ینگی اوزبیکستان، دیموکراتیک اوزگریشلر، کینگ امکانیتلر وَ عملی ایشلرمملکتیگه اَیلنماقده

0
81
Afghan Yangi Uzbekistan افغان ينگي اوزبیکستان - Posts | Facebook

قیسقه چه بیر تذکر

ینگی اوزبیکستان جمهوریتی، پریزیدنت شوکت میر ضیایف رهبرلیگیده، ترقی و انکشاف یوکسک باسقیچلرینی باسیب اوتیب، اوچنچی رنسانس پای دیوارینی یرتماقده. علمی پرنسیپلر، سِنلگن تجربه لر، حقیقی فکت و فیگورلر گه اساسله نیب دولت رهبری تامانیدن طرح ایتیلگن «حرکتلر استراتیگیه سی» ناملی بیش ییللیک انکشاف ریجه سی نینگ عملگه آشیریلیشی، مملکتنی اقتصادی، سیاسی و اجتماعی جهتدن یوکسک مرحله لرگه کوترماقده. شونام بیلن نشر ایتیلگن رسمی معلوماتلرگه کوره بو بیش ییللیک پلان آرتیقچه سی بیلن عملگه آشیریلیب، حیرتلنتیرووچی سرعت بیلن بجریلماقده.

خلق ارا مقیاسده ژورنالیستلرو ساحه متخصصلری بو ترقیاتنی ایجابی بهالماقده لر. مثال صورتده اوکراینه لیک سیاست شناس عالم کوخالیشویللی اوزبیکستان رهبری تاماندن عملگه آشیریله یاتگن اصلاحاتلرحقیده یازگن کتته مقاله سیده اولرنی «اوزبیکستان معجزه سی» دیب بهالگن. بو انکشافنی فقط سوزده ایمس، بلکه عملده مملکت پایتختی تاشکینت، شهر و قشلاقلرده هم  یققال کوریش ممکن.

اوزبیکستان مستقللیگی نینگ 31 ییللیگی مناسبتی بیلن طرح  و تصویب ایتیلگن «ترقیات استراتیگیه سی» نینگ تطبیقی، ینگی اوزبیکستان اوچون انکشاف و تکامل بوییچه ینگی افقلرنی آچیب بیره دی.

«ینگی اوزبیکستان» توشونچه سی و اونی قوریش اوچون قبول قیلینگن ریجه لربوییچه پریزیدنت شوکت میر ضیایف، ینگی اوزبیکستان روزنامه سی

باش محرری تنیقلی ژورنالیست سلیم دانیاروف سواللریگه بیرگن جوابلرینی اوزبیکستان دولتی نینگ «مانیفستی» صفتیده حرمتلی وطنداشلرگه تقدیم ایته میز. اوشبو تاریخی مصاحبه نی دقت بیلن اوقیش، وطنداشلرگه 140 ییللیک مستملکه چیلیک زنجیرینی اوزیب، مستقللیک بیراغینی کوترگن و اوزبیک خلقی نینگ نیچه مینگ ییللیک پارلاق تاریخینی تیکلب تورگن یاش و قدیمی دولتنی چوقور تانیب آلیشگه یاردم بیره دی. کیینراق بو مصاحبه نی آلیب بارگن ژورنالیست سلیم دانیاروفنی هم معرفی قیله میز.

پروفیسور شرعی جوزجانی

ینگی اوزبیکستان، دیموکراتیک اوزگریشلر، کینگ امکانیتلر وَ عملی ایشلرمملکتیگه اَیلنماقده

 اؤزبیکستان ریسپوبلیکه سی پریزیدینتی شوکت میرضیایف نینگ «ینگی اؤزبیکستان» گزیته سی باش محرری سلیم دانیاروف نینگ سواللریگه جوابلری.


 
سلیم موسرمانویچ دانیاروف
اوزبیکستان پریزیدنتی شوکت میرضیایف بیلن مصاحبه قیلگن تنیقلی ژورنالیست، «ینگی اوزبیکستان» و «پراودا ستوکا» گزیته لری باش محرری
 
سلیم دانیاروف 1970 ییل 8 جون  سمرقند ولایتی پای اریق تومنیده توغیلگن. 1992 ییل مسکو دولت پیداگوژی اونیویرستیتینی، 2011 ییل اوزبیکستان ریسپوبلیکه سی پریزید نتی حضوریده گی دولت باشقروو اکادمیسی نینگ بیزنیس مکتبینی تماملگن. شونینگدیک او فیلالوژی فنلری بوییچه فلسفه دوکتوری.
او ایش فعالیتینی 2001 ییل «خلق سوزی» و «نرود نه یی سلاوه» بیرلشگن تحریریتیده خبرنگار صفتیده باشلگن. 2007 ییل شو گزیته لرنینگ بیرلشگن تحریریتی ییتکچی کواردینه توری، باش محرر اورینباسری ایتیب تعیینلندی.   
2011 ییلدن باشلب اورینداشلیک اساسیده فقرالیک جمعیتی شکللنتیریشینی مانیتورینگ (نظارت) قیلیش مستقل انستیتوتیده لایحه رهبری، 2017 ییل فبروری آییدن اوزبیکستان جمهوریتی رییسی دیوانی نینگ جسمانی و یوریدیک شخصلر مراجعتلری بیلن ایشلشنی نظارت قیلیش و موافقلشتیریش خدمتی باش انسپکتری، 2018 ییل جنوری آییدن اوزبیکستان جمهوریتی پریزیدنتی دیوانی نینگ فقرالر حقوقینی حمایه قیلیش، جسمانی و یوریدیک شخصلرنینگ مراجعتلری بیلن ایشلشنی نظارت قیلیش و موافقلشتیریش خدمتی شعبه مدیری، 2018 ییل 23 می دن «پراودا وستوکا» گزیته سی تحریریتی باش محرری لوازملریده ثمری فعالیت آلیب بارگن.
او  2020 ییلدن «ینگی اوزبیکستان» و «پراودا وستوکا» گزیته لری باش محرری ایتیب تعیینلنگن.
سلیم دانیاروف نینگ تورلی موضوعلرده گی مقاله لری اوقووچیلر تامانیدن کتته قیزیقیش بیلن کوتیب آلینگن. او 2010 ییل «آلتین قلم» ملی مکافاتی اوچون خلق ارا  تنلاو غالبی صفتیده اعتراف ایتیلگن.
سلیم دانیاروف کینگ معلومات و بای تجربه گه ایگه یوکسک استعدادلی ژورنالیست. «ینگی اوزبیکستان» گزیته سی اونینگ اهتمام و ابتکاری بیلن اوقووچیلر دقت -اعتبارینی اوزیگه تارتیب کیلماقده. بیز اقتدارلی ژورنالیست اوچون کتته موفقیتلر تیلیمیز!  


    سوال: محترم پریزیدینت، گزیته میز اوچون انتیرویو بیریشگه راضیلیک بیلدیرگنینگیز اوچون سیزگه منتدارلیک اظهار ایته میز.
  معلوم که، کیینگی بیش ییل دوامیده مملکتیمیزده کینگ مقیاسده گی دیموکرتیک اؤزگریشلرعملگه آشیریلماقده. «
ینگی اؤزبیکستان» دیگن توشونچه ریأل واقعلیک که اَیلنماقده. سیز دولت باشلیغی، انه شو اجتماعی – سیاسی جریانلرنینگ تتشبثکاری و اولرنینگ مرکزیده تورگن اصلاحات رهبری صفتیده بو ینگیلنیشلرنینگ مضمون – ماهیتینی بیرینچی نوبتده نیمه لرده کؤره سیز؟

جواب: اوٌلا شونی اَیتیش کیرک که، اؤز یورتیده آزاد و ایرکین حیات، عدالتلی جمعیت برپا ایتیشدیک اولکن مقصدنی اؤز آلدیگه قؤیگن هر قنده ی خلق، هر قنده ی ملت آغیر، مشقتلی و مرکب ترقیات یؤلینی باسیب اؤته دی.
    کیله جک که کتته ایشانچ بیلن قره ب، همیشه صبر – متانت بیلن یشه گن اؤزبیک خلقی هم 1991 ییل 31 اگوستده مقدٌس آرزوسیگه ایریشدی – جانه جان وطنیمیز اؤز دولت مستقللیگینی قؤلگه کیریتدی.
    نصیب ایتسه، ینه سناقلی کونلردن کیین ینه شو قولتوغ سنه نینگ
31 ییللیگینی اولکن شادیانه صفتیده کینگ نشانله یمیز.
    بو شانلی بیرم آلدیدن مملکتیمکیزده کتته تیارگرچیلیک ایشلری عملگه آشیریلماقده. جایلرده کینگ کؤلملی بنیادکارلیک و آبادانلشتیریش ایشلری شدٌت بیلن آلیب باریلماقده. جمله دن، پایتختی- میزگه توتش 100 هکتر (500 جریب) دن آرتیق اولکن حدودیده «
ینگی اؤزبیکستان» باغی همده بی تکرار مستقللیک مجموعه سی جدل سرعتلر بیلن بنیاد ایتیلماقده. نصیب ایتسه، بو ییل اینگ اولوغ، اینگ عزیز بیره میمیزنی منه شو ینگی میدانده اؤتکزه میز.
    هیچ شبهه سیز، استقلال ییللریده یورتیمیزده ینگی دولت و جمعیت قوریش یؤلیده تاریخی ایشلرعملگه آشیریلدی، مرد و عالیجناب خلقیمیزنینگ بوکیلمس اراده سی و اولکن صلاحیتی بیلن کتته مرٌه لر ضبط ایتیلدی. تاریخن قسقه مدٌتده مملکتیمیز کانستیتوسیه سی – اساسی قانونیمیز ایشلب چیقیلدی و قبول قیلیندی. وطنیمیز سوویرین دولت صفتیده جهان هم جمعیتیدن مناسب اؤرین ایگلله دی. اؤزبیکستان ده زمانوی دولتچیلیک اساسلری یره تیلیب، کانستیتوتسیوی توزومگه اساس سالیندی. دولت حاکمیتی نینگ اوچته مستقل ترماغی – قانون چیقرووچی، اجرا ایتووچی و سود حاکمیتلری قرار تاپدی. تام معناده گی کانستیتوتسیوی دولت برپا ایتیلدی.
    اؤزبیکستان ریسپوپلیکه سی نینگ سوویرینیتیتی و دولت مستقللیگینی سرحدلریمیز دخلسیز- لیگی، خلقیمیزنینگ تینچ – آسایشته حیاتی همده ملی منفعتلریمیزنی ایشانچلی حمایه قیلیشگه قادر بؤلگن قؤراللی کوچلر تشکیل ایتیلدی. ملی ولیوته میز – سؤم جاری ایتیلدی و آلتین- ولیوته  ذخیره لریمیز شکللنتیریلدی.
    قدیمی تاریخیمیز، بای مدنی میراثیمیز، ملی – دینی قدریتلریمیز، اؤزلیگیمیز تیکلندی. منه

شونده ی اونوتیلمس تاریخی جریانلرده فعال اشتراک ایتیش نصیب ایتگنیدن بختتیارمن. مستقل ترقیات باره سیده ایریشگن اولکن یوتوقلر بیلن بیرگه، یؤلیمیز اَیریم خطا و کمچیلیکلردن هم خالی بؤلمه گنینی آچیق اَیتتیش لازم. مستتبد توزومدن واز کیچیب، دیموکراتیک جمعیت برپا ایتیشگه قره- تیلگن جریانلر، مرکب و تهلکه لی دَورنینگ اؤزی تورلی معما و وظیفه لرنی آلدیمیزگه کؤنده لنگ قؤیدی. اولرنی موفقیتلی حل ایتیش اوچون بیلیم و تجربه میز، اراده و قطعیتیمیز بعضن ییتمه گن حالتلر هم بؤلدی.
    شو باعث مملکتیمیز ترقیاتینی ینگی، یوکسک باسقیچگه کؤتریش، بونینگ اوچون ینگی اصلاحاتلرنی عملگه آشیریش آبیکتیو(عینی) ضرورت، اینگ مهم ستراتیگیک وظیفه لرگه اَیلندی.
    درواقع، «ینگی» دیگن سؤزنینگ بیز اوچون علیحده اهمیتی بار. مثلاٌ، اینگ کهنه بیرم – لریمیزدن بیری نوروز – ینگی کون دیب اته لیشینی ایسگه آله یلیک. اوشبو قدیمی بیرم بیلن باغلیق قدریت و عنعنه لر حیاتیمیزگه شو قدر سینگیب کیتگن، خلقیمیز عصرلر دوامیده، بویوک شاعر و متفکر علیشیر نوایی اَیتگنلریدیک، “هر تونینگ قدر اؤلوبان، هر کونینگ اولسون

نوروز” دیگن ایزگو تیلکلر، پاک نیتلر بیلن یشه ب کیله دی.
    یاکه اؤتگن عصرنینگ باشلریده یورت پرور، ملت پرور بابالریمیز “جدیدچیلیک” یعنی، ینگیلنیش و ایرکینلیک، عدالت و تینگلیک، علم – معرفت و ملی اؤزلیکنی انگلش غایه لرینی بَیراق  قیلیب، کوره ش میدانیگه مردانه چیققنلرینی برچه میز یخشی بیله میز. بو اولوغ ذاتلر نینگ مقصدی – جهالت و تقالاقلیک گردابیده قالیب کیله یاگن تورکستان خلقینی دنیاوی علم – فن، ایلغار کسب – هنرلر بیلن قوراللنتیریب، عموم بشری رواجلنیش یؤلیگه آلیب چیقیشدن عبارت ایدی.
    جدیدیلر تامانیدن تشکیل ایتیلگن ینگی اصولده گی مکتبلر، تیاتر، کُتبخانه لر و موزیملر، گزیته و ژورناللر، تورکستان فرزندلرینی چیت ایللرگه یوباریش مقصدیده توزیلگن خیریه جمعیتلری خلقیمیزنی نیچه عصرلیک غفلت اویقوسیدن اؤیغاتدی، ملی آزادلیک حرکتی اوچون بیقیاس کوچ بیردی. افسوسکه، یورتیمیزده بالشویکلر دکتاتوره سی اؤرنه تیلگنی، چار مستملکه چیلیک سیاستی ینگیچه شکلده دوام ایتتیریلگنی معرفت پرور بابالریمیزگه اؤز مقصد – مدٌعالرینی تؤلیق عملگه آشیریش امکانینی بیرمه دی. لیکن اولرنینگ ایزگو آرزو – نیتلری خلقیمیزنینگ قان- قانیده، تاریخی خاطره سیده سقله نیب قالدی و هنوز یشه ماقده، دیسک، عینِ حقیقتنی ایتگن بؤله میز.
    شو معناده، بوکونگی کونده بوتون خلقیمیزنینگ قلبیدن چوقور جای آلگن، عمومن ملی حرکتگه اَیله نیب باره یاتگن “
ینگی اؤزبیکستان” غایه سی ضمیریده انه شونده ی اولوغ اجدادلریمیز، عمومن آلگنده، ملی تاریخیمیزده بیرینچی و ایککینچی اویغانیش دَورلریگه اساس سالگن علامه بابابلریمیزنینگ آرزو – اینتیلیشلری و ارمانلری هم مجسم، دیسک، ادشگن بؤلمیمیز.
    انسانیت تاریخی شوندن دلالت بیره دی که، هر قیسی خلق حیاتیده گی معنوی اویغانیش جریانلری ملی اؤزلیکنی انگلشگه آلیب کیله دی همده مملکت نینگ اقتصادی، مدنی ترقیاتینی ینگی باسقیچگه کؤتره دی. بونده ی اجتماعی نایاب حادثه “
رنسانس” اویغانیش، قـَیته تیکله نیش، یوکسه لیش دیب اته لیشی برچه میزگه عیان.
    معلوم که، بوگونگی اؤزبیکستان زمینی قدیمده ایککی بویوک اویغانیش دَوریگه – بیرینچی (معرفی – 9 – 12 عصرلر)  و ایککینچی (تیموریلر – 14 – 15 عصرلر) رنسانسیگه بیشیک بؤلگن. بو  – جهان علم – فنیده  اؤز اثباتینی تاپگن و تن آلینگن تاریخی حقیقتدیر.

