت بارلیگینی تاکیدله دی.

تورکیه دولتی بیرینچی لحظه لردن باشلب برچه امکانیتلرنی سفربر قیلیب، حوادث گه قرشی تشکیلاتلرنی ایشگه سالدی.

منطقه ده 25 مینگ693 یاردمچی کوچلر، 360 اتوموبیل، 360 ته ثقیل ماشین، 629 جرثقیل فعالیت آلیب بارماقده. دینگیز کوچلری منطقه گه یاردم اوچون 10ته کیمه جونتدی و مدافعه وزیری خلوصی اکار شخصا اوزی قوتقریش فعالیتلرینی کوزه تیب توردی.

 حاضرگه چه فاجعه منطقه لریده 1300 زلزله آرتی سیلکینیشلری یوز بیرگن.  

آسیا، امریکا، لاتین امریکاسی و اروپا دولتلریدن کینگ کولملی انسانی، طبی و تخنیک یاردملری آقیب کیلماقده. حاضر گه چه 65 مملکتدن 2769 یاردم و نجات کوچلری، زلزله منطقه لریگه  ییتیب کیلگن.

«ناتو» تورکیه گه قیغوداشلیک مقصدیده اعضا مملکتلری بیراقلرینی یریم کوتریب آسدی.

رسمی معلوماتلرگه کوره حاضرگه چه تورکیه ده زلزله قربانلری سانی 16 مینگ 170 کیشی ویره لنگنلر سانی 64 مینگ 194 کیشیگه ییتیب بارگن. 

مینگلب کیشی خرابه لر تگیدن نجات بیریلگن.

الجزیره نشریه سیگه کوره خرابه لر تگیده توغیلگن بیر چقلاق نجات بیریلگن، لیکن اونینگ آنه سی و عایله سی اولگن.

اونلب میده باله لر، ایرکک و عیاللر 66 ساعتدن 80 ساعتگه چه خرابه لرتگیده قالگندن کیین یاردمچی و نجات تیملری آرقه لی نجات بیریلگنلر. هنوز هم یوزلب یاردم و نجات  تیمی و مینگلب داوطلبلر، خرابه لر آستیدن خوش خبر ایشیتیش امیدیده لر.

تورکیه نینگ «قهرمان داعش» و اون ولایت ساحه سینی ماتمسراگه ایلنتیریب، مینگلرانسان نی ییرآستیگه کومیب، یششدن محروم قیلگن و دنیاده مثلی کوریلمگن دهشتلی زلزله لر، بوتون دنیا هم جمعیتینی آغیر قیغوگه باتیریب، دولتلرنی تشویشگه سالدی.

سویدن (ستاکهولم) شهریده گی بابر کلتوری انجمنی و اروپاده گی افغانستان تورکلری مدنی فدراسیونی (ففتا)اوشبو آغیر فاجعه لی حادثه مناسبتی بیلن تورکیه قرداش خلقی و تورکیه رهبری رجب طیب اردوغان جناب لریگه کونگل قعریدن تعزیت و تسلیت بیلدیریب، قیغوداشلیک اظهار ایته دی. بیز ایشانه میزکه تورک قهرمان خلقی تیزلیکده بو آغیر مصیبتلی فاجعه نی آرتده قالدیریب، اوز قدینی تیکلب آله دی!  

پاسخ ترک

Please enter your comment!
Please enter your name here