شوکت میر ضیایف شانگهای همکارلیک تشکیلاتی(َشهت) نینگ بلوکلرگه قوشیلمسلیک مقامینی سقلش ضرورلیگینی تأکیدله دی
(شانگهای اجلاسیده جمهور رییس شوکت میر ضیایف نطقی نینگ خلاصه سی)
16 سپتمبر کونی سمرقندده اوزبیکستان پریزیدنتی شوکت میر ضیایف رُیسلیگیده شانگهای همکارلیک تشکیلاتیگه اعضا دولتلر رهبرلری تار دایره ده گی مجلسی بولیب اوتدی.
تدبیرده هندوستان باش وزیری هریندرا مودی، قازاغستان پریزیدنتی قاسم جومرت توقایف، ختای(چین)رییسی سی جینپینگ، قیرغیزستان پریزیدنتی سادِرجَپَروف، پاکستان باش وزیری شهباز شریف، روسیه پریزیدنتی ولادیمیر پوتین، تاجکستان پریزیدنتی امامعلی رحمان، شانگهای همکارلیک تشکیلاتی باش کاتبی چژنمین و تشکیلات نینگ منطقوی عکس الترور(ترورگه قرشی) توزیلمه سی اجراییه کمیته سی دایرکتری روسلان میرزایف اشتراک ایتدی.
سمرقند اجلاسیده امضالش اوچون سلماقلی حجتلر (اسناد) توپله می – 40 دن زیاد بیتیم و قرارلر تقدیم ایتیلدی. اولرده شانگهای دولتلری اوزارا باغلیقلیکنی مستحکملش، صناعت کوپیرتسیه سی «یشیل» اقتصادیات، رقملشتیریش، سودا کبی یونلیشلرده همکارلیک قیلیشگه دایرعمومی یانده شوولری عکس ایتگن.
اوزبیکستان پریزیدنتی شانگهای همکارلیک تشکیلاتی نینگ بلوکلرگه (پیمانلرگه) قوشیلمسلیک مقامینی، آچیقلیک و کینگ همکارلیک که قره تیلگن روحینی سقلش، مراسه، تینگ حقوقلیلیک واوزارا حرمت پریسیپلریگه عمل قیلیش ضرورلیگینی علیحده تاکیدله دی.
شولرنی حسابگه آلیب همده شهت تشکیلاتی دایره سیده گی کوپ قرره لی شریکلیک ثمره لی تجربه لریگه تیه نیب، دولت رهبرلری یقین ییللرده همکارلیک اساسی یونلیشلریده گی استوار وظیفه لرنی حل ایتیشگه دایر تکلیف و تشبثلرنی ایلگری سوردی.
شهت فعالیتینی بو گونگی واقعلیک که ماسلشتیریش، اقتصادیات، سودا و انویستیتسیه ساحه لریده همکارلیک قیلیش، ترانسپورت جهتیدن اوز ارا باغلیقلیکنی مستحکملش، ایکولوگیه مسُله لری، مدنی – هومانیتر علاقه لرگه توخته لیب اوتیلدی. خوفسیزلیک معمالری و افغانستانده گی وضعیتنی ترتیبگه سالیشگه علیحده اعتبار قره تیلدی.
سوزی یکونیده پریزیدنت شهت کیله جگی و مملکتلر رواجی کوپ جهتدن به همجهت و ثمره لی ایشلشگه باغلیق ایکنینی تأکیدله دی. «بیز بیرگه لیکده منطقوی و گلوبل خوفسیزلیکنی تأمینلش مقصدیده، مملکتلریمیز و خلقلریمیز ترقیاتی و فراوانلیگی یولیده تشکیلاتنی ینگی مرره لرگه آب چیقیشگه قادرمیز» دیب ایشانچ بیلدیردی شوکت میر ضیایف.
اعضا دولتلر ییتکچیلری اوز چیقیشلریده شهت دایره سیده گی همکارلیکنی رواجلنتیریش دالضرب مسأله لریگه، منطقوی و خلق ارا خوفسیزلیک معمالریگه توخته لیب اوتدی.
تیارلاوچی: ش. ج
شهت نینگ تار دایره ده اوتکزیلگن جلسه سی
منبع: kun.uz