                                              
    حاضرگی وقتده مملکتیمیزده ینه بیر مهم اویغانیش جریانی کیچماقده. شونینگ اوچون “ینگی  اؤزبیکستان” و ” اوچینچی رنسانس” سؤزلری حیاتیمیزده اؤزارا اویغون  و همآهنگ بؤلیب  ینگره ماقده، خلقیمیزنی اولوغ مقصدلری سری روحلنتیرماقده..
 
  بوگونگی کونده اؤزبیکستان دیموکراتیک اؤزگریشلر، کینگ امکانیتلر و عملی ایشلر مملکتیگه اَیله نیب بارماقده.عینن منه شو جریان مین اوچون اصلاحاتلریمیزنینگ اینگ کتته نتیجه سیدیر. چونکه، مقصدنینگ انیقلش – حرکتلر ثمره سینی تأمینله یدیگن اینگ مهم میزاندیر.
    اگر بیز بوندن بیش ییل آلدین قبول قیلگن «حرکتلر ستره تیگیه سی» نینگ توب مضمون – ماهیتینی مختصر افاده ایته دیگن بؤلسک، اوشبو نایاب حجٌتده اؤز آلدیمیزگه ینگی اؤزبیکستاننی  برپا ایتیش و اوچنچی رنسانس پایدیوارینی یره تیشدیک بویوک وظیفه لرنی ستره تیگیک مقصد قیلبب قؤیگن ایدیک.
 
  تأکیدلش کیره ککه، ینگی اؤزبیکستان برپا ایتیش – بو شونچه که خواهش – ایستک، سوبیکتیو (ذهنی) حادثه ایمس، بلکه توب تاریخی اساسلرگه ایگه بؤلگن، مملکتیمیزده گی موجود سیاسی – حقوقی، اجتماعی – اقتصادی، معنوی- معرفی وضعیت- نینگ اؤزی تقاضا ایته یاتگن، خلقیمیزنینگ عصری اینتیلیشلریگه ماس، اونینگ ملی منفعتلریگه تؤله جواب بیره دیگن آبیکتیو ضرورتدیر.
    ینگی اؤزبیکستان- دیموکراتیه – انسان حقوق و ایرکینلیکلری باره سیده عموم اعتراف ایتیلگن نورمه و پرنسیپلرگه قطعی عمل قیلگن حالده جهان جمعیتی بیلن دوستانه همکارلیک تمایللری اساسیده رواجلنه دیگن، پراورد (نهایی) مقصدی خلقیمیز اوچون ایرکین، آباد و فراوان حیات یره تیب بیریشدن عبارت بؤلگن دولت دیر.

    اؤتگن تاریخن قسقه دَورده اصلاحاتلر طفیلی ایریشگن نتیجه لریمیز حقیده اوزاق گپیرماقچی ایمسمن. بو موضوعده مملکتیمیز همده چیت ایل عاموی اخبارات واسطه لری آرقه لی نفوذلی دولت و سیاست اربابلری، ایکسپیرت و تحلیلچیلرنینگ فکرلری منتظم اعلان قیلیب کیلینماقده.
    بونده ی خالص بهالر برچه میزنی قوانتیره دی. عینِ وقتده شونی تأکیدلشنی ایستردیم که، بیز بو دموکراتیک اؤزگریشلرنی کیملرگه دیر یاقیش، مقتنیش، تورلی ریتینگلرگه کیریش اوچون ایمس، عکسینچه، دیموکراتیک جریانلر اؤزیمیزگه سوو بیلن هوادیک ضرور بؤلگنی اوچون، خلقیمیز، اوٌلمبار، یاش اولادلریمیزنینگ بوگونگی حیات و ایرتنگی استقبالینی اؤیلب، ملی منفعتلریمیز یؤلیده عملگه آشیرماقده میز.
    بیز – اؤزبیکستان قفرالری جمعیتیمیزنینگ سیاسی- حقوقی، اجتماعی – اقتصادی قیافه سی شدٌت بیلن اؤزگریب، حیاتیمیزده ینگیچه مناسبتلر، ینگی امکانیت و قدریتلر شکللنه یاتگنینی همه دن هم کؤپراق حس ایتماقده میز. اینیقسه، “انسان حقوقی و ایرکینلیکلری”  “قانون استوارلیگی”  “آچیقلیک و آشکارالیک”، “سؤز ایرکینلیگی”، ” دین و اعتقاد ایرکینلیگی”، “جمعیتچیلیک نظارتی”، “گیندیر تینگلیک”، “خصوصی مُلک دخلسیزلیگی”، “اقتتصادی فعالیت ایرکینلیگی” سینگری  فونده مینتل (اساسی) دیموکراتیک توشونچه لر و حیاتی کؤنیکمه لر حاضرگی وقتده ریأل واقعلیک که اَیله نیب باره یاتگنی اعتبارلیدیر.
    بیر حقیقنی آچلیق تن آلیشیمیز لازم: وقت اؤتیشی بیلن اصلاحات جریانلری تاباره کینگه یب

  بارماقده، شددتلی زمان آلدیمیزگه ینه ده اولکن وظیفه لرنی قؤیماقده. حیات نینگ اؤزی بیزنی کؤپ نرسه گه اؤرگتماقده. شو سببلی بیز دایمی ایزلنیشده میز. ایزلنیش بار جایده یوتوقلر بیلن بیرگه کمچیلیک و نقصانلر هم بؤلیشی طبیعیدیر.
    اینگ اساسیسی، “حرکتده – برکت” دیگنلریدیک، بیز اینگ قیین باسقیچدن اؤتدیک، یعنی، یؤلیمیزنی انیق بیلگیلب، کته ایشلرنی باشله دیک. ایندی همه گپ اصلاحاتلر یؤلینی قطعیت بیلن دوام ایتتیریش  و منطقی یکونیگه ییتکزیشده.  بو البته آسان ایمس، امٌا بیز بونگه قادرمیز. مهم، کیینگی ییللرده بونده ی اولکن و مرکب وظیفه نی عملگه آشیریش اوچون ییترلی سیاسی- حقوقی، اجتماعی- اقتصادی تشکیلی- اینستیتوسیونال زمین یره تیلدی.
    سوال: مملکتیمیزده عملگه آشیریله یاتگن سیاسی- حقوقی، اجتماعی- اقتصادی، معنوی- معرفی اصلاحاتلر جریانیده “
خلق دولت اداره لریگه ایمس، دولت اراده لری خلقیمیزگه خدمت قیلیشی کیره ک”دیگن مهم کانستیتوسیه وی تمایلنی جاری ایتیشگه استوار اهمیت بیریلماقده. بونینگ سببی نیمه ده  ؟
    
جواب: مین کؤپ ییللر دولت باشقرووی نینگ اینگ قویی بؤغینیدن باشلب، اؤرته و اینگ یوقاری پاغانه گچه – برچه باسقیچلرده مسئول لوازملریده ایشله گنمن، عالی مجلس دیپوتی هم بؤلگنمن. شونینگ اوچون هم ایسکی باشقروو تیزیمی نینگ برچه نقصان و کمچیلیکلرینی، اهالینی قیینه یاتگن درد و معمالرینی قویی بؤغیندن باشلب، ایچ – ایچیدن، باشقه لردن کؤپراق بیله من، دیب تؤلیق ایشانچ بیلن اَیته آله من.
    بویوک امیر تیمور بابامیزنینگ شهرِ سبزده گی آقسرای قرارگاهی پیشطاقیگه بیتیلگن “
عدالت- دولت نینگ اساسی و رهبرلر شعاریدیردیگن حکمتلی سؤزلریده جوده چوقور معنا بار.
    معلوم که، اجدادلریمیز ازلدن ”
ظلم قیلمه، انصافلی بؤل، خلق اوچون عدالت قورغانینی بنیاد ایت” ، دیب یاش اولادگه یؤل- یؤریق کؤرستگنلر.  بیز هم سود – حقوق تیزیمینی  اصلاح ایتیشده انه شونده ی سادده و حیاتی طلبه لردن کیلیب چیقدیک.  خصوصن، “سودیه (قاضی)نینگ آنگیده – عدالت، تیلیده – حقیقت، دلیده – پاکلیک بؤلیشی کیره ک”دیگن غایه نی ایلگری سوردیک و عملگه آشیریشنی باشله دیک.
    شو اؤرینده مملکتیمیزده دولت و حاکمیت اداره لری اوزاق وقت دوامیده خلق حیاتیدن اوزیلیب قالگنینی قید ایتیش لازم.
    سیاسی – حقوقی نقطۀ نظردن دولتگه ”
خلق خواهش – اراده سینی افاده ایته دیگن ارگان” دیب تعریف بیریله دی. دولتنی کیم شکللنتیره دی؟ خلق و اونینگ مختار وکیللری، دولت و اونینگ ارگانلری اوٌلا کیمگه خدمت قیلیشی کیره ک؟ البتته، خلققه، تورلی منصب ایگه لریگه آواز بیرگن و ایشانچ بیلدیرگن فقرالرگه.
    شو معناده، خلقیمیز دولت خدمتیدن راضی بؤلیشگه هر تامانلمه حقلی و مناسبدیر.
    انه شونده ی تمایللر اساسیگه قوریلگن دولت حاکمیتی گینه تام معناده خلقچیل، دیموکراتیک حاکمیت حسابلنه دی. بونده ی دولت و جمعیت نینگ سیاسی – حقوقی، اجتماعی – اقتصادی و معنوی – معرفی ایلدیزلری مستحکم و بقوٌت بؤله دی. شو سببدن بیز خلقیمیزنینگ آغیرینی یینگیل

قیلیش، اونینگ معمالرینی وقتیده  و ثمره لی ییچیش، آدملریمیزنینگ حیات درجه سی و صفتینی یخشیلشنی  برچه اصلاحاتلریمیز نینگ باش مقصدی ایتیب بیلگیله دیک. 
    مین دولت رهبری صفتیده فعالیت باشله گن2017 ییلگه،  مملکتیمیزده “
خلق بیلن ملاقات و انسان منفعتلری ییلی”، دیب نام بیرگنمیز ضمیریده هم عینن شونده ی اینتیلیش و حرکتلریمیز مجسم ایکنینی انگلش قیین ایمس، دیب اؤیله یمن.
    البتته، بیز ایسکی تیزیمنی بتمام اؤزگرتیریب، اؤز آلدیمیزگه قؤیگن مقصدگه تؤلیق ایریشدیک، دیب اَیتیشگه هلی ایرته. تکرار اَیته من، بیز هر کونی ایزلنیشده میز. بو یؤلده دستلبکی قدملرنی قؤیماقده میز، خلاص. لیکن “بو اؤزگریشلر – وقتینچه لیک کمپاین ، اؤته دی- کیته دی”، دیگنلر ینگلیشه دی. بو – پریزیدینت و کامنده سی(تِیمی) اوزاقنی کؤزلب یوریته یاتگن پرگما تیک (عملی) خلقچیل سیاستی نینگ اینگ استوار یؤنه لیشلریدن بیری و اونی خلقیمیز بیلن بیرگه لیکده البتته آخریگچه آلیب باره میز، هیچ قچان آرتگه قَـَیتمه یمیز.
   
بوگونگی کونده بیز ایریشگن اینگ مهم نتیجه هم اصلیده شو – دیموکرتیک اصلا- حاتلریمیز آرتگه قـَـَیتمه یدیگن توس آلدی.
   
مملکتیمیزده دولت ارگانلری فعالیتیده آچیقلیک و آشکاره لیک تاباره کینگه ییب بارماقده.   سناتور و دیپوتتلر، وزیر و حاکملر، برچه بؤغینده گی منصبدار شخصلر فقرالر بیلن یوزمه – یوز اوچره شیب، اولرنینگ درد و تشویشلری بیلن قاغازده ایمس، عملده جدٌی مشغوللنماقده. یعنی، اوٌلمبار، دولت ارگانلری خلق اوچون، هر بیر فقرا اوچون آچیلیب، اولر بیلن فعال ملاقات آلیب بارماقده.
   بیز حیاتیمیزده مجبوری محنت، خصوصن، باله لر محنتی، ایشسیزلیک، کمبغللیک، کروپسیه (اختلاس)، اهالینی اوی – جای بیلن تأمینلش، تعلیم و طبیات بیلن باغلیق معمالر موجودلیگینی آچیق تن آلیب، اولرنی کینگ جماعتچیلیگیمیز بیلن بیرگه لیکده  برطرف ایتماقده میز.
    بوگون آدملرده عدالتگه، حقیقتگه ایشانچ پیدا بؤلماقده. اولر تورلی درجه ده گی رهبر و منصب- دارلرنینگ ایش فعالیتیگه خالصانه بها بیرماقده، کمچیلیکلرنی آشکاره تنقید قیلماقده. ملی ترقیاتیمیز اوچون بو جوده مهم اهمیتگه ایگه. چونکه، شاعریمیز ایرکین واحدوف اَیتگنیدیک، “
یخشیدیر اچچیق حقیقت، لیک شیرین یالغان یامان”. 
  
 اؤزینگیز اَیتینگ، اتیگی بیر نیچه ییل آلدین بوندای نتیجه لرنی تصوٌر قیلیش ممکن میدی؟ یؤق، البته. شونینگ اوچون بوگونگی اؤزبیکستان – کیچه گی اؤزبیکستان ایمس، بوگونگی خلقیمیز هم کیچه گی خلق ایمس، دیب اَیتیشگه برچه اساسلریمیز بار.
    عین پیتده ینه بیر حقیقتنی اونوتمسلیگیمیز لازم:
بوگونگی اؤزبیکستاند- بو هلی تام معناده گی، بیز آرزو قیله یاتگن، اینتیله یاتگن ینگی اؤزبیکستان ایمس. هلی بو مرٌه گه ییتیش اوچون آلدیمیزده جوده آلیس و مشقتلی یؤل توریبدی. یؤلیمیز شو پَیتگچه آسان بؤلگنی یؤق، بوندن کیین هم آسان بؤلمه یدی. لیکن بیز ددیل  آلدینگه باریشدن، کیره ک بؤلسه، کوتیلمه گن، امٌا پراورد نتیجه سی ثمره لی و خلقیمیز منفعتلریگه جواب بیره دیگن ناعنعنوی قرارلر قبول قیلیشدن چوچیمسلیگیمیز ضرور.
    منه، سؤنگگی پیتده کؤپگینه مسأله لرده، جمله دن، پراپیسکه (رویخط گه آلیش، ثبت قیلیش)، خارجگه چیقیش اوچون “ستیکیر” ، مجبوری محنت، پخته و غله گه دولت بویورتمه سینی بیلگیلش کبی ایسکی ترتیبلردن مطلقا واز کیچیش بؤییچه غایت مهم قرارلر قبول قیلدیک.
    ساده قیلیب، جَیدری تیلده اَیته دیگن بؤلسک، بو بیلن آسمان اوزیلیب، ییرگه توشگنی یؤق. عکسینچه، بیوروکراتیه، وظیفه نی سؤی استعمال قیلیش، طمعگیرلیک کؤرینیشلری کمه ییب، جمعیتیمیز حیاتی ایرکینلشدی، آدملر یینگیل نفس آله باشله دی. خلقیمیز هم، دنیا جمعیتچیلیگی هم بو قدملریمیزنی ایجابی بهاله ماقده.
    ینگی اؤزبیکستان ح بو، اوٌلا، ینگیچه اقتصادی مناسبتلر، ینگیچه اقتصادی دنیا- قره ش دیمکدیر. شو باعث مملکتیمیز اقتصادی تیزیمی تؤلیق قـَیته قوریلماقده، قنچه لیک آغیر بؤلمه سین، بازار میخانیزملرینی عملده جاری ایتیشنی باشله دیک.
    حاضرگی وقتده ایلیکترون کرتوچکه (ایلکترون کارت) ده گی پُوللرنی بانکماتلر آرقه لی نقد پُولگه اَیلنتیریش، ملی ولیوته کورسی نینگ “قاره بازار” ده – بیر خیل، بنکلرده ایسه باشقچه بؤلیشی، خارجی ولیوتَه (اسعار) لرنی ساتیب آلیش، فقرالیک که ایگه بؤلیش، اؤزبیکستان نینگ ایستلگن حدودیدن اوی – جای و مال- مُلک ساتیب آلیش همده اولرنی رویخطگه قؤیش بیلن باغلیق معمالر تاریخده قالدی.

