عزیزالله فاریابی
اؤزلیک !(هویت)
آلسنگ آله قال جانم ، اؤزلیکیمنی بیرمه ی من
توکسنگ توکه قال قانیم ، اؤزلیکیمنی بیرمه ی من
چاقسنگ چاق استخوانیم ، چاپسنگ چاپه قال باشیم
بو ابدی آرمانیم ، اؤزلیکیمنی بیرمه ی من
اؤزلیکیم اؤزبیکلیگیم ، اؤزلیکیم بیرله تیلیم
کیسنگ توبدن زبانیم ، اؤزلیکیمنی بیرمه ی من
اؤتمیشده گی شان-شوکت ، فخریم و افتخاریم
ایل آغزیده داستانیم ، اؤزلیکیمنی بیرمه ی من
بوگون اؤلدیرسنگ اؤلدیر، کیله- جک ینه مندن
باشیمده اوی آسمانیم ، اؤزلیکیمنی بیرمه ی من
اؤزلیکیم بارمین عزیز، ایل ایچیده من لذیذ
بیره من جسم و جانیم ، اؤزلیکیمنی بیرمه ی من
.آلسنگ آله قال جانم ، اؤزلیکیمدن کیچمس من
توکسنگ توکه قال قانیم ، اؤزلیکیمدن کیچمس من
7:25
