· ابن سینا نینگ شاگرد لری
عزیز فاریابی
طبیب نینگ طبیبی ، اولوغ حکیم ابن سینا کونلردن بیرکونی قتتیق آغریب ، کؤرپه-تؤشک قیلیب یاتیب آلیبدی .ابن سینانینگ شاگرد لری ، اینگ یقین دؤست-برادرلری یغیلیشیبدی.دؤست-برادرلری یخشی سؤز ایتیب ، اولوغ طبیبنینگ کؤنگلینی کؤتریشگه کیفیتینی یشخیلشگه حره کت قیلیشسه ،شاگرد لری اوستاذ لرینی داری-درمانلر بیلن دوالشگه کیریشیبدیلر .ابن سینا دؤست-برادرلریگه رحمتلر ایتیب ، شاگردلریگه ایسه شونده ی دیبدی : – ای ، شاگردلریم ، مینینگ کونیم بیتگن کؤرینه دی . شو باعث دواله یمن دیب ، بیهوده حره کت قیلمنگلر .باردی- یو کونیم -بیتیب ، وفات ایتسم ، ایغی-سیغی ، آه – واه قیلمنگلر . فقط حقیمگه دعآ قیلیب ، آنده-سانده قبریمنی زیارت قیلسنگلر ، بس .و ینه اوستاذ عالمدن اؤتدی ، ایندی طبابت آقسه یدی ، دیب هم قیغورمنگلر .اؤرنیمگه بیش زؤر طبیبنی قالدیریب کیتماقده من .شو طبیبلرنینگ مصلحتلریگه اؤزلرینگیزهم دایم عمل قیلینگلر ، باشقه لرنی هم اولرگه دعوت ایتینگلر ، – دیبدی .ابن سینا نینگ شاگردلریدن بیری .اوستاذ، سیز ایتگن طبیبلر کیملر؟ – دیب سؤره بدی. شونده ابن سینا : – مین قالدیریب کیته-یاتگن زؤر طبیبلریمنینگ :- بیری- تازه لیک ، – ایککینچی سی پرهیز ، – اوچینچی سی – بدن تربیه دیر . – و قالگن ایککیسی – مزاج بیلن کیفیتدیر . دایما پاکیزه ، آزاده بؤلیشلیک ، کؤرینگن نرسه نی ، یعنی آوقتنی کؤر-کؤرانه ییه-ویرمسلیک ، اپیل-تپیل آوقتلنمسلیک ، آوقتلنیشده پرهیز ، معیارینی بیلیشلیک . ایچکیلیککه رجوع قؤیمسلیک ، بدن اعضالرینی حره کت سیز قالدیرمسلیک ، مزاجنی اونوتمسلیک و نهایت ، کیفیتنی یخشی توتیشگه حره کت قیلیش .منه شو ایتگنلریمگه عمل قیلینسه ، کسللنیش او یاقده تورسین ، بی وقت اؤلیم هم آرقه گه چیکینه دی . اولوغ طبیب ابن سینا حرمت بیلن
عزیز فاریابی .