    اصلاحاتلر اهالی نینگ برچه قتلملری منفعتلریگه ایجابی تأثیر کؤرستماقده: تدبیرکارلر اؤز بیزنیسینی رواجلنتیریش اوچون ایرکینلیک و ینگی – ینگی امکانیتلرگه ایگه بؤلماقده، دهقان و فیرمیرلر، کلستیر خوجه لیکلری اؤزلری یتیشتیرگن حاصل نینگ حقیقی ایگه سیگه اَیلنماقده. حال بوکه ، سابق مستبد توزوم دوریده «تیپه»دن بویروق بؤلمَسه، بیر قدم باسیشگه هم حقٌیمیز یؤق ایدی. احوال شو درجه گه یتیب بارگن ایدی که، اوییمیزنینگ تامیگچه پخته ایکدیک، لیکن کاسه میز آقرمه دی. مکتب باله لرینی هم پخته گه هیده دیک. سیویملی شاعریمیز عبدالله عارپوف اؤز دوریده چوقور درد و اضطراب بیلن “ ملیون هکتارگه ساچیلگن اؤزبیک”،دیب یازگنیدیک، یوز ییل ایگیلیب پخته تیردیک.
    یقین – یقینگه چه هر ییل تخمیناً  6 – 7 ملیون آدم پخته تیریمیگه مجبورن سفربر ایتیلردی. منه اوچ ییلدن بویان اولر بو مشقتدن قوتولدی. قنچه لیک قیین بؤلمَسین، بو ساحه ده بیز بازار اقتصاد- یاتینینگ سینلگن و ثمره لی اصوللرینی، جمله دن، کلستیر تیزیمینی  جاری ایتدیک. کلستیرلر یاردمیده هکتاریدن پخته بؤییچه – 50 سینتنیر، غله بؤییچه 100 سینتنیردن حاصل آلیشنی کؤزله – یَپمیز و بو مرٌه لرگه البته ایریشه میز.
    افسوس که، مملکتیمیزده تیزلیک بیلن حل ایتیش کیره ک بؤلگن اؤتکیر معمالر باشقه ساحه لرده هم ییغیلیب قالگن ایدی. همٌه سی جاییده، دیگن کیفیٌت بیلن اولرنی بیلیب – بیلمه گنگه، کؤریب –  کؤرمه گنگه آلیب، غفلت اویقوسیگه باتیب یوره ویریش هم ممکن ایدی. لیکن بو اؤزیمیزگه خلقیمیزگه ، کیله جک که نسبتن خیانت بؤلردی.

    آچیق اَیتماقچیمن: مینینگ طبیعتیم بونده ی ساخته حیاتنی مطلقا قبول قیلالمه دی. خلقیمیز مینگه ایشانچ بیلدیردی، انه شو یوکسک ایشانچنی آقلش، ایل – یورتیمیزگه مناسب حیات شرایطینی یره تیب بیریش – مین اوچون حیاتیم نینگ معنا– مضمونیدیر. مین ملیونلب انسانلرنینگ تقدیری اوچون مسؤلیتنی ذمم گه  آلگن ایکنمن، اصلاحاتلر باره سیده باشقه چه یؤل توتیشیم، همه سینی اوٌلگیدیک قالدیریشیم اصلا ممکن ایمس.
                                          
   
         تکرار اَیته من:  آلدیمیزده  تورگن ایشلرنینگ برچه سینی اؤزیمیز، اؤز کوچیمیز بیلن قیلیشیمیز کیره ک، هیچ کیم چیتدن  کیلیب بیز اوچون بیرانته معمانی حل قیلیب بیرمه یدی.
    سوال: مملکتیمیز  ترقیاتی نینگ حاضرگی باسقیچیده تورگن اینگ استوار وظیفه لر نیمه – لردن عبارت ؟
   
جواب:  اؤتگن ییل دیسمبر آییده عالی مجلسگه یؤللنگن مراجعت نامیده بو حقده اطرافلیچه تؤخته لیب اؤتگن ایدیم. شو باعث سوالینگیزگه قسقه چه جواب بیرماقچیمن.
  
 بیرینچی استوار وظیفه: اجتماعی سیاست مملکتیمیزده دولت سیاستی نینگ اینگ مهم استوار یؤنلیشلریدن بیری بؤلیب کیلگن، حاضر هم شونده ی و کیلگوسیده هم شونده ی بؤلیب قاله دی.
    بوگونگی کونده خلق فراوانلیگینی، آدملرنینگ حیات درجه سینی هر تامانلمه آشیریش، بونینگ  اوچون ینگی ایش اؤرینلری، درآمد منبعلرینی یره تیش، کمبغللیکنی قسقرتیریش، قشلاق و شهرلریمیزنی آباد قیلیش اقتصادی ستره تیگیه میزنینگ اینگ مهم یؤنه لیشلری حسابلنه دی.
    یورتیمیزده اجتماعی معمالرنی حل ایتیش نینگ مطلقا ینگی و اؤزیگه خاص تیزیمی یره تیلدی. سیز، ژورنالیستلر، بوندن البتته یخشی خبردارسیز. کیینگی پَیتده “
تیمر دفتر” ، “عیاللر دفتری” “یاشلر دفتری” ، “محلله بَی”، و “خاندان بَی”  ایشلش اصوللری عیناً شو مقصدده جاری  ایتیلماقده.  شو اساسده معما گه عاید مهم کؤرستکیچلر ایمس، بلکه یاردم و کؤمک که محتاج هر بیر عایله فقرانینگ، خاتین- قیزلر، یاشلرنینگ معمالری اؤز جاییده انیق اؤرگنیلماقده، اولر وقتیده  و ثمره لی حل ایتیلماقده.
    کیکسه لر، ناگرانلر (معیوبلر)، آغیر احوالگه توشیب قالگن انسانلرنی قؤللب – قوٌتلش، اولرگه مهر و مروٌت کؤرسه تیش کبی ایزگو عنعنه لر بوگونگی کونده ینگیچه معنا – مضمون، عملی حرکتلر بیلن باییب، تکاملله شیب بارماقده.  بو باره ده، اَینیقسه، ”
آباد قشلاق”، “آباد محله”، “بیش مهم تشبث”، “هر بیر عایله – تدبیرکار”، یاشلر – کیله جگیمیز” کبی دستورلر اؤز ایجابی نتیجه سینی بیرماقده.
    بیرگینه
“آباد قشلاق” و ” آباد محله” دستورلری دایره سیده 2021  ییلده برچه شهر و  تومنلرده گی جمعی 7 مینگ 794 ته قشلاق، محلله ده عمومی قیمتی 8،20 تریلیون سؤملیک قوریلیش، تعمیرلش و آبادانلشتیریش ایشلری عملگه آشیریلماقده. تأکیدلش کیره ک که، ملی تاریخیمیزده قشلاق و محله لریمیزنی آبادانلشتیریشگه هیچ قچان بونچه لیک کته مبلغ اجره تیلمه گن، اینگ مهممی، اولرنینگ رواجیگه بو قدر جدٌی اعتبار بیریلمگن.
   
انه شونده ی کینگ کؤلملی ایشلرنی عملگه آشیریش اوچون رهبرلر قولی و شینَم کبینیت لردن چیقیب، بیواسطه پَستگه، محلله درجه سیگه توشیب ایشله ماقده. اونینگ ریأل احتیاجینی حسابگه آلگن حالده یاردم کؤرسه تیش امکانینی بیرماقده. بونده اوشبو طایفه گه منسوب هیچ بیر انسان اعتباردن چیتگه قالمسلیگی گه اهمیت قره تماقده میز.
    تکلیف و تشبثلر ایلگریدیک فقط “تیپه” دن ایمس، بلکه کؤپراق قوییدن بؤلماقده. اولرنی عم                               

 آشیریشده ایسه قویی و یوقاری بؤغینده گی دولت باشقروو اداره لری نینگ ثمره لی همکارلیگی ایش بیرماقده.  شو اساسده جمعیتیمیزنینگ اجتماعی منظره سی بوتونله ی اؤزگرماقده، ثمره لی باشقروونینگ نتیجه دارلیگی  آشماقده، اینگ مهمی، آدملرنینگ حیاتگه، محنتگه، اؤزی نینگ تقدیری و ایرتنگی کونگه ایشانچی آرتماقده.
    مین بونده ی اؤزگریشلرنی جمعیت ترقیاتی نینگ اینگ اساسی صفت کؤرستکیچلری، دیب حسابله یمن.
    البتته، اجتماعی حمایه تیزیمیده گی اَیریم کمچیلیک و نقصانلر سقله نیب قالماقده. بیز اولرنی باسقیچمه – باسقیچ برطرف ایته میز، اوشبو تیزیمنی کامللشتیریب، یخشی نتیجه بیره دیگن جماعتده گی برچه ساغلام کوچلرنی شو مقصد اطرافیده بیرلشتیره دیگن درجه گه یتکزه میز..
    محتاج فقرالرنی تؤغریدن – تؤغری، انیق مقصد بیلن مادٌی قؤللب – قوٌتلشگه قره تیلگن تیزیملی چاره – تدبیرلرنی عملگه آشیریشده اساسی اعتبار اهالی نینگ کم تأمینلنگن قتلملریگه     داتتسیه (کومک) بیریش ایمس، بلکه اولرگه درآمد تاپیش اوچون ضرور شرایط و امکانیتلر توغدیریشگه قره تیلماقده.
   
ایککینچی استوار وظیفه: اقتصادی ترقیات ساحه سیده اؤسیش نقطه لرینی انیقلش و اولرگه اهالیده اهمیت قره تیش، شو طریقه ینگی اؤزبیکستان اقتصادیاتی نینگ رقابت برداشلیگینی آشیریش مهم رول اؤینه یدی.
    مثلاٌ، بیز اوچون اؤته مهم بؤلگن تؤقیمه چیلیک ترماغینی آله یلیک. کارخانه لریمیزده بو   ساحه ده پخته نی ییتیشتیریشدن باشلب اونی چوقور قـَیته ایشلشگه چه، یکونی محصولات ایشلب چیقریشگه قدر بؤلگن برچه تیخنولوژیک جریانلرنی پُخته اؤزلشتیریب، اکسپورت و فایده حجمینی بیر نیچه برابر آشیرگن تقدیرده گینه، مذکور یؤنه لیشده ییتکچی مملکتلرنینگ ایشلب چیقرووچیلری بیلن رقابتلشه آلیشی ممکن.
    آنه زمینیمیز بغریده گی بای خام اشیا و قازیلمه بایلیکلرنی ایل – یورتیمیز منفعتلری یؤلیده  ایشله تیش مقصدیده یوقاری ثمره لی، زمانوی تیخنولوژی لرگه اساسلنگن ایشلب چیقاریش قوٌتلری  برپا ایتیلماقده. شو باره ده گی سعی – حرکتلریمیز طفیلی کیینگی ییللرده کندیم گزنی قـَیته ایشلش کامپلیکسی، تاشکینت میتللورگیه زوودی کبی ییریک و نایاب آبیکتلر ایشگه توشیریلدی، نوایی   کان – میتللورگیه مجموعه سی همده اؤزبیکستان میتللورگیه کامبینتی نینگ ایشلب چیقریش      قوٌتلری کینگیتیریلدی. انه شو ایشلریمیزنینگ دوامی صفتیده یقینده ییتکچی خارجی کامپنیه لر بیلن همکارلیکده لایحه قیمتی  2 ملیارد
امیریکه دالریگه تینگ بؤلگن آلمه لیق کان – میتللورگیه  کامبینتی نینگ ینگی مس باییتش(غنی سازی) فابریکه سی قوریلیشی باشلنگنیدن خبرینگیز بار.
    بیز اقتصادیاتیمیزنی مودیرنیزه تسیه و دیویرسیفیکه سیه(متنوع) قیلیشده علیحده ایگه بؤلگن خصوصیلشتیریش جریانیده فقط دولت کارخانه لرینی ساتیش ایمس، بلکه اولرنینگ رقابتداشلیگینی آشیریش، اقتصادی ساحه ده گی ملی منفعتلریمیزنی  مستحکملشگه خدمت قیله دیگن مطلقا ینگی یانده شولرنی قؤللشگه استوار اهمیت بیرماقده میز. دولت اکتیولرینی ساتیشده شفٌافلیک و ثمره دارلیکنی، کینگ جماعتچیلیک اشتراکینی تأمینله یدیگن کفالتلرنی یره تیش اینیقسه اؤته مهم دیر.

    اوچینچی استوار وظیفه: بیز حاضرگی گلوبل اپیدمی دوریده اهالی ساغلیگینی محافظه قیلیش جمله دن، تدبیرکارلرنی اؤز معمالری گردابیگه تشلب قؤیمسلیکنی اساسی مقصدلریمیزدن بیری صفتیده کؤره میز. چونکه هر بیر تدبیرکارلیک توزیلمه سی آرتیده قنچه – قنچه انسانلرنینگ ایش اؤرنی، عایله لری نینگ درآمدی، بوگونگی و ایر سانی کیینگی پیتده ایککی برابر کؤپه یدی، اوشبو ترماقده گی 50 فایز(%)دن زیاد  کارخانه لر فقط کیینگی اوچ ییلده تشکیل ایتیلگن. بو ایسه مملکتیمیزده مهم اجتماعی قتلم – اؤرته صنف نینگ کوچه ییشی اوچون پُخته زمین بؤلماقده.
    شونینگ اوچون هم بیزنیسنی قؤللب – قوٌتلش، تدبیرکارلیک و خصوصی مُلکنی حمایه قیلیش برچه اقتصادی اصلاحاتلرنینگ باش مسأله سی بؤلیب قالماقده. تدبیرکارلر اولرنی قؤللب – قوٌتلش حقیده گی چیرایلی سؤزلرنی کؤپ ایشیتگن، ایندی بو گپلرنینگ عملی تأثیری و نتیجه سینی اؤز  کونده لیک فعالیتیده حس ایتیشی کیره ک.
    بیزنیس اهلی حقیده فقط سالیقلرنی تولش و تیکشیریشلر پیتیده ایسله یدیگن زمانلر اؤتیب بؤلدی. شو نقطۀ نظردن، سالیق قانونچیلیگینی مقبوللشتیریش باره سیده بیز انچه ایش قیلدیک، لیکن هلی آلدیمیزده ینه ده کتته وظیفه لر توریبدی و بیز اولرنی البتته عملگه آشیره میز.
    اَیریم محللی حاکمیت ارگانلری تامانیدن تدبیرکارلر ایشیگه اره لشی، “تیلفون حقوقی”دن فایده- لنیب، اولرگه تضییق اؤتکزیش حالتلری اوچره ب تورگنی هم بارگپ. بیز بونده ی معمالرگه اوزیل – کیسیل نقطه قؤییش اوستیده ایشله یَپمیز. اگر بیز تدبیرکارلرنی قؤللب- قوٌتلمه سک، اولرگه شرایط یره تیب بیرمه سک، خصوصی کارخانه لر سانینی کؤپه یتیرمه سک، شهر و تومنلرنینگ محللی بیودجیتی (بودجه سی) ناچار احوالده قاله ویره دی.
   
برچه میز بیر حقیقتنی چوقور انگلب آلیشیمیز کیره ک: تدبیرکارلیک فعالیتینی قؤللب – قوٌتلش – فقرالر، خلقیمیز فراوانلیگینی آشیریش نینگ اینگ ثمره لی یؤلی، ینگی اؤزبیکستاننی برپا ایتیش نینگ پراورد مقصدی دیر.
   
