Alim Labib
12 t. · چاو اَوجی
(امیرالکلام میر علی شیر نوایی تولّدی‌نینگ 582 ییللیگیگه بغیشلنه‌دی)
ای نوایی، تورک لفظیده نوا سـاز اَیله‌گن،
تیل قناتی بیرله چاو اَوجیگه پرواز اَیله‌گن.
کۉز آچیب دنیاگه بېش یوز سکسان ایکّی ییل بورون
،سېویب اۉز آنه تیلینی نغمه‌پرداز اَیله‌گن.
«باییتیب جاندن عزیز اسره‌نگ بو تورکي تیلنی»
، دېب،عصرلر اعماقیدن بیز ساری آواز اَیله‌گن!
جۉشقی بیرله اوشبو تیلده سېن ترنم اېتگه‌لی
،زهـره و ناهید ساز- آوازینگه ناز اَیله‌گن.
«خمسه» یازیب هم «خزاین» توزدینگ اشعارینگ بیلن،
بۉیله تورکي تیلنی تیللر ایچره ممتاز اَیله‌گن.
غازه بېرگنسن غزلدن خۉبرۉلر حُسنیگه،
هم اولرنینگ غمزه‌سینی اسرو غمّاز اَیله‌گن.
سېن بۉلیب سۉز صنعتی ایچره مسیح و سامری،
گاه سِحر اېتگن عیان و گاه اِعجاز اَیله‌گن.
معرفت‌نینگ نوبهاریدیر سېنینگ هر بیر سۉزینگ،
سۉز نسیمی بیرله کوز، قیش موسمین یاز اَیله‌گن.
تورک و اۉزبېک خلقیگه قوتلوغ تولّد بَیره‌مینگ،
برچه تورکي اېلنی اشعارینگ هماواز اَیله‌گن.
سېندن الهام، ای اولوغ شاعر، آلیبدیر برچه‌سی،
بۉلسه‌لر بو تیلگه خدمت کۉپ و یا آز اَیله‌گن.
قۉیدی گلرخلرگه مهر اۉقیب گۉزل شعرینگ لبیب،
سۉزلرینگدیر او کبی یوزلرنی گلباز اَیله‌گن.
انقره، 2023-ییل 9 فبروری***
Chov avji
(Amir ul-kalom Mir Alisher Navoiy tavalludining 582 yilligiga bag’ishlanadi)
Ey Navoiy,turk lafzida navo soz aylagan,Til qanoti birla chov avjiga parvoz aylagan.Ko’z ochib dunyoga besh yuz saksan ikki yil burun,Sevib o’z ona tilini nag’mapardoz aylagan.“Boyitib, jondan aziz asrang bu turkey tilni” deb,Asrlar a’moqidan biz sori ovoz aylagan.Jo’shqi birla ushbu tilda sen tarannum etgali,Zuhravu Nohid soz-ovozinga noz aylagan.“Xamsa” yozib ham “Xazoin” tuzding ash’oring bilan,Bo’yla turkey tilni tillar ichra mumtoz aylagan.G’oza bergansan g’azaldan xo’bro’lar husniga,Ham ularning g’amzasini asru g’ammoz aylagan.Sen bo’lib so’z san’ati ichra Masihu Somiri,Goh sehr etgan ayonu goh e’joz aylagan.Ma’rifatning navbahoridir sening har bir so’zing,So’z nasimi birl kuz, qish mavsimin yoz aylagan.Turku o’zbek xalqiga qutlug’ tavallud bayraming,Barcha turkey elni ash’oring hamovoz aylagan.Sendan ilhom, ey ulug’ shoir, olibdir barchasi,Bo’lsalar bu tilga xizmat ko’pu yo oz aylagan.Qo’ydi gulruxlarga mehr o’qib go’zal she’ring Labib,So’zlarindir u kabi yuzlarni gulboz aylagan. Anqara,
2023-yil 9 febral
