افغانستانلیگ تورکلر مدنی فدراسیونی فاریاب ولایتی نی باشکنتی میمنه شهریده نوایی وبابر حضرتلرینی 581 و539 مچی توغوم کونلری مناسبتی ده بولیب اوتگن ادبی وآنمه احتفال نی اسقبال و منتدار چیلیگ بیلدیره دی

0
105

منتدارچیلیک
افغانستان تورکلری مدنی فدراسیونی (ففتا) اوله‌راق، تورک عالمی‌نینگ ایکی پارلاق سیماسی و بی‌تکرار علمی-سیاسی شخصیتلری بولمیش حضرت نوایی توغیلگنی‌نینگ ۵۸۱ ییللیگی و شهنشاه ظهیرالدین محمدبابر توغیلگنی‌نینگ ۵۳۹ ییللیگینی کوتیب آلیش مناسبتی بیلن (بوگون پنجشنبه ۵ حوت ۱۴۰۰- قویاش ییلی) فاریاب ولایتی میمنه شهریده بولیب اوتگن ادبی و آنمه احتفالنی بیرینچی بولیب اوشبو ییغیننی یولگه تشله‌گن استادلر، یاش ییگیتلر، تیتیک روحگه صاحب خلقیمیز و قاله‌ویرسه اوشبو ییغینگه مادی و معنوی دستک بیرگن بوتون شخصیتلریمیزگه قوتلوغ بولسین دییمیز.
بونده‌ی حساس کونلرده، ادبیاتچیلریمیز و اویوشمه‌لر آرقه‌لی بو قبیل هر تامانمله و بدیلی کورینمه‌گن تولیق احتفال آلینیشی، ملتیمیزنی اویغاغلیگی یانیده، مدنیت‌پرور شخصیتلریمیز و ادبیات‌سیورلریمیزنینگ ایکی اولوغوار شخصیتلریمیزگه اخلاصلری چیک‌سیزلیگینی کورسه‌تیشلری بیلن اولر هر قنده‌ی زورلیکلرگه تن بیرمس‌لیکلرینی کورستماقده دیر.
شونده‌ی بهادر اولوس‌نینگ بیر اعضاسی بولگنیمیزدن و شونده‌ی بای مدنیتینی سیزیب اونی سقلش یولیده تینمسدن تلاش قیلیب کیله‌دیگن علمی و ادبی تیلداشلریمیز بارلیگینی کوریب باشیمیز آسمانلرگه ییتیب، کوکسیمیز کوکلرگه کوتاریلیب فخر قیلدیک.
بیر ملت، بیر تاریخ و بیر تیلنی سیزلردیک حامی، جانکویر و فداکارلری بولگونچه او ملتگه، او تیلگه و او تاریخگه باشقه‌لر آرقه‌لی قنچه هم خوارلیک و خورلیک کیلتیریلسه ینه هم ایلدیزلری توپراق آستیده یاییلگن کورکم درختگه اوخشب، ینگی یاله و ینگی پنجه‌لرینی هر تماندن بر کمال‌راق و حاصللی‌راق بیریشینی بوگونکی تاریخی ییغین و علمی تشبث بیلن کورستگن بولدینگیز.
ینه بیر مرته، افغانستان تورکلری مدنی فدراسیونی (ففتا) آتیدن، اوشبو ییغیننی تدارک کورگن، تمویل ایتگن و باشدن ایاغیگچه تینیم‌سیز تلاش ایتگن بوتون تیلداشلریمیزگه صمیمی تشکرلریمیزنی بیلدیره‌میز.
حرمت بیلن

پاسخ ترک

Please enter your comment!
Please enter your name here