بو ساحه ده گی موجود کمچیلیک و نقصانلرنی حل ایتتیشده مملکتیمیز حیاتینی ینه ده ایرکینلش- تیریش، آچیقلیک و آشکاره لیک محیطینی، جماعتچیلیک نظارتینی کینگه یتیریش مهم رول اؤنه – یدی، دیب ایشانه من.
    تؤرتینچی استوار وظیفه: اپیدمی قشلاق خوجه لیگیده توب اؤزگریشلر عملگه اَشیریله – یاتگن دورگه تؤغری کیلدی. بو دَور آذیق – آوقت خَوفسیزلیگینی تأمینلش، اگرر سیکتورینی (زراعت سکتورینی) زمان طلبلری اساسیده رواجلنتیریش بوتون انسانیت، جمله دن، بیز اوچون هم دالضرب وظیفه گه اَیله – نیب باره یاتگنینی یقٌال تصدیقله یدی.
    مملکتیمیز قشلاق خوجه لیگی بؤییچه اولکن صلاحیتگه، قدیمی تجربه و بای عنعنه لرگه ایگه. امٌا اوزاق وقت مابینیده اوشبو ترماقده بازار اقتصادیاتیگه خاص یانده شوو و مادٌی رغبتلنتیریش  میخانیزملری جاری ایتیلمه دی، اونی رواجلنتیریشگه مبلغ و علمی اینه وَتسیه لر(ینگی لیکلر) ییترلیچه جلب  قیلینمه دی. عاقبتده ییرنینگ مداری قوریدی، کوپراق اونومدارلیگی پسه یدی.
    تصوٌر قیلینگ، مستقللیک دَوریده، یعنی، کیینگی 30 ییلده اؤزبیکستان اهالیسی 15 ملیون نفرگه کؤپه یدی. بو اؤرته چه بیر مملکت اهالیسی، دیمکدیر. قاله ویرسه، وقت اؤتیشی حیات اؤزگریشی بین آدملرنینگ استعمال طلبی و احتیاجلری هم متٌصل آرتیب بارماقده.  ییریمیز، سوویمیز ایسه  کؤپیمسلیگی طبیعی، البته.  بونده ی ریسورسلر نه فقط بیزده، بوتون دنیاده چیکلنگن.
بنابرین بیز ایندی عقلیمیزنی، انتلیکتول(فکری، تفکر) صلاحیتیمیزنی، بیلیم و تجربه میزنی آشیریشیمیز، عیناٌ انه شو عمللرنی اقتصادی اؤسیش نقطه لری و ریسورس منبعلریگه اَیلنتیریشیمیز شرط.
   
بو نیمه نینگ حسابیدن بؤله دی؟ البتته، بونگه بیلیم و تجربه، تینیمسیز اؤقیب – اؤرگنیش،  ایزلنیش، ینگیلیک که اینتیلیش، یوقاری تیخنالوگیه لرنی جاری ایتیش، اصلاحاتلرنی ثمره لی الیب باریش حسابیدن ایریشیش ممکن.
    شو سببلی بیز اگرر(زراعت) سکتورینی یَلپی (عمومی) و تیزیملی ترنسفارمه تسیه قیلیشنی(اوزگرتیریشنی) باشله دیک. اوشبو ساحه نی  اقتصادیات نینگ  اساسی درَیویرلریدن (ایلگری سورووچیلریدن) بیریگه اَیلنتیریش – باش مقصدیمیزدیر. شو مقصدده 2020 – 2023 ییللرگه مؤلجللب ایشلب چیقیلگن
قشلاق خؤجه لیگینی رواجلنتیریش  ستره تیگیه سیده ترماقنی رواجلنتیریش باره سیده گی اساسی وظیفه لر انیق – روشن بیلگیلب قؤییلدی. خصوصن، قشلاق خؤجه لیگی، آذوق – آوقت سیکتوری و قشلاقلرنی یقین  اؤن ییلده جدل ترقی ایتتیریش ریجه سی کؤزده توتیلدی.
    زراعت ساحه سیده ایشلرنی بوتونله ی ینگی اساسده تشکیل ایتیش آرقه لی ترماق نینگ ثمره دارلیگی  و رقابتداشلیگینی آشیریش، اوشبو یؤنه لیشده مینگلب ینگی ایش اؤرینلری یره تیش و قشلاق جایلرده آدملرنینگ حیات درجه سینی یوکسلتیریش سری مهم قدملر قؤییلماقده.

    بیشینچی استوار وظیفه: اپیدمی دَوریده خلقیمیزنینگ ساغلیگی و  یودجیتیده 3 تریلیون سؤم ذخیره شکللنتیریلدی. اوشبو مبلغ حسابیدن  طبیات ساحه سیده کؤپگینه چاره – تدبیرلر، جمله دن، اهالینی کروانا ویروس گه قرشی ایملش (واکسیناسیون) تدبیرلری عملگه آشیریلماقده.
    برچه طبیات مؤسسه لریده مسافوی خدمتلرنی کؤپَیتیریش، پولیکیلینیکه و کسلخانه لرنی الکترون ایش یوریتیشگه اؤتکزیش، ریسپوبلیکه اختصاصلشگن طبیات مرکزلری و اولرنینگ فیلیا-  للری اؤرته سیده تیلی میدیتسینه خدمتینی یؤلگه قؤییب، دیاگنوستیکه و دوالش اوچون جایلرده گی امکانیتلرنی ینه ده کینگیتیریشگه علیحده اعتبار قره تیلماقده.
    طبیات نینگ بیرلمچی بؤغینینی کوچیتیریش، اَینیقسه، قشلاق و محله لرده طبٌی خدمتنی صفت جهتیدن ینگی باسقیجگه کؤتریش چاره لری کؤریلماقده. جمله دن، بیرلمچی بؤغونده عمومی عملیات شفاکاری شتت بیرلیگی (اداری واحدلر بیرلیگی) اؤرنیگه عایلوی شفاکار و اونگه یاردمچی صفتیده 5 نفر اؤرته طبیات خادمیدن عبارت “طبٌی بریگده لر” (گروپلر)تشکیل ایتیلماقده.
    مملکتیمیزده خصوصی طبٌی کلینیکلر آچیشگه کینگ امکانیتلر یره تیب بیریله یاتگنیگه قره –مسدن، جایلرده گیمادیه لیز(هیمودیالیز)، طبٌی دیاگنوستیکه (تشخیص) و ریابیلیتتسیه (کوچ بیریش) خدمتلری بؤییچه شفاخانه لرییتیشمه یَپتی. شونینگ اوچون دولت – خصوصی شیریکلیک اساسیده گی لایحه لرنی کؤپَیتیریش 170 ته تومن و شهر طبٌیات بیرلشمه سینی کامپیوتر توموگرافلری بیلن تأمینلش، اولردن فایده لنیش  بؤییچه خادملر ملکه سینی آشیریشگه قره تیلگن عملی ایشلر باشلندی.
    طبًیاتده گی ینه بیر مرکب معما – یوقاری ملکه لی کدرلر ییتیشمسلیگی دیر. شو باعث ینگی اؤقوو ییلیدن باشلب کلینیک آردینتوره نینگ قبول کواته سی ایککی برابر اَشیریله دی. ولایت  

 حاکمیتلری اؤز حدودی اوچون ضرور بؤلگن انه شونده ی متخصص  شفاکارلرنی تیارلشگه محللی بیو دجیتدن گرنتلر اجره ته دی.
    مملکتتیمیزده انسان اعضالرینی ترنسپلنتتسیه (پیوند) قیلیش بؤییچه قانونی اساسلرنی ایشلب چیقیشنی  باشله دیک. بو باره ده نورمَاتیف  حقوقی بزه نینگ موجود ایمسلیگی طفیلی ایلگری، دونرلیک قیلووچی شخص بیمارنینگ یقین قرینداشی بؤلمَسه، ترنسپلنتتسیه اوچون رخصت بیریلمس ایدی. کؤپچیلک فقرالریمیز بونده ی طبٌی آپیره تسیه (عملیات) نی چیت ایلده اؤتکزر، خارجگه باریشگه قربی یتمه گنلر ایسه چاره سیز احوالده قالر ایدی.
    بیزنی اینگ قیینه یدیگن مسأله لردن بیری – ساغلیکنی سقلش ساحه سیده گی کروپسیه(اختلاس) حالتلری دیر. اؤتگن ییل نینگ اؤزیده تیزیمده 30 میلیَارد سؤمدن آرتیق مبلغنی تلان – تاراج قیلیش  حالتلری انیقلندی و عیبدارلر قانونی جزاگه تارتیلدی. شونینگ اوچون بو ساحه ده تأثیرچن نظارت تیزیمینی اؤرنه تیشگه، اوٌلا، جماعتچیلیک نظارتینی کوچه یتیریشگه جدی اهمیت بیریلماقده.
   
اهالی نینگ طبٌی مدنیتینی آشیریش، آدملر اورته سیده ساغلام تورموش طرزی تمایل- لرینی کینگ ترغیب ایتیش نه فقط طبٌیات ساحه سی، بلکه بوتون جمعیتیمیز آلدیده گی دالضرب وظیفه دیر. هر بیر انسان اؤز ساغلیغی حقیده اوٌلا اؤزی اؤیله شی، غمخوارلیک قیلیشی کیره ک. اینیقسه، کرونا ویروس پندیمیه سی بوتون ییر یوزیده، جمله دن، یورتیمیزده هم دوام ایته یاتگن حاضرگی پَیتده بونینگ اهمیتی بیقیاس دیر.
    شو باعث بی پروالیککه، لاقیدلیککه بیریلیشگه اصلا حققیمیز یؤق. کورونا ویروس هلی هم یانیمیزده، بیز بیلن بیرگه یشه ماقده. شونینگ اوچون مملکتیمیزده تیگیشلی طبٌیات مرکزلری، داری – درمان و حمایه واسطه لری نینگ ییترلی ذخیره سی شکللنتیریلدی. حدودلرده60 ته کیسلرود(آکسیجن) ستنسیه سینی ایشگه توشیریب، ریه نیمه سیه و انتینسیو ( جدی مراقبت بیلن) دوالش بؤلیملرینی کیسلارود بیلن اوزلوکسیز باشلندی.
    فرصتدن فایده لنیب، خلقیمیزنی اؤز ساغلیگی گه مسؤلیت بیلن قره ب، بو خَوفلیک کسللیک که قرشی ایملش تدبیرلریده فعال اشتراک ایتیشگه ینه بیر بار چقیره من.
   
آلتینچی استوار وظیفه: بیز ینگی شرایطده معنوی – معرفی ایشلرنی کوچه یتیریشگه اینتیلماقده میز. بونده ی یانده شوو – بوگونگی و کیلگوسی رواجلنیشیمیز اوچون مستحکم پایدیواردیر.
    شو معناده،
ینگی اؤزبیکستاننی برپا ایتیش – یقین و آلیس تاریخیمیز، بی تکرار و نایاب مدنی بایلیکلریمیزنی ینه ده چوقور اؤرگنیب، اولرگه تیه نیب، مستقل ملی ترقیات یؤلیمیزنی ینگی باسقیچده دوام ایتتیریش دیمکدیر.
   
کیینگی ییللرده مدنی – هومانیتر یؤنه لیشده – مدنیت، کینا (سینما)، رقص و تصویری صنعت ساحه لرینی، ادبیات و کتاب خوانلیکنی رواجلنتیریش بؤییچه عملگه آشیره یاتگن ایشلریمیز خلقیمیزگه یخشی معلوم، البته. خصوصن، خلق ارا مقام انجمنی، بخشیچیلیک و ملی هنرمندچیلیک فستیوا للرینی تشکیل ایتگنیمیز و یوکسک سویه ده اؤتکزگنیمیز ینگی اؤزبیکستاننی دنیاگه کینگ ترغیب ایتیشده مهم اهمیتگه ایگه بؤلدی.
    ملی تاریخیمیزنی خالص و حقٌانی تدقیق ایتیش اوچون بوگونگی کونده اؤزبیکستانگه عاید

خارجده گی مدنی بایلکلرنی تدقیق ایتیش مرکزی، فنلر اکدیمیه سی قاشیده اؤزبیکستان نینگ ینگی تاریخی مرکزی، “اؤزبیکستان تاریخی” تیلی کانالی فعالیت کؤرستماقده.
    اسلام دینی رواجی یؤلیده بیقیاس خدمت قیلگن بویوک محدَث بابالریمیزنینگ دینی و علمی- معنوی میراثینی اؤرگنیش و ترغیب ایتیش مقصدیده سمرقندده – امام بخاری، سرخان دریاده  
امام ترمذی خلق ارا علمی – تدقیقات مرکزلری، شونینگدیک، تاشکینتده اؤزبیکستان خلق ارا اسلام اکدیمیه سیده، امام ماتریدی خلق ارا علمی – تدقیقات مرکزی ایش آلیب بارماقده.
    تاشکینت شهریده برپا ایتیله یاتگن اؤزبیکستانده گی اسلام سیویلیزه سیه سی مرکزی خلقیمیز – نینگ بای دینی- معنوی میراثینی چوقور اؤرگنیش و دنیاگه ترغیب ایتیش، یاش اولادلریمیزنی ملی و عموم بشری قدریتلر روحیده تربیه لشده بیقیاس اؤرین توته دیگن علم- معرفت مرکزیگه اَیلنه دی.

بیز حاضرگی مرکب و شدٌتلی زمانده معنوی – معرفی ایشلرنینگ اؤرنی و تأثیری تاباره آرتیب باره یاتگنینی حسابگه آلیب، بو ساحه ده گی فعالیتیمیزنی ینه ده کوچه یتیریشگه علیحده اهمیت  بیرماقده میز. ” معنویٌت و ایجادنی قؤللب – قوَتلش مقصدلی جمغرمه سینی تشکیل ایتیش تؤغریسیده” همده “معنوی – معرفی ایشلر تیزیمینی توبدن تکامللشتیریش چاره – تدبیرلری تؤغریسیده” شو ییل مارچ آییده قبول قیلینگن پریزیدینت قراری عین شو ساحه ده گی وظیفه لرنی ثمره لی حل ایتیشگه قره تیلگندیر.
    ینگی اؤزبیکستان نفوذلی خلق ارا و منطقوی تشکیلاتلرده برچه ساحه لر قطاری معنوی – معرفی مسأله گه عاید تشبثلرنی هم ددیل اؤرته گه قؤیماقده. بو حقده سؤز یوریتگنده، مملکتیمیز  تامانیدن بیرلشگن ملتلر شکیلاتی باش اسَامبلیه سی نینگ 72 – سیسیه سیده
” معرفت و دینی بغری کینگلیک” ریزالیوسیه سینی(اعلامیه سینی) قبول قیلیش بؤییچه ایلگری سوریلگن تشبث خلق ارا جماعتچیلیک تامانیدن کینگ قؤللب – قوٌتلندی. یقینده مذکور ریزالیوسیه قبول قیلینگنینی علیحده تأکیدلش لازم.
    شونیندیک، تورکی تیلی دولتلر همکارلیک کینگشی نینگ ویدیو انجمن شکلیده اؤتگن سممیتیده علم – فن، تعلیم، مدنیت و صنعت ساحه لرینی، شونینگدیک، تورکی دنیا بیرلیگینی رواجلنتیریشگه اولکن حصه قؤشگن اتاقلی شخصلرنی رغبتلنتیریشگه قره تیلگن ینه بیر مهم تشبثیمیز قبول قیلینیب، تورکی کینگش نینگ
علیشیر نوایی نامیده گی خلق ارا مکافاتی تأسیس ایتیلدی. بیز بونی برچه تورکی خلقلرنینگ فخر و افتخاری بؤلگن حضرت علیشیر نوایی بابامیزگه، شونده ی اولوغ ذاتلرنی تربیه لب وایه گه ییتکزگن خلقیمیزگه بؤلگن یوکسک حرمت – احترام افاده سی، دیب بیله میز.
    سوال: ینگی اؤزبیکستاننی برپا ایتیشده تشقی سیاستگه، دنیاده گی آلیس دولتلر بیلن دوستانه همکارلیک علاقه لرینی رواجلنتیریشگه علیحده اهمیت بیریلماقده. بو باره ده ایچکی و تشقی سیاست نینگ اؤزارا باغلیق واویغون جهتلری نیمه لرده نمایان بؤله دی؟
    
جواب:  اوٌلا، شونی تأکیدلش کیره ک که، بیز مملکتیمیز  ینگیلنیش دَوریگه قدم قؤیگن بیرینچی کونلردن باشلب آچیق، پره گماتیک و عملی تشقی سیاست یوریتیش، دنیاده گی برچه ترقی پرور مملکتلر، اینیقسه، قؤشنی دولتلر بیلن یقین دوستلیک و همکارلیک مناسبتلرینی مستحکملشگه  استوار اهمیت قره تماقده میز. اؤزبیکستان اؤتگن دَوورده انه شو ستره تیگیک یؤلگه دایما صادق

قالیب، اؤز شیریکلری همده خلق ارا تشکیلاتلر آلدیده گی مجبوریتلرینی تؤلیق بجریب کیلماقده.
    اؤتگن تاریخن قسقه دَورده یورتیمیزنینگ مرکزی اسیا منطقه سی و جهان مقیاسیده گی سیاسی اؤرین و نفوذی کیسکین آشدی.
دنیاده ینگی اؤزبیکستانگه نسبتن ایشانچ روحی و مملکتیمیز بیلن همکارلیک که اینتیلیش تمایللری کوچه یدی.
   
