ذواللسانین اتاقلی شاعر محمد یحیا حفیظی عالمدن اوتدی!

0
84

ذواللسانین اتاقلی شاعر ـ

محمد یحیا حفیظی عالمدن اوتدی

اوزبیک تیلی و ادبیاتی بوییچه اوزیدن برحیات اثرلر قالدیرگن تنیقلی ذواللسانین شاعر محمد یحیا حفیظی آغیر کسللیک سببلی هندوستان شفاخانه لریدن بیریده، 15 سرطان کونی 79 یاشیده حیاتدن کوز یومدی.

محمد یحیا حفیظی 1321 ییل سرپل شهری نینگ بلوچخانه محله سیده توغیلیب وایه گه ییتدی. آته سی رحمتلی حاجی عبدالحفیظ شهرنینگ مدنیت سیورآق سقاللریده قتاریده حرمتگه سزاوار بولیب یشگن ایدی.                                                      یحیا حفیظی منهاج سراج لیسه سینی توگتکندن کیین اوقیتووچی صفتیده ایش باشله دی. او تعلیم و تربیه ساحه سیدن تشقری کوپ ییللر مدنیت و فرهنگ تورلی ساحه لریده ایشلب کیلدی. جمله دن جوزجان ولایتی نینگ مدنیت و فرهنگ رئیسی، امیر علیشیر نوایی نامیده گی فرهنگی انجمن ولایتی شوراسی مسئولی،  آیینه تلویزیونی نینگ فعال کدری صفتیده وظیفه بجردی.

حفیظی ایجادی استعدادی و سیزگیر روحی بیلن  متعهد شاعر ایدی. کوپ سانلی و سیر قرره لی اثرلری بیلن برچه امکانیتینی خلقی نینگ قیغو و المدن توله حیاتینی تصویرلشگه بغیشله دی. اولوس نینگ یخشی و یامان کونلریده اولر بیلن بیرگه بولدی. اوز اوتکیر قلمی بیلن خلق دشمنلریگه امانسیز هجوم باشله دی.

طنز اسلوبی حفیظی شعرلریگه اوزیگه خاص بیر جاذبه لی بویاق بیره دی و اونی برچه گه منظورقیله دی.  

..اونينگ شعر لری (1352)نچي ييلدن بويان اولکه مطبوعاتيده ترقه ليب کيلماقده. حفيظي پشتو تيلي همده هزاره لهجه سیده هم شعريازيش قابليتیگه ايگه ایدی. اونينگ دري واوزبيک تيليده گي شعرلري مستقل صورتده چاپ ايتلیب گیلگن. اونينگ اهتمامي بیلن (1372) ييلده بویوک استاد رحمتلی الحاج استاد قاري محمدعظيم«عظيمي» ديوانی جوزجان ولايتيده باسيليب چيقدی. شو یوسینده اونینگ همتی بیلن اونوتیلیش بوساغه سیده تورگن اولوغ شاعرنینگ شاه اثری (دیوانی) مخلصلرگه ییتیب باردی

 حفیظی سیر قرره لی ایجادکار. اوزبیک شاعرلری آره سیده اینگ کوپ اثر یازگن شاعر. اونینگ ایککی دیوانی اوزبیک و دری تیللریده ( «محبت نامه» مجموعه اشعار دری – فارسی و «انجمن آرا دیوانی» اوزبیکچه شعرلر مجموعه سی)نشردن چیققن. بولردن تشقری اونینگ قوییده گی اثرلری چاپ ایتیلگن:

  • – نوایی گه ساوغه
  • نادره بیگم غزللریدن
  • ·     «سرشک ماتم زدگان» (اشعار مرحوم جوهری فاریابی)
  • او آخرگی شعرلری مجموعه سینی هم چاپ قیلیش ترددیده ایدی.

مرحوم حفیظی، شاعر و صنعتچی محمد کریم ذره عظیمی باشچیلیگیده دوام ایتگن سرپل ادبی انجمنی نینگ قتنشووچیلریدن بیری صفتیده شعر وادب دنیاسیگه قدم قویگن ایدی. سرپل ادبی محیطی اونینگ شعری ملکه سینی آشیریشده کتته تاثیر کورستدی.

افغانستان تورکلری مدنی فدراسیونی (ففتا) تشکیل بولگندن کیین، حفیظی جوزجانی شبرغانده بیرینچی بولیب بو انجمن نینگ عضویتینی قبول قیلدی، ظهیرالدین محمد بابر و ظهیر فاریابی مدنی انجمنلری نینگ ففتا گه قوشیلیشی اوچون زمین یره تیب بیردی. شونینگدیک سرپلده ففتا شعبه لرینی آچیشده دوکتور واحدی بیلن جدی سهم آلدی.

روحی شاد محمد یحیا حفیظی جوزجانی نینگ بی وقت حیاتدن کوز یومیشی اوزبیک ادبی دنیاسی اوچون کتته ضایعه بولدی. اونینگ روحی تینچ و جایی جنتده بولسین!

پاسخ ترک

Please enter your comment!
Please enter your name here