بیرینچی نوبتده، قؤشنی دولتلر بیلن مناسبتلریمیزده ییللر دوامیده ییغیلیب قالگن معمالر حل ایتیلدی. چیگره لر آچیلدی. قؤشنی – قؤشنیسی بیلن، اکه – اوکه سی ، آته –  باله سی، قرینداش – قرینداشی بیلن اوزیلیب قالگن علاقه لرنی تیکلب، بیر مملکتدن ایککیچینچی دولتگه ایمین – ایرکین باریب کیله باشله دی. ویزه مسأله لری حل ایتیلدی. سودا – اقتصادی و مدنی – هومانیتر علاقه لریمیز جدل رواجلنماقده.
    ازل – ازلدن اؤزارا قرداش و برادر بؤلگن مملکتلریمیز کؤپگینه منطقوی و گلوبل مسأله لر، اجتماعی – اقتصادی ترقیات بؤییچه یقین همکارلیکده حرکت قیلیشنی باشله دی. جهان سیاست- شناسلیگیده “
مرکزی آسیا روحی” دیگن عباره پیدا بؤلدی.
    شو ییل نینگ 5- 6 اگست کونلری تورکمنستانده بؤلیب اؤتگن مرکزی آسیا دولت رهبرلری نینگ نوبتده گی مصلحت اوچره شووی بو جریانگه ینگی مضمون و کوچ بغیشلشی بیلن اعتبارلیدیر.
 
    ینه بیر مهم تامانی  شونده کی، اؤزبیکستان بوگون اؤزی نینگ اوزاقنی کؤزله گن سیاستی بیلن منطقه میز و جهانده گی سیاسی جریانلرنینگ فعال اشتراکچیشیگه اَیلندی. بیرلشگن ملتلر تشکیلاتی پارلمانلرارا اتفاق، اروپاده خوفسیزلیک و همکارلیک تشکیلاتی، شانگهای همکارلیک تشکیلاتی، مستقل دولتلر همدوستلیگی، اسلام همکارلیک تشکیلاتی کبی خلق اراو منطقوی تشکیلاتلر بیلن همکارلیگیمیز ینگی باسقیچگه کؤتریلدی.
    مملکتیمیز تورکی تیللی دولتلر همکارلیک کینگه شیگه اعضا بؤلدی، یورو آسیا اقتصادی همکار  لیک اتفاقی حضوریده کوزه تووچی مقامینی آلدی. اؤزبیکستان اؤز تاریخیده بیرینچی مرته
BMT – نینگ انسان حقوقلری بؤییچه کینگشی گه اعضا ایتیب سَیلندی و اونینگ 2021 ییل 22 فبروری ده جینوا شهریده ویدیو انجمن شکلیده بؤلیب اؤتگن 46 – سیسیه سیده موفقیتلی اشتراک ایتدی.
    اؤتگن ییلی مملکتیمیزده ایلک بار مستقل دولتلر همدوستلیگی تشکیلاتیگه رنسلیک قیلدی و پندیمیه گه قره مسدن،
MDH   دایره سیده کؤزده توتیلگن 60 دن زیاد برچه خلق ارا تدبیرلر  ثمره لی اوتکزیلدی، 70 گه یقین مهم حجٌتلر قبول قیلیندی.
    اؤزبیکستان مرکزی و جنوبی آسیا منطقه لریده گی انتیگرتسیه و همکارلیک جریانلرینی فعاللشتیریشده تاباره مهم رول اؤینه ماقده. شو ییل 15 – 16 جولای کونلری تاشکینت شهریده  
“مرکزی و جنوبی آسیا: منطقوی باغلیقلیک. تهدیدلر و امکانیتلر” موضوعیده اؤتکزیلگن خلق ارا کنفرانسده مملکتیمیز تامانیدن ایلگری سوریلگن ینگی تکلیف و تشبثلر نه فقط اوشبو بی پایان منطقه لر دولتلریده، بلکه جهان هم جمعیتیده کتته قیزیقیش اویغاتدی. خصوصن، مرکزی آسیانی هند اوقیانوسی بیلن باغله یدیگن ینگی ترنسپورت یؤللرینی برپا ایتیش مسأله لری هم محاکمه قیلیندی. کنفرانس تاشکینت روحینی ینه بیر کرره نمایان ایتدی.
   بوگونگی کونده
اؤزبیکستان ریسپوبلیکه سی نینگ تشقی سیاسی فعالیت کانسیپسیه –سی تکامللشتیریلماقده. اوشبو مهم حجٌتده تشقی سیاستیمیزنینگ استوار یؤنلیشی بؤلگن

مرکزی آسیا دولتلری بیلن کؤپ عصرلیک دوستلیک و یخشی قؤشنیچیلیک، ستره تیژیک شیریکلیک و اؤزارا ایشانچ روحیده گی علاقه لریمیزنی ینه ده مستحکملشگه علیحده اعتبار قره-تیلماقده. اؤزبیکستان نینگ اساسی خارجی شیریکلری حسابلنگن روسیه، ختای (چین)، امریکه شتتلری(ایالات متحده امریکا)، تورکیه، جرمنی، فرانسه، بویوک بریتانیه، جنوبی کوریا، جاپان، هندوستان، پاکستان، بیرلشگن عرب امیرلیکلری و باشقه دولتلر بیلن کؤپ قیرره لی و اؤزارا منفعتلی علاقه لری ینه ده کینگیماقده. 
    اؤزبیکستان افغانستان نینگ یقین قؤشنیسی صفتیده بو مملکتده تیزراق تینچلیک و برقرارلیک اؤرنه تیلیشیدن منفعتداردیر.
    معلومکه، اؤزبیکستان 2021 – 2022 ییلرده شانگها ی همکارلیک تشکیلاتیگه رئیسلیک قیله- دی. حاضرگی وقتده بیز بو مهم سیاسی تدبیرنی یوقاری سویه ده اؤتکزیش اوچون جدی تیارگر -چیلیک ایشلرینی آلیب بارماقده میز.
    انسان حقوق و ایرکینلیکلرینی تأمینلش، سؤز و دینی اعتقاد ایرکینلیگی گیندیر تینگلیک بؤییچه ایریشه یاتگن یوتوقلریمیز نفوذلی خلق ارا تشکیلاتلر بیلن همکارلیکده ایزچل مستحکم لنیب بارماقده.  دنیانینگ کؤپلب مملکتلریده گی یورتداشلریمیزنی قؤللب – قوٌتلش و اولر بیلن علاقه لریمیزنی ینه ده مسحکملش مقصدیده “
وطنداشلر” جمغرمَه سی تشکیل ایتیلدی.
    جمعیتیمیزده ملتلر ارا تاتوولیک و بغری کینگلیک  محیطینی مستحکملشگه قره تیلگن ایشلریمیز صفت جهتیدین ینگی باسقیچگه کؤتریلماقده. هر ییلی خلق ارا دوستلیک کونی صفتیده کینگ نشان- لنه دیگن 30 ایول سنه سی اؤزبیکستانده ”
خلق ارا دوستلیگی کونی” دیب اعلان قیلیندی. بو ییل اوشبو بیرم مملکتیمیزده بیرینچی بار کینگ نشانلندی. بونی هم ایچکی و تشقی سیاست عامللری بیرلشه دیگن مشترک حادثه صفتیده قبول قیلیش ممکن.
    بوتون دنیاده بؤلگنی کبی مملکتیمیزده هم ایکولوگیک معمالرینی حل ایتیشگه جدٌی اعتبار بیریلماقده. قؤشنی دولتلر و جهان جماعتچیلیگی بیلن بیرگه لیکده ارال دینگیزی هلاکتی عاقبتیده یوزه گه کیلگن ایکولوگیک فاجعه لر تأثیرینی یومشتیشگه قره تیلگن حرکتلرنی قطعی دوام ایتیره یَپمیز. دینگیزنینگ قوریگن توبیده یوز مینگلبهکتار اؤرمان و بوته زارلر تشکیل ایتیلماقده، ارال بؤیی حدودلریده اولکن قوریلیش و آبادانچیلیک ایشلری عملگه آشیریلماقده. بو باره ده بیرلشگن ملتلر تشکیلاتی بیلن همکارلیکده توزیلگن
ارال بؤیی منطقه سیده انسان خوفسیزلیگینی تأمینلش بؤییچه کؤپ تامانلمه تراست فوندی فعالیتی مهم رول اؤینه ماقده.
    بو حقده سؤز یوریتگنده ، اؤزبیکستان نینگ
ارال بؤیی منطقه سینی ایکولوگیک انه وتسیه و تیخنولوگیه لر حدودی دیب اعلان قیلیش بؤییچه BMT  باش اسٌامبلیه سی نینگ مخصوص    ریزالیوسیه سینی قبول قیلیش حقیده گی مهم تشبثی  2021 ییل 18 می کونی اسامبلیه تامانیدن بیر آوازدن معقوللنگنینی قید ایتیش آؤرینلیدیر. اوشبو ریزالیوسیه نی ایشلب چیقیشده  امریکه ، روسیه، ختای، تورکیه، آذربایجان کبی دنیاده گی نفوذلی دولتلر، جمعی 50 مملکت هم مؤلف صفتیده اشتراک ایتگنی بو تشبث جهان هم جمعیتیده قنده ی کتته قیزیقیش اویغاتگنیدن دلالت بیره دی.
    سوال: معلوم که، اصلاحاتلر ثمره لی کؤپ جهتدن رهبر کدرلر، اینیقسه، محللی حاکملرنینگ بیلیم و تجربه سی ، سیاسی سویه سی و مدنیتیگه باغلیق. شو معناده، پریزیدینت نینگ جایلرده گی 

آلیب باریلماقده. یورتیمیدهجدل آلیب جدل آلیب باریلماقدهوکیللری بؤلگن حاکملرنینگ ایش فعالیتی سیزنی قانیقتیره دیمی؟
    جواب: مین بو حقده اؤتگن ییلی عالی مجلسده یؤلــَله گن مراجعت نامه ده هم علیحده تؤخته لیب اؤتگن ایدیم. نه فقط حاکملر، بلکه  برچه بؤغینده گی اکثریَت کتته – کیچیک رهبرلرده بیلیم و تجربه، تشکیلاتچیلیک صلاحیَتی، ایل – یورت ایشی اوچون فداییلیک تویغوسینینگ ییتیشمسلیگی مینی قیینه یدیگن اینگ مرکب مسأله دیر.
    تؤغری اَیتدینگیز، جایلرده اصلاحاتلرنینگ ثمره لی عملگه آشیریلیشی بیرینچی نوبتده حاکملرگه، اولرنینگ بیلیم و تجربه سی، ایش بیلرمانلیک خصوصیتلریگه باغلیق. اینگ مهمی، اولر آدملرنینگ اشانچینی قازانگن بؤلیشی شرط. اهالی جایلریده گی رهبرلرگه، اولرنینگ ایشی، خدمت و معامله مدنیتی، سیاسی، حقوقی و اخلاقی سویه سیگه قره ب، دولت حاکمیتیگه بها بیره دی. لیکن آچیق اَیته دیگن بؤلسک، حاکملر، عمومن، قؤیی بؤغیندلرده گی رهبرلرنیگ برچه سی هم ایل – یورت اؤرته سیده ییترلی آبرو – اعتبارگه ایگه ایمس.
    افسوس که، کؤپچیلیک رهبرلر خلق نینگ ایچیگه کیریب،آدملرنینگ درد و تشویشلری بیلن یششنی قنده یدیر ایککینچی درجه لی ایش، دیب حسابله یدی. شونینگ اوچون هم اولر کؤپ – کؤپ مسأله لرده ضعیف وعاجز بؤلیب قالماقده.
    اصلیده خلق بیلن ملاقات، دایما انسانلر تشویشی و معمالرینی اؤیلب یشه ش هر قنده ی رهبر اوچون بیرینچی و مقدس وظیفه بؤلیشی شرط. رهبرلیک و باشقروو مدنیتی، حیاتی بیلیم و تجر-  به لر قه َییردن باشلنه دی؟ خلق بیلن بیواسطه ملاقات قیلیشدن باشلنه دی. اینیقسه، قویی پاغانه ده گی رهبرلر اؤز دنیا قره شینی اؤزگرتیریب، عادٌی فقراگه ایلکه داش بؤلیب، تدبیرکارگه دوست بؤلیب ایشله مَسه، بیز قنچه لیک کؤپ کوچ و مبلغ صرفلمه یلیک، فرمان و قرارلر قبول قیلیب، شرایط یره تمه یلیک، جایلرده اصلاحاتلریمیزنینگ آلدینگه یوریشی قیین بؤله دی.
    یَشیریش نینگ حاجتی یؤق – جوده آغیر، تهلیکه لی و شفقتسیز رقابت زمانیده یشه یَپمیز. دنیا شونده ی شددت بیلن اؤزگره یَپتی که، کیچه گی سیاسی – اقتصادی تحلیل وبشارَتلر بوگونگی کونگه تؤغری کیلمه یَپتی. اؤزارا قره مه – قرشیلیک، “سودا اوروشلری”، ایکولوگیک معمالر کوچه ییب بارماقده. انه شونده ی مرکب شرایطده ایل – یورت بیلن همدرد، همنفس بؤلیب یشه مَیدیگن، حیات- نینگ اؤزی تقاضا ایته یاتگن عددی حقیقتلرنی توشونمه یدیگن منصبدارلرنینگ رهبر صفتیده کیله جگی یؤق. اولرگه بران – بیر مسئولیتلی وظیفه نی ایشانیب بؤلمه یدی.
    بیر پَیتلر مین هم حاکم بؤلیب ایشله گنمن. او وقتلرده گی شرایطنی حاضرگی امکانیتلر بیلن مطلقا سالیشتیریب بؤلمه یدی. کؤپ – کؤپ مسأله لرده قؤل – آیاغیمیز باغلنگن ایدی، همٌه نرسه نی “تیپه” نینگ قاش – قاواغیگه قره ب بحریشگه تؤغری کیلردی. اینگ یامانی، قویی بؤغینده گی معمالر بؤییچه یوقاری اداره لرده گی سلقین کبینیتلرده اؤتیرگن، قشلاق  یاکه آووللرده قیینه لب  یشه یاتگن آدملرنینگ درد و تشویشلریدن بوتونله ی ییراق بؤلگن، جایلرده احوال قنده ی ایکنینی تصوٌر هم قیلالمه یدیگن ولامتلر قرار قبول قیلردی.
    بوگون ایسه حاکملر مستقل قرار قبول قیلیب، مستقل ایش آلیب باریش وکالتیگه ایگه. اولردن ایلگریگیدیک بیر قدمینی تاشکینتده، مرکزی اداره لرده گی متصدیلر بیلن کیلیشی، بؤلر- بؤلمسگه اجازه ت سؤره ش طلب ایتیلمه یدی.  حاکم، رهبر انسان صفتیده، نیمه نیدیر بیلمسلیگی یاکه کؤزدن قاچیریشی، خطاگه یؤل قؤییشی ممکن، بونی توشونسه بؤله دی، لیکن او انه شو خطالرینی تن آلمَسه، اولرنی توزه تیشینی  ایسته  مَسه، اؤقیب – اؤرگنیشگه، ینگیچه ایشلشگه، اؤز بیلیم و تجربه سینی آشیریشگه اینتیلمَسه، منفعت پرورلیک و معیشتگه بیریلگن بؤلسه، بو حالتنی مطلقا کیچیریب بؤلمه یدی.
   
مینینگ اساسی طلبیم – آدملرنی توشونیش، اولرنینگ قووانچ و تشویشلری بیلن یشه ش، یان – اطرافده گی وضعیتگه عادٌی خلق نینگ کؤزی بیلن قره ش و بها بیریش ایل – اولوسدن اجره لیب قالمسلیک کیره ک. شونده گینه حدود یاکه ترماقنی باشقریش و مهم قرارلر قبول قیلیشده انیق ثمره بؤله دی.
    هر بیر رهبرنینگ فعالیتی میزانی – بو خلق نینگ آرزو – امیدلرینی اؤزی اوچون اساسی مقصد قیلیب، اولرنی ایزچللیک بیلن رؤیابگه چقیریشدن عبارت.
   
حاکم و وزیر لریمیز، کامپنیه و بانکلریمیز رهبرلری آره سیده فعال، ایشنینگ کؤزینی بیله دیگن چوقور فکرله یدیگن ینگی اولاد وکیللری کیله یاتگنی مینی قووانتیره دی.اولر خلق بیلن آچیق ملاقات قیلماقده، تشبث کؤرستماقده، یوقاریدن کؤرستمه کوتیب اؤتیرمسدن، مستقل و ددیل ایش آلیب بارماقده.
    افسوس کی، بعضی ییتکچی و متصدیلر منمنلیک که بیریلیب، هوالنیب، آیاغی ییردن اؤزیلگنینی  بیلمه ی قاله دی. بو – اولر اوچون حقیقی فاجعه. البتته، بونده ی رهبرلرگه بیزنینگ صفیمیزده اؤرین بؤلیشی ممکن ایمس. بو نه فقط پریزیدینت نینگ،عین پَیتده خلقیمیزنینگ، حیات نینگ طلبیدیر.
    سوال: سیز دولت رهبری اوچون خلق بیلن تؤغریدن- تؤغری ملاقاتده بؤلیش اؤته مهم اهمیتگه ایگه ایکنینی دایما تأکیدلب کیله سیز. لیکن حیاتده برچه مسأله لر بؤییچه خلق بیلن گپله شیش، اونینگ فکرینی آلیش امکانی بارمی؟ سیز انه شونده ی “بؤشلیق”نی تؤلدیریشگه قنده ی ایریشه سیز؟
    جواب:  مین پریزیدینت صفتیده ایش باشله گن بیرینچی کونلرده ناق اؤز کامندَمنی (ایش تیمینی) حقیقی حالتگه مطلقا علاقه سی بؤلمه گن بلندپرواز گپلر و “چیرایلی” رقملرنی یاقتیرمسلیگیمنی اَیتیب، قتتیق آگاه- لنتیرگنمن.
   
قنچه لیک اچچیق و ناقوله ی بؤلمَسین، مین فقط تؤغری و حققانی معلوماتنی بیلیشنی ایسته یمن. بو مین اوچون تؤغری قرارلر قبول قیلیشگه یاردم بیره دی.
    البتته ، بو طلب نی همٌه هم توشونیب ییتگنی یؤق، هلی یم ایسکیچه اصولده معلومات بیریشگه اورینیشلر بؤلیب توره دی. لیکن مین مونده ی حالتلرگه یؤل قؤیمسلیک که حرکت قیله من. انه شو حقیقتنی توشونمه گنلرنینگ کؤپچیلیگی بیلن خیرلشدیک و بو مسأله ده طلب دایما قتتیق بؤله دی.
    خلقیمیز، وطنیمیز منفعتلری، جمعیتیمیزنینگ کیله جگی، فرزنلریمیزنینگ بختینی تأمینلشگه    قره تیلگن بوگونگی اصلاحات جریانلری نینگ اؤزی شونی طلب ایتماقده. بو باره ده باشقچه یؤل توتیشگه حقٌیمیز یؤق.
   
ینه بیر بار ایته من، رهبر و متصدی شخصلر اؤرته سیده کیم که انه شو اؤتکیر طلبنی توشونمَسه، قنچه لیک آغیر بؤلمَسین، اولر بیلن خیرلشه میز.

    مینینگ مملکتیمیز بؤیلب عملگه آشیره دیگن هر بیر تشریفیمدن اساسی مقصد – خلق قنده ی یَشه یاتگنی، نیمه بیلن نفس آله یاتگنینی بیلیشدن اؤزگرتیریشیمگه تؤغری کیله دی. بونده ی کوتیلمَگن، هیچ قنده ی پروتوکولده قید اییلمَگن “مرشروت”لر جایلرده گی رهبرلرنی بؤششمسدن، دایما ایشچن حالتده اؤرگته ده ، دیب اؤیله یمن.
    افسوس که، نیچه بار اَیتیشیم، آگاه لنتیریشیمگه قره مسدن ، جایلرده فقط مینینگ تشریفیم آلدیدن کوچه و میدانلرنی تازه لش، بیر کیچه ده بنالر آلدیده “مَیسه زار” و “گلزار”لر پیدا قیلیش، عمومن، حقیقی حالتنی بؤیه ب کؤرسه تیشدیک خؤجه کؤرسین ایشلر دوام ایتماقده. کؤزبؤیه مچی- لیک، آدملرنی قیینش، ساخته و بلندپرواز گپلرگه اؤچلیک ییللر دوامیده بعضی رهبرلرنینگ قان – قانیگه شو قدر سینگیب کیتگن ایکن که، اولردن قوتولیش قیین بؤله یَپتی.  لیکن قنده ی بؤلمَسین، بو کبی علتلرگه بوتونله ی چیک قؤییشیمیز کیره ک. چونکه بونده ی حالتلر راستگوی، ساخته گپ و ایشنی عمومن قبول قیلمه یدیگن خلقیمیزنینگ اصل طبیعتیگه مطلقا یات دیر.
    محلی حاکمیت اداره لری نینگ ایشی پریزیدینت کیلیب کیتیشی بیلن توگه مسدن، عکسینچه، تشریفدن کیین ینگیتدن باشله نیشی، حتتا آلدینگیدن هم کؤپه ییشی لازم. شونده گینه ایشیمیزده سرعت و صفت بؤله دی، نتیجه اوچون ایشلشگه اؤرگنه میز. ایلگری حاکملر تشریفدن تشریفگچه بؤلگن وقت آره لیغیده بمیل خاطر، تعبیر جایز بؤلسه، یَلٌا قیلیب یوره ردی، ایندی ایسه اولر اؤز آلدیگه انیق مقصد و وظیفه قؤییب، خلق بیلن مصلحت اساسیده استه ی دل ایشله ماقده. چونکه اولر بیله دی: پریزیدینت کیلگوسی سفر البتته هر بیر مسأله بؤییچه انیق نیجه نی سؤره یدی.
    بیز مملکتیمیز ترقیاتی نینگ بوگونگی ینگی باسقیچیده آلدیمیزده تورگن دالضرب وظیفه لرنی تیزکار حل قیلیشده وزیرلیکلر، دولت کؤمیته لری، دولت باشقرووی نینگ باشقه اورگانلری و  خؤجه لیک بیرلشمه لری نینگ شخصی مسئؤلیتی و جوابگرلیگینی کوچه یتیریش، وظیفه و وکالتلرینی انیق بیلگیلش، شونینگدیک، فعالیتی ثمره دارلیگینی آشیریش بؤییچه ینگی تیزیمنی جاری ایتیشگه علیحده اهمیت بیرماقده میز. شو مقصدده مخصوص قرار هم قبول قیلدیک. یوقاریده ایتیب اؤتیلگن طایفه گه منسوب رهبرلرنینگ اؤرین باسرلری اؤزلریگه بیریکتیریلگن ترماق و ساحه لرده گی فعالیتی نینگ ثمره دارلیگی یوزه سیدن  اؤزبیکستان ریسپوپلیکه سی پریزینتی آلدیده شخصن جوابگر همده وزیرلر محکمه سی آلدیده حسابدار ایکنی بیلگیلب قؤییله دی. باشقه چه اَیتگنده، تورلی بؤغینده گی رهبر اؤرین باسرلری اؤز باشلیغی نینگ سایه سیده یوره دیگن وقت اؤتدی. ایندی اولر هم انیق وظیفه لر اوچون جواب بیره دی.
شخصی مسئولیت و جوابگرلیک برچه باشقروو اداره لری خادملری اوچون باش میزان بؤله دی.
   
حاضرگی کونده آدملرنی قیینه یاتگن معمالرنی جایلرده، محله نینگ اؤزیده حل ایتیشگه علیحده بیره یَپمیز. ولایت، تومن و شهر حاکملری هفته ده ایککی کوننی فقرالرنی قبول قیلیشگه اجره تماقده. شونینگدیک، کونلیک قبوللر اؤتکزیش تیزیمی یؤلگه قؤییلماقده.
    عمومن،
هر بیر حاکم نینگ کبینیتی “خلق قبولخانه سی” گه اَیله نیشی لازم. شونده هر قیسی رهبر حدودده گی حقیقی احوالدن تؤله خبردار بؤله دی، ایشیده اونوم و ثمره گه ایریشه دی.
    البتته، بوگونگی کونده آدملرنی قنده ی مسأله و معمالر اؤیلنتیره یاتگنی، تشویشگه ساله یات – گنینی یقیندن بیلیشده یاردم بیره دیگن اچیق منبعلر، اخبارات ترماقلری کؤپ. اینیقسه، تیلویزیون

 مطبوعات، انتیرنیت حیات نفسینی، تعبیر جایز بؤلسه، هر بیر ساحه نینگ “یوره ک اوریشی” نی انیق – روشن حس قیلیشده مهم اهمیتگه ایگه. شخصن اؤزیم عاموی اخبارات واسطه لری و اجتماعی ترماقلرده بیریله یاتگن ینگیلیکلر، اولر آرقه لی بیلدیریله یاتگن دالضرب فکرلر، جماعت- چیلیک نینگ دقٌت – اعتبارینی تارته یاتگن واقعه – حادثه لر بیلن امکان قدر بیواسطه تنیشیب باریشگه حرکت قیله من.
    بیر سؤز بیلن اَیتگنده، زمانوی اخبارات تیخنا لوگیه لری رواجلنگن بیزنینگ دوریمیزده ریأل حیاتدن بوتونله ی اوزیلیب قالیش ممکن ایمس. شونگه قره مسدن، خلق بیلن تورلی کؤرینیشده گی دییلیک، بو ریجه ده گی تدبیر بؤله دیمی یاکه محله، تومن، قیسیدیر مؤسسه گه کوتیلمه گن حالتده کیریب باریش آرقه لی بؤله دیمی، عمومن، بیواسطه ملاقات همیشه کیره ک، دیب حسابله یمن.
   فقرالر، کینگ جماعتچیلیک تامانیدن قیزغین محاکمه قیلینه یاتگن برچه معمالرگه اعتبار قره تیشنی طلب ایته دی. اولرنی انکار قیلیش ممکن هم ایمس، البتته، جمعیتده گی قانون بوزیلیش، عدالتسیزلیک، انسان حقوقلریگه بی پسند مناسبت، کرروپسیه (اختلاس) بیلن باغلیق حالتلرگه      بی پروا قره ب بؤلمه یدی. تیزیملی توس آلگن یاکه جزءی معما بؤله دیمی، اولرنینگ برچه سیگه درحال مناسبت بیلدیریب تگیگه ییتیش و ایتیش ضرور.
    مثلاٌ، کیینگی ییللرده توب اصلاحاتلر دوریگه قدم قؤیگن مملکتیمیزده ترقیات کُشنده سی بؤلگن
علٌت – کرروپسیه گه قرشی ایزچیل کوره ش آلیب باریلماقده. مثاللرگه مراجعت قیله دیگن بؤلسک،  2020 ییلده تورلی درجه ده گی منصبدارلر تامانیدن صادرایتیلگن جنایتلر اوچون 1723 شخص جنایی جوابگرچیلیک که تارتیلگن. اولر تامانیدن ییتکزیلگن ضرر 500 ملیاَرد سومنی تشکیل ایتگن. 2021 ییل نینگ بیش آییده ایسه 1696 نفر منصبدارگه نسبتن جنایی ایش آچیلگن. ییتکزیلگن ضرر 450 ملیَارد سؤمنی تشکیل ایتماقده.
    هیچ شبهه سیز، بو مادی ضررلر عیبدارلردن اوندیریب آلینه دی.
کرروپسیه بلاسینی جمعیتیمیز حیاتیدن یؤق قیلیشگه قره تیلگن سیاست کیلگوسیده هم قطعی دوام ایتتیریله دی.
    سوال: یورتیمیزده اهالی اوچون اینگ دالضرب و اؤتکیر حیاتی مسأله بؤلگن زمانوی تورر جایلر، جمله دن، ارزان اوی – جایلر قوریشگه علیحده اعتبار بیریلماقده. بو یؤنه لیشده گی ایشلرنینگ کؤله می استقبالده قنده ی بؤله دی؟
    جواب: مملکتیمیزده کیینگی ییللرده زمانوی اوی – جایلر قوریش بؤییچه ینگی دَور باشلندی، دیب بیملال اَیتیش ممکن. بونینگ تصدیغینی سؤنگی تؤرت ییلده اوٌلگی ییللرگه نسبتن 4- 5 برابر کؤپ اوی – جایلر برپا ایتیلگن، بو ییل نینگ اؤزیده 54 مینگ عایله نی ینگی اوی – جایلر بیلن تأمینلش بؤییچه کینگ کؤلمده گی قوریلیش ایشلری آلیب باریله یاتگنی مثالیده یققال کؤریش ممکن.
    بیز اؤز آلدیمیزگه قؤیگن ایزگو مقصد – خلقیمیزنی راضی قیلیش یؤلیده گی اولکن وظیفه لر، اصلاحاتلریمیز، قاله ویرسه، بوگونگی حیات نینگ اؤزی زمانوی اوی – جایلر قوریش سرعتی و

 صفتینی ینه ده آشیریشنی طلب ایتماقده.
    شونی علیحده تأکیدلش کیره ک که، بیز ایلگری اوی – جای قوریلیشیگه زمان طلبلریدن کیلیب جیقیب، بونده ی کینگ یاندشمه گنیمیز و حاضرگیدیک کینگ کؤلمده گی قوریلیش ایشلرینی عملگه آشیرمه گنمیز.
    بیز بو یؤلده دستلبکی قدملرنی قؤییب، کتته تجربه  آرتتیرماقده میز. برچه حدودلریمیزده اهالی اوچون قوله ی و شینَم، برچه زمانوی شرایطلرگه ایگه بؤلگن اوی – جایلر برپا ایتیلماقده. اپاتیکه بازاری رواجلنماقده. حیاتیمیزگه “ارزان اوی – جایلر” ، “
عقللی اوی”، ” عقللی شهر”، ” رقملی خدمتلر” دیگن ینگی توشونچه و کؤنیکمه لر کیریب کیلماقده.
   کیلگوسیده اوی – جای فوندینی شونده ی درجه گه آلیب چیقیشیمیز کیره ک که، اهالینینگ برچه قتلملری اوی – جای ساتیب آلیش و بو باره ده تنلش امکانیگه ایگه بؤلیشی لازم.
    البتته، بو باره ده تورلی معمالر هم موجود و بیز اولرنی جایلریده گی محلی باشقروو آرگانلری بیلن بیرگه لیکده حل ایتیَپمیز.
     مثال اوچون،کؤپ قوٌتلی اویلر آره لیغیده گی بؤش جایلرده قوریلیشلر قیلیش، ماره تاری اعلان قیلینگنیگه قره مسدن، درختلرنی کیسیش، یَشیل حدودلرنی کمه یتیریش حالتلری کؤپچیلیکنی رنجیتماقده.  بعضی رهبرلرنینگ بی پروالیگی یاکه منفعت پرستلیگی طفیلی توره ر  جای موضعلریده آدملر سَیر قیله دیگن، سپورت بیلن شغللنه دیگن، فرزندلری بیلن بیرگه تازه هواده دم آله دیگن آچیق جای نینگ اؤزی قالمه یَپتی.
    البتته، بیز بونده ی حاللرگه نسبتن قطعی چاره لر کؤرمسدن تورالمه یمیز. شونینگ اوچون هم تاشکینت و باشقه ییریک شهرلرده ینگی قوریلیشلرنی شهر تشقریسیده گی حدودلرده عملگه آشیریش چاره لری بیلگیلنماقده. توره رجای موضعلری ایچیده کامونل اینفره توزیلمه لر – گز، الیکتر اینیرگیه سی، ایچیملیک سووی و کانالیزه تسیه ترماقلرینی مودیرنیزه تسیه قیلمسدن، ینگی بنالر قوریش عملیاتیگه برهم بیریلدی.
    سوال. مملکتیمیزده یاشلرنینگ حقوقی و منفعتلرینی تأمینلش، اولرنینگ تعلیم آلیشی، محنت قیلیشی، بیلیم و قابلیتینی رؤیابگه چیقریشی اوچون ضرور شرایطلر یره تیلکماقده. یورتیمیزده 2021 ییل نینگ “یاشلرنی قؤللب- قوٌتلش و اهالی سلامتلیگینی مستحکملش یؤلی” دیب اعلان قیلینگنی بونینگ ینه بیر عملی افاده سی بؤلدی و ینگی اؤزبیکستاننی بنیاد ایتیش جریانیده یاشلر- نینگ اؤرنی و اساسی وظیفه لری نیمه لردن عبارت، دیب بیله سیز ؟
    
جواب. یاشلر – خلقیمیزنینگ اساسی تیَنچی و سویَنچی. کینگ کؤلملی اصلاحاتلریمیزنی ثمره- لی عملگه آشیریشده اولر حل قیلووچی کوچ بؤلیب میدانگه چیقماقده. عینن زمانوی بیلیم  آلگن، ایلغارکسب – هنرلرنی، اناوتسیان تیخنالوگیه لرنی، خارجی تیللرنی پوخته ایگلله گن اؤغیل- قیزلریمیز مملکتیمیزنی ینه ده ترقی ایتتیریشده ییتکچی اؤرین توته دی.
    معلوم که، یاشلر ینگیچه فکرلشگه، ینگی – ینگی غایه لرنی ددیل اؤرته گه تشلب، اولرنی عملگه آشیریشگه، معمالرنی ایجادی و ناستتندرد یانده شوولر اساسیده حل ایتیشگه مایل بؤله دی. شونینگ اوچون حاضرگی کونده یاش اولاد وکیللری نینگ بیلیم آلیشی، علم – فن اناوَتسیه لر، ادبیات صنعت و سپورت ساحه سیده گی استعداد و صلاحیتینی یوزه گه چیقریشی، اولرنینگ جمعیتیمیزنینگ اجتماعی – سیاسی حیاتیده فعال اشتراک ایتیشی اوچون برچه شرایطلرنی یره تیشگه استوار اهمیت بیرماقده میز.
    امام بخاری بابامیز تؤپله گن مبارک حدیثلردن بیریده:
“یاشلیکده اؤرگنیلگن علم تاشگه اؤییلگن نقش کبیدیر”، دیب اَیتیله دی.
    بویوک علامه لریمیز انه شونده ی حکمتلرگه عمل قیلیب، علم – فن ساحه سیده بویوک کشفیاتلرنی عملگه آشیرگنلری و عموم بشری تفکر رواجیگه بیقیاس حصه قؤشگنلری تاریخدن یخشی معلوم.
    انه شونده ی قوتلوغ عنعنه لرنی  دوام ایتتیریب، یورتیمیزده ینگی خوارزمیلر، فرغانیلر، بیرونیلر، ابن سینالر، میرزا اولوغ بیکلر، نواییلرنی تربیه لب ییتکزیش – نه فقط وظیفه میز، بلکه تاریخ و کیله جک آلدیده گی مقدس بوچیمیزدر.

بیز بو یولده کتته ایشلرنی باشله دیک. مملکتیمیزده یوقاری بیلیم و ملکه گه ایگه بؤلگن، رقابت دیش کدرلر تیارلش مقصدیده عالیگاه لر سانی 141 ته گه ییکزیلدی، 26 ته خارجی عالی تعلیم مؤسسه سی نینگ فلیأللری آچیلدی. حال بوکه، 2016 ییلده ریسپوبلیکه میزده گی عالیگاه لرنینگ سانی 77 ته ایدی. قسقه مددتده بو باره ده قریب ایککی برابر اؤسیشگه ایریشگنمیز، هیچ شبهه- سیز، یاشلریمیز، بوتون جمعیتیمیزنینگ انتیللیکتوال صلاحیتینی آشیریش، زمانوی بیلیم، کسب- هنرلرگه ینه ده یقینلشتیریش یؤلیده گی حرکتلریمیز نتیجه سیدیر.
    کیینگی بیش ییلده عالی تلیمگه قبول کواته سی 3 برابر آشیریلیب،
جاری ییلده 182 مینگ نفر یاشلر اوچون طلبه بؤلیش امکانیتی یره تیلدی.  بو – عمومی قمراو 28 فایزگه ییتدی، دیگنیدیر. اؤزینگیز قیاسلب کؤرینگ، 4 ییل اوٌل بو رقم اتیگی 9 فایزنی تشکیل ایتردی. بو باره ده دولت گرنتلری 21 مینگته دن 47 مینگته گه کؤپَیتیریلگنی، اؤتگن ییلگی تجربه میزنی ینگی باسقیچگه کؤتریب، احتیاجمند عایله لرگه منسوب 2 مینگ نفر قیزلرگه بو ییل عالیگاه لرگه کیریش اوچون علیحده گرنتلی اجره تیلگنی یاشلریمیزکیله جگینی تأمینلشگه قره تیلگن عملی اعتباریمیز نمونه سیدیر.
   
بیز 2030 ییلگه قدر مکتب، لیسه و کالج بیتیرووچیلرینی عالی تعلیم بیلن قمره ب آلیش درجه سینی 50 فایزگه ییکزیشینی ریجه قیلگنمیز و بونگه البتته ایریشه میز.
   
بو ییل تاشکینت شهریده اینگ یوکسک خلق ارا طلبه لرگه جواب بیره دیگن “ینگی اؤز-بیکستان”اونیورستیتی تشکیل ایتیلدی. اوشبواونیورستیت مملکتیمیزده گی برچه عالی اؤقوو یورتلر اوچون نمونه بؤله دی. اینگ بیلیملی و استعدادلی یاشلریمیز شو ییرده اؤقیدی.
    بیز اؤزلوکسیز ملی تعلیم – تربیه تیزیمی نینگ برچه باسقیچلرینی اویغون و متناسب رواجلنتیر- یشگه علیحده اعتبار بیرماقده میز. آخرگی تؤرت ییلده
باله لریمیزنی مکتبگه چه تعلیم بیلن  قمره ب آلیش درجه سی ایلگریگی 7، 27 فایزدن 2 برابر آرتیب، 60 فایزگه ییتگنی، باغچه لر سانی ایسه 3 مرته کؤپه ییب، 14 مینگدن آشگنی انه شونده ی اصلاحات- لریمیز نتیجه سیدیر.
   
حاضرگی وقتده یورتیمیزده “ینگی اؤزبیکستان مکتب آستانه سیدن باشلنه دی” دیگن

   غایه اساسیده مکتب تعلیمی تیزیمیده هم کتته اؤزگریشلر عملگه آشیریلماقده. تاشکینت شهریده  و حدودلریمیزده پریزیدینت مکتتبلری، ایجاد و اختصاصلشگن  مکتبلر سانی کؤپه ییب بارماقده.
   
  “بیش مهم تشبث” دستوری”برکمال اولاد” مرکزلری دایره سیده یاشلرنینگ  بؤش وقتینی مضمونلی اؤتکزیش اوچون بو ییل نینگ اؤزیده 36 مینگ ته قؤشیمچه تؤگره ک تشکیل ایتیلیب، 874 مینگ ته گه یقین باله اولرگه جلب ایتیلدی. شونینگدیک، تعلیم مؤسسه لری، کتبخانه و اؤقوو مرکزلریگه قریب 100 مینگ ته صنعت و سپورت اینوینترلری، کامپیوتر، 600 مینگ ته گه یقین کتاب ییتکزیب بیریلدی.
    اینیقسه، نوقیران اؤغیل – قیزلریمیزنینگ تدبیرکارلیک ساحه سیده گی غایه و تشبثلرینی رؤیابگه چیقریش، اولرنی ایش و درامد منبعی بیلن تأمینلشگه دولت مقیاسیده کتته اهمیت بیریلماقده. انه شونده ی اعتبار طفیلی سؤنگی تؤرت ییلده 30 یاشگه چه بؤلگن تدبیرکارلر سانی 5 برابر کؤپه ییب 500 مینگدن آشگنی، هیچ شبهه سیز، اوشبو ساحه رواجیده مهم رال اؤینه ماقده. بو ییل نینگ اؤزیده 92 مینگدن زیاده یاشلرنینگ تدبیرکارلیک لایحه لری اوچون
2 تریلیون 300  ملیَارد سؤم  امتیازلی کیریدیتلر اجره تیلگنی بونده ی یاشلریمیز صفینی ینه ده کینگه یتیریشگه خدمت قیله دی.
    محله لرده تشکیل ایتتیله یاتگن کسب – هنرگه اؤقیتیش کورسلریده مینگلب اؤغیل- قیزلریمیز محنت بازاریده طلب یوقاری بؤلگن زمانوی کسب – هنرلرنی ایگللماقده.
    بو ییلدن باشلب، هر بیر تومن نینگ امکانیتی و رواجلنیش یؤنه لیشیدن کیلیب چیقیب قیشلاقلرده یاشلرگه 10 سوتیکدن 1 هکتارچه ییر میدانلری اجره تیش باشلندی. نتیجه ده قیشلاقده یشه یاتگن 230 مینگدن آرتیق یاشگه 61 مینگ هکتار ییر میدانی اجره تیب بیریلدی. شونینگدیک، غله دن بؤشه گن  ییرلردن  ینه 75 هکتار 170 مینگ نفر یاشلرگه تکراری ایکینلر ایکیش اوچون اجره- تیلدی. یاشلر اؤرته سیده کمبغللیکنی کمه یتیریش، اولرنی اؤزینی اؤزی بند قیلیشگه رغبتلنتیریشده “یاشلر دفتری”، یاشلر دستورلری دایره سیده عملگه آشیریله یاتگن یاشلریمیز مهم اهمیتگه ایگه بؤلماقده. شو ییل نینگ 8 آیی مابینیده “یاشلر دفتری” گه کیریتیلگن 430 مینگ نفر ییگیت – قیزنینگ معمالرینی حل ایتیش اوچون 300 ملیاَرد سؤم مبلغ یؤنلتیریلدی. جمله دن، “تیمیر دفتر”    ده گی عایله لر فرزندلری بؤلگن 2 مینگدن زیاد طلبه نینگ کانترَکت پوللری تؤلب بیریلدی.
    بو ییلدن باشلب ایش بیرووچیلرگه اولرنینگ 25 یاشدن آشمه گن ایشچی – خادملری اوچون حسابلنگن اجتماعی سالیق مقدارینی بیودجیتدن تؤلیق قـَیتریب بیریش ترتیبی جاری قیلیندی. نتیجه  ده جاری ییل نینگ ایککینچی یَرمیده 170 ملیاَرد سؤم، کیلگوسی ییلده ایسه 500 ملیَارد سؤم مبلغ 240 مینگ نفر یاشنی ایشگه قبول قیلگن تدبیرکارلر اختیاریده قاله دی.
    طلبه یاشلزنی قؤللب- قوٌتلشگه قره تیلگن ینگی تیزیم اساسیده یاتاقخانه بیلن تأمینلنمه گن 62 مینگ نفر اؤغیل – قیزلریمیزگه آیلیک اِجاره  تؤلاوی نینگ 50 فایزی بیودجیتدن تؤلب بیریلدی.
    البتته، بو مقصدده گی ایشلریمیز نه فقط ایزچیل دوام ایتتیریلماقده، بلکه ینه ده یوقاری باسقیچگه  کؤتریلماقده. شو مقصدده 2021 ییل 13 جولایده قبول قیلینگن “
یاشلرنی هر تامانلمه  قؤللب- قوٌتلش و اولرنینگ اجتماعی فعاللیگینی آشیریشگه عاید قؤشیمچه چاره- تدبیرلر تؤغریسیده” فرمان بو فکرنی تصدیقله یدی.
    مذکور حجٌتده مملکتیمیز یاشلری اوچون قؤشیمچه 30 دن آرتیق ینگی امتیاز و امکانیت             یره تیش
کؤزده توتیلگن. انه شونده ی امکانیتلردن فقط بیتته سی حقیده فکر یوریتماقچیمن. میر دفتر” گه کیریتیلگن عایله لرنینگ عالیگاه لرده تعلیم آله یاتگن فرزندلری نینگ 2021- 2022 اؤقوو ییلیده گی کانترکت پولی بیرینچی اؤقوو ییلی اوچون دولت بیودجیتی حسابیدن تؤلب باریله دی. بونده ی امکانیتدن یورتیمیز بؤییچه 4 مینگدن زیاد عایله لر فرزندلری فایده لنه دی. بونینگ اوچون بیودجیتدن 2، 29 ملیاَرد سؤم اجره تیله دی.
    یورتیمیزده آته – آنه سیدن اجره لگن، مهرگه محتاج باله لرنی قؤللب- قوٌتلش، اولرنینگ تعلیم – تربیه آلیشی، ایش جایی و اویگه ایگه بؤلیشی، جمعیتده مناسب اؤرین تاپیشی،”مهربانلیک اویلری” مخصوص مکتب- انتیرنیتلر و “باله لر شهرچه سی” نینگ مادٌی- تیخنیک بزه سی، قدرلر صلاحیتینی مستحکملشگه جدٌی اعتبار بیریلماقده.
    اینیقسه، “مهربانلیک اویلری”ده گی باله لرنی عایله گه یقین محیطده تربیه لش، بیلیملی، کسب- هنرلی و معنویتلی، وطن پرور انسانلر ایتیب وایه گه ییتکزیش – همه میزنینگ مقدٌس بورچیمیز. شولرنینگ برچه سینی حسابگه آلیب، “مهربانلیک اویلری” و مخصوص مکتب- انتیرنیتلرده تعلیم- تربیه ثمردارلیگینی آشیریش بؤییچه ینگی تیزیمنی جاری ایتماقده میز.
    انه شونده ی اؤقوو- تربیه مسأله لری تربیه لنووچیلرنینگ معمالرینی اؤرگنیش همده حل ایتیش، اولرنینگ آرزو- ایستکلرینی رؤیابگه چیقریش بؤییچه ینگی تیزیم –
“مهر دفتری” جاری ایتیلماقده. شونینگدیک، ییتیم و آته – آنه قره ماغیدن محروم بؤلگن باله لرنی اوی- جای بیلن تأمینلش ترتیبی بیلگیلندی. اونگه کؤره، اؤزیگه بریکتیریلگن اوی- جایگه ایگه بؤلمه گن و توره ر جایگه محتاج صفتیده حسابده تورگن انه شونده ی باله لرگه اولر 18 یاشگه تؤلگن ییلی عمومی میدانی 25 کوادرت متر(25 متر مربع)دن کم بؤلمه گن1 خانه لی، وایه گه ییتگن باله لر اؤرته سیده نکاح توزیلگن حالتلری ایسه 50 کودرت متردن کم بؤلمه گن 2 خانه لی کوَرتیره لر هجره یله دی.
    اؤیله یمن که، انسان پرور لیک روحی بیلن یؤغیریلگن بونده ی اصلاحاتلریمیز
بویوک علیشیر نوایی بابامیزنینگ« بیتته کؤنگلی اؤکسیک آدمنی خُرسند قیلیش – کعبه نی آباد ایتیش بیلن برابر»،دیگن تیرن معنالی سؤزلریگه، مهر- عاقبت، سخاوت و عالیجنابلیک کبی فضیلتلرنی دایما قدرلب، اولوغلب یشه یدیگن خلقیمیزنینگ آرزو- انتیلیشلریگه هر تامانلمه اویغون و همآهنگدیر.
    مین یورتیمیزنینگ قیسی حدودی، شهر و قیشلاغیده بؤلمه یین، البتته او ییرده گی یاشلر بیلن اوچره شه من. آچیق و صمیمی صحبتلرده اولرنینگ ساغلیغی، اؤقیش، آرزو- انتیلیشلری، قیشلاغی یاکه محله سیده گی شرط – شرایطلر بیلن قیزیقه من.
    بیله سیزکه، دنیاده گی دولتلر، خلقلرنینگ رواجلنیش درجه سینی کؤرسته دیگن میزانلر، پره – میترلر کؤپ. لیکن مین اوچون شو باره ده گی اینگ مهم میزان – بویاشلریمیزنینگ بختی، کمالیدیر
   
ینگی اؤزبیکستان نینگ نفسی، سرعتی و شدٌتینی اوٌلا عزیز اؤغیل- قیزلریمیزنینگ عزم و شجاعتی، ددیل فکر و تکلیفلریده، ایریشه یاتگن دستلبکی یوتوقلریده کؤره من.
   
یقینده  30 جون – یاشلر کونیده   نوقیران اولادیمیزوکیللری بیلن ینه بیر بار اوچره شیب، اولرنینگ تورلی ساحه لرده گی ایزلنیشلرینی کؤریب جوده خرسند بؤلدیم.
    ایشانچیم کاملکه، فرزندلری دایما ایزله نیش و انتیلیشده بؤلگن، یوکسک مره لرنی کؤزلب

آلدینگه قره ب انتیله دیگن خلق و دولت اؤزآلدیگه قؤیگن مقصدلرگه البتته ییته دی، چونکه بوندی حرکتلر ایرته گه قُدرتلی تؤلقینگه ایله نیب، حیاتیمیزنی بوگون کی چه گیدن، ایرته گه بوگونگیدن یخشی و آباد قیلیش، آنگ و تفکریمیزنی یوکسلتیریشگه آلیب کیله دی.
    سوال: مملکتیمیزده کیینگی ییللرده انسان حقوق ایرکینلیکلرینی تأمینلش باره سیده ایریشیله- یاتگن یوتوقلر حقیده سؤز بارگنده، خاتین- قیزلرنینگ اؤقیشی، بیلیم آلیشی، محنت قیلیشی، اولر- نینگ ساغلیغینی سقلش، استعداد و قابلیتینی رؤیابگه چیقریش، آنه لیک و باله لیکنی حمایه قیلیش، گیندیر تینگلیک بؤییچه آشیریله یاتگن کینگ کؤلملی ایشلر بیرینچی نوبتده تیلگه آلینماقده. بونینگ سببی نیمه ده   ؟
   
جواب: بونینگ سببس عدٌی، البتته. چونکه دنیاده گی هر قنده ی خلق، دولت و جمعیت نینگ ترقیاتی و مدنیت درجه سی اوٌلا اولرنینگ خاتین- قیزلرگه بؤلگن مناسبتی بیلن بیلگیلنگن.
   
عیال بار ایکن، عایله دیگن مقدٌس قؤرغان، فرزند دیگن بی بها نعمت بار. عیاللریمیز بختلی بؤلسه البته عایله میز، جمعیتیمیز هم بختلی بؤله دی.
    خاتین- قیزلر برچه ساحه و ترماقلرده ایرککلر بیلن تینگ حقوققه ایگه بؤلیب، یوکسک حرمت – احترامده یشه گن مملکتده البتته تینچلیک و هم جهتلیک، اؤسیش و یوکسه لیش بؤله دی.
   
شونینگ اوچون هم بیز اوچون بویوک آنه تمثالی بؤلگن عیال ذاتینی خلقیمیزازل – ازلدن اولوغلب، اعزازله دی.
   آدم ذاتیگه، قنده ی یوتوق و نتیجه لرگه ایریشگن بؤلسک، اولرنینگ برچه سی مؤنس و مهربان آنه لریمیزطفیلیدیر. شونینگ اوچون بیز خاتین- قیزلریمیز آلدیده دایم قرضدارلیک حسٌی بیلن یشه – یمیز.اولرگه هر قنچه مهر و اعتبار کؤرستسک، ارزیدی.
    یورتیمیز اهالیسی نینگ قریب یَرمینی تشکیل ایته دیگن محترمه آنه لر، آپه – سینگیللریمیزنینگ قانونی حقوقی و منفعتلرینی تأمینلش، خاتین- قیزلرنینگ جمعیتده گی اؤرین و نفوذینی آشیریش باره سیده دولت سیاستینی آلیب باریشده بیز عینن انه شونده ی قدریتلرگه تَیه نه میز.
    کیینگی ییللرده بو مهم مسأله نینگ عملی اجراسیگه قره تیلگن 24 ته حجٌت،^ جمله دن 2 ته قانون، پریزیدینت نینگ6 ته فرمان و قراری، وزیرلر محکمه سی نینگ 16 ته قراری قبول قیلینگن آپه- سینگیللریمیزگه بؤلگن یوکسک اعتبار و غمخوارلیک افاده سیدیر.
    حرمتلی عیاللریمیزحیاتیمیزنینگ برچه ساحه و ترماقریده فعال اشتراک ایتیب، ینگی اؤزبیکستا- ننی برپا ایتیشگه بیقیاس حصه قؤشماقده لر. اولرنینگ آره سیده دیپوتت و سناتورلر، وزیر و  حاکملر، پروفیسورلر، اؤزبیکستان قهرمانلری، خلق اؤقیتووچیلری، خلق شاعرلری، خلق ارتیست- لری، بارلیگینی برچه میز یخشی بیله میز.
    بوگونگی کونده مملکتیمیزده گیندیر تینگلیکنی تأمینلش بؤییچه کمیسیون، عالی مجلس سینات نینگ خاتین- قیزلر و گیندیر تینگلیک مسأله لری کؤمیته سی، ریسپوبلیکه خاتین- قیزلر جماعتچیلیک کینگشی کبی توزیلمه لر آپه- سینگیللریمیزنینگ منفعتلرینی حمایه قیلیشده مهم رول  اؤینه ماقده.
    مملکتیمیزده خاتین- قیزلرنی ایش اؤرینلری، اوی- جای بیلن تأمینلش، اولرگه طبٌی خدمت کؤر- ستیش صفتینی یخشیلش مسأله لریگه علیحده اعتبار بیریلماقده. بو باره ده عیاللرنی کسب –

هنرلرگه قَیته اؤقیتیش مرکزلری جاری ایتیلگنی، ارزان اوی – جایلر دستوری عملگه آشیریله- یاتگنی مهم اهمیتگه ایگه دیر. هر ییلی آغیر تورموش شرایطیده یشه یاتگن عیاللرنینگ اوی- جای بؤییچه باشلنغیچ بدللری دولت بیودجیتی حسابیدن تؤلب بیریلماقده.
    جمعیت حیاتیده فعال اشتراک ایته یاتگن، تورلی ساحه لرده عبرتلی نتیجه لرگه ایریشه یاتگن، ساغلام  و برکمال اولادنی تربیه لشگه مناسب حصه قؤشه یاتگن آپه- سینگیللریمیز 8 مارچ- خلق ارا خاتین- قیزلر بیره می، مستقللیک کونی، تورلی کسب بیره ملری مناسبتی بیلن دولتیمیزنینگ یوکسک مکافاتلری، شونینگدیک، “
مُعتبر عیال” کؤکره ک نشانی بیلن تقدیرلنماقده.
    زلفیه نامیده گی دولت مکافاتی بیلن تقدیرلنگن قیزلرنینگ سانی 367 نفرگه ییتگنی هم انه شونده یایشلریمیز قطاریگه کیره دی.
    صحبتیمیز باشیده اَیتیلگنیدیک، “عیاللر دفتری” تیزیمی اساسیده خاتین- قیزلر اؤرته سیده کمبغللیک و ایشسیزلیکنی توگه تیش بؤییچه ایزچیل ایش باریلماقده.
    سوال: یورتیمیزده خاندانلریمیزنینگ فیض و فرشته سی بؤلگن کیکسه اولاد وکیللری، محترم رهبرلیریمیزگه علیحده مهر و غمخوارلیک کؤرسه تیب کیلینماقده . بو باره ده گی عملی ایشلرنینگ کیلگوسی رواجی حقیده هم فکرینگیزنی بیلماقچی ایدیک.
    جواب: مین هر دایم بوگونگی تینچ- آسایشته، ایرکین و فراوان حیاتیمیز حقیده اؤیله گنیمده، بونده ی یاروغ کونلرگه ییتیب کیلیشده قنچه- قنچه اولاد وکیللری، آته – بابالریمیز تینیمسیز محنت قیلگنلری، اؤز باشیگه توشگن برچه سیناو و مشقتلرنی صبر- متانت بیلن ینگیب اؤتگنلرینی چوقور منتدارلیک بیلن ایسله یمن. اولر اؤزلری قیینه لیب بؤلسه هم بیزنی شونده ی تینچ و دارالامان کونلرگه یتکزگنلری – بو هیچ نرسه بیلن اولچب، بهالب بؤلمه یدیگن اولکن جسارت، فداییلیک و قهرمانلیکدیر.
    شونینگ اوچون بونده ی مرد و عالیجناب اجدادلریمیزدن اؤلگنلری نینگ خاطره سینی اولوغلب، همیشه چوقور حرمت – احترام بیلن یاد ایتیش، بوگون آره میزده یشه ب کیله یاتگن محترم نورانیلریمیزنی هر تامانلمه ارداقلش – مقدٌس بورچیمیزدیر.
    اینگ مهمی، بونده ی ثوابلی ایشلریمیز یاشلریمیز اوچون هم تربیه و عبرت مکتبیگه اَیلنه دی. البتته، سیز، ژورنالستلرگه یخشی معلوم – یورتیمیزده کیکسه اولاد وکیللرینی قؤللب- قوٌتلش، اولر- نینگ مضمونلی عمر کیچیریشی اوچون ضرور شرایطلرنی یره تیش باره سیده کتته ایشلر قیلینماقده خصوصن، پبینسیه و نفقه لرنی رسمیلشتیریش، اولرنی اؤز وقتیده تؤلش، تورلی اجتماعی خدمت – لردن فایده لنیش بیلن باغلیق قیینچیلیک و معمالر برطرف ایتیلدی. جمعیتیمیز حیاتیده فعال اشتراک ایتیب کیله یاتگنآته خان و آنه خانلریمیز ” نورانی” جمغرمه سی تامانیدن مادٌی و معنوی رغبت- لنتیریلماقده.
    کیکسه اولاد وکیللری نینگ سلامتلیگینی اسره ش، اولرگه ریسپوبلیکه میزده گی تورلی سناتوریم و دم آلیش اویلریگه امتیازلی یؤللنمه لر بیریش، بیرم کونلریده اولرنی علیحده قوتلب – تبریکلش، دایمی عزٌت – حرمت کؤرسه تیش ایزگو عنعنه گه اَیله نیب بارماقده.

   
    تکرار اَیته من، اؤز وقتیده بار کوچ – غیرتی، بیلیم و صلاحیتینی وطنیمیز رونقی، خلقیمیز فراوانلیگی اوچون بغیشلگن بونده ی تبرٌک انسانلر  آلدیده بیز بیر عمر قرضدارمیز. محترم  نورانیلریمیزنینگ حیاتینی ینه ده فیضلی قیلیش، اولر اؤزلرینینگ بای تجربه سی، فایده لی

مصلحتلری بیلن اجتماعی حیاتیمیزده، اینیقسه، ینگی اؤزبیکستان یاشلرینی تربیه لشده ینه ده فعال اشتراک ایتیشلری اوچون قؤشیمچه امکانیتلر یره ته میز.
    بو مسأله لرگه علیحده اورغو بیریب گپیره یاتگنیم البته بیجیز ایمس. بیز ینگی اؤزبیکستاننی برپا ایتیش جریانیده خلقیمیزنی راضی قیلیشنی اؤز آلدیمیزگه اولوغ مقصد قیلیب قؤیگن ایکنمیز، بونی جمعیتیمیزنینگ هر بیر اعضاسی اؤز حیاتیده سیزیشی، حس ایتیشی بیز اوچون غایت مهمدیر.
    حاضرگی کونده مملکتیمیزنینگ  برچه حدودلریده اوچ اولاد وکیللری اؤرته سیده صمیمی اوچره  شولر اؤتکزیله یاتگنی، اولرده محترم نورانیلریمیز هم فعال اشتراک ایتیب، اؤزلرینینگ محنت و حیات تجربه سی، بوگونگی تینچ و یاروغ کونلرنینگ قدر – قیمتی و اهمیتی حقیده بیلدیره یاتگن فکرلری یاشلریمیز اوچون چینه کم  تربیه مکتبی بؤلیب خذمت قیلماقده.
    سوال:  اینگ اولوغ و اینگ عزیز ایٌام – مستقللیک  بیره میمیز  عرفه سیده گزیته میز صحیفه- لریده تورلی کسب ایگه لری بؤلگن یورتداشلریمیزنینگ ایزگو تیلکلری بیریب بارماقده. سیز وطنیمیز مستقللیککه ایریشگن بیرینچی کونلردن باشلب مملکتیمیزده ینه دولت و جمعیت قوریش جریانلریده فعال اشتراک ایتیب کیلگن اتاقلی رهبر، بوگونگی کونده ایسه ینگی اؤزبیکستان برپا ایتیش کانسیپسیه سی نینگ تشبثکاری و اونی عملگه آشیریش یؤلیدن بوتون خلقیمیزنی ددیل آلدینگه باشلب باره یاتگن ملی ییتکچی، پریزیدینت صفتیده اوشبو بیرم مناسبتی بیلن خلقیمیزگه قنده ی تیلکلر بیلدیرگن بؤلردینگیز؟
جواب:  البتته، مملکتیمیز مستقللیگی نینگ 30 ییللیگی مناسبتی بیلن بیز برچه ساحه و ترماقلر  بؤییچه ترقیاتیمیزنی یکونلرینی چوقور سرحساب قیلیب، کیلگوسی ریجه لریمیزنی ینه ده انیق بیلگیلب آله میز. اینیقسه،یورتیمیزده گی هر بیر انسان نینگ حقوق و ایرکینلیکلری همده قانونی منفعتلرینی تأمینلش، خلقیمیزنینگ ینه ده ایرکین و فراوان یشه شیگه ایریشیش بیز اوچون بوندن بویان هم باش مقصد بؤلیب قاله دی.
    مین اوچون اؤزبیکستان ریسپوبلیکه سی پریزیدینتی صفتیده گی فعالیتیم نینگ معنا- مضمونینی تشکیل ایته دیگن اینگ اولوغ مقصد – خلقیمیزنینگ تینچ و آسایشته، ایرکین و فراوان حیات  حقیده گی آرزو – امیدلرینی رؤیابگه چیقریش یؤلیده صدق دلدن فداکارانه خدمت قیلیشدن  عبارتدیر.
   
برچه میزگه رزق – نصیبه بیرگن، آق یوویب، آق ترب وایه گه ییتکزگن ایل- یورتیمیز آلدیده بیز همیشه قرضدارمیز. عزیز و ارداقلی خلقیمیزنینگ رضالیگیگه ایریشیش – بیز اوچون اینگ بویوک سعادتدیر. چونکه خلق بیزدن رضا بؤلسه، یرَتگن هم راضی بؤله دی.
   
نیچه- نیچه اجدادلریمیز آرزو – نیت قیلیب اؤتکن منه شونده ی بویوک ایشلرنی عملگه آشیریش بوگون بیزگه نصیب ایتگن ایکن، بو اؤزلیگینی انگله گن هر بیر وطنداشیمیز اوچون  چینه کم بخت و شرف ایمسمی؟
   
ایشانچیم کامل، بیز جانه جان وطنیمیزگه بؤلگن چیکسیز مهریمیز و صداقتیمیزنی مقدٌس بَیراق قیلیب، بار بیلیم و تجربه میز، عقل – ذکاوتیمیزنی ایشگه سالیب، یگانه خلق، یگانه ملت بؤلیب، کؤزله گن ایزگو مقصدلریمیزگه البتته ییته میز.

  ینگی اؤزبیکستان جهان میدانیده کوچلی صلاحیت، مناسب آبرو – اعتبارگه بؤلگن، هر تامانلمه آباد و فراوان مملکت گه اَیلندی.   مین بونگه نه فقط ایشانه من، بلکه شو یؤلده بار بیلیم و تجربم نی، کوچ – غیرتیمنی سفربر ایتیشگه همیشه تیارمن. برچه یورتداشلریمیزنی انه شونده ی اولوغ صفده – ینگی اؤزبیکستان بنیادکارلری قطاریده بؤلیشیگه دعوت ایته من.
    بو گونگی امکانیتدن فایده لنیب، کؤپ ملتلی خلقیمیزنی یقینلشیب کیله یاتگن مستقللیک بیره می بیلن چین قلبیمدن تبریکله یمن. هر بیر خاندان، هر بیر وطنداشیمیزگه تینچلیک- خاطرجمعلیک، فیض و برکه، بخت و سعادت دایما یاربؤلیشینی تیله
______________________________________________________

مصاحبه متنینی کریل الفباسیدن عرب الفباسیگه اوگیرگن: عبدالمجید اوزگون

علیشیرنوایی نینگ (جنون وادیسیده) غزلیگه شرح. ایرکین واحدوف ...



پاسخ ترک

Please enter your comment!
Please enter your name here