افغانستان تورکلری مدنی فدراسیونی (ففتا) نینگ اعضاسی نی بویوک شاعر حفیظی جوزجانی جنابلرینی رحلتلری مناسبتی بیلن قیغوداشلیک پیامی!

0
151

افغانستان تورکلری مدنی فدراسیونی (ففتا) نینگ رهبریت شوراسی و اعضالرینی  بویوک شاعر حفیظی جوزجانی نی رحلتلری مناسبتی بیلن قیغوداشلیک  وتغزیت پیامی!

وطنیمیز و تیلیمیزنینگ بویوک حماسه سراء شاعری، دوریمیزنینگ ماهر خطاطی و سینما ساحه‌سیده‌گی ییتوک بیلیمدانی رحمتلی استاد یحی حفیظی جوزجانی‌نینگ بی وقت حققه قاوشگنی و کوتیلمس رحلت ایتیش خبرینی ایشیتیب، ففتا اعضالری اوله‌راق چوقور قیغوگه چومیلیب، تولدیریب بولمه‌یدیگن ادبی و هنری یوقاتیش بیلن روپه‌ره بولدیلر.

استاد محمدیحی حفیظی جوزجانی، ملی کوره‌شچنلریمیزدن بیری حیثی‌ده، یاشلیکدن ایجادگه کونگیل بیریب، شعری و یره‌تیش یونه‌لیشده تینیم‌سیز حرکت ایتگن شخصیتلریمیزدن بیری حسابله‌نر ایدیلر. رحمتلی اوزلریدن ادبی و هنری ساحه‌لرده بویوک خدمتلر کورسه‌تیب، منگو اثرلر یره‌تیب کیتیشلری یانیده، اوزون ییللردن بیری افغانستان تورکلری مدنی فدراسیونی (ففتا) نینگ جوزجان ولایتی رسمی مقامی و مسوولی صفتی‌ده چین کونگیلدن خدمت کورستگن بی‌بدیل انسان ایدیلر.

 رحمتلی استاد یحیا حفیظی جوزجانی ففتا قورولیشی‌دن بوگونگچه افتخار بیلن اوشبو اجتماعی – فرهنگی جمغرمه اعضاسی صفتی‌ده جوزجان و سرپل ولایتلریده انکار ایتیلمس فداکارلیکلر قیلیب، مذکور ترماق‌نینگ ملی یونه‌لیش بوییچه بولگن مقصدلریگه موافق اونوتیلمس آدیملر آتیب، دایمی ایسلب قالینه‌دیگن ایشلرگه اوز حصه‌لرینی قوشگنلر. تورلی ییغینلر و ادبی اولتیریشلرده استاد حفیظی جوزجانی سلبارلی و تاثیرچن بیاناتلری بیلن هر دایم یانیمیزده تاغدیک توخته‌گن شخصیت ایدیلر.

استاد یحی حفیظی جوزجانی نینگ رحلتی نه فقط جوزجان و سرپل ادبی-هنری محیطی‌ده تولدیریب بولمه‌یدیگن یوقاتیش بولدی، بلکه افغانستان تورکلری فدراسیونی (ففتا) نینگ بویوک بیر کادری اوله‌راق ملتیمیزنینگ توکنمس بیر خزینه‌سی آره‌میزدن ایریلیب، ابدیلشی بیلن دنیا اوزبیک تورکچه‌سی محیطی آغیر و تولدیریب بولمه‌یدیگن ضررگه یوزمه‌یوز بولدی.

استاد حفیظی اخیرگی اوزگریشلر و ملتیمیز اوستی‌ده‌گی قاره کونلرنی یوق ایتیش اوچون تینمسدن ایجاد ایتیب، اوزلریدن اونلرچه حماسی و انسانلر شعورینی اویغاتووچی شعرلر یره‌تگنلیگی ادبی محیطیمیز و شعرگه کونگیل بیرگن انسانلریمیز آلدیده انیق دیر. اینیقسه او کیشی‌نینگ بعضی بیر ملی روح بیلن یوغریلگن شعرلری وطنیمیزنینگ اینگ تانیقلی قوشیقچی‌لری آرقه‌لی موسیقه قالیبی‌ده آهنگ ایتیلگنی، منگو اثرلری قطاریده خاطره‌لریمیزده دایمی قالیشی اوچون اورنک صفتی‌ده اشاره قیلیشیمیزگه توغری کیله‌دی.

استاد یحی حفیظی جوزجانی‌نینگ ادب و هنر یولیده‌گی اوزلریدن کورستگن فداکارلیکلری توغری‌سیده کتابلر یازماقچی بولسک، ینه هم آزدیر. بو کوتیلمه‌گن ادبی و هنری یوقاتیشنی ایلک باشده رحمتلی استاد حفیظی جوزجانی‌نینگ  خانم وعایله‌ اعضالری هربیری محمدهمایون حفیظی، بابر حفیظی، نجیب الله حفیظی، هوشنگ حفیظی، داوود حفیظی، ادبی و هنری محیط‌ده‌گی اوکیشینی سیوه‌دیگنلر و قاله‌ویرسه بوتون ملتیمیزگه تسلیت بیلدیریب، باش ساغلیق تیلش یانیده رحمتلی استاد یحی حفیظی‌گه اولوغ یره‌تگن درباریدن دایمی تینیم، آخرتلری آباد، روحلری شاد و یاتگن ییرلرینی اوچماق‌لر بولیشینی التماس ایته‌میز.

انا لله و انا الیه راجعون

افغانستان تورکلر مدنی فدراسیونی «ففتا» نینگ رهبریت شورا سی وبرچه اعضا لری: افغانستان، اروپا، امریکا ، تورکیه، اوزبیکستان، قزاقستان، روسیه ، کانادا وبشقه دنیا اولکه لریده.

 دوشنبه  1400 هجری قویاش تقویمی نی سرطان آیی نی 14 لمچی کونی ( 5جولای 2021 میلادی) گه برابر

پاسخ ترک

Please enter your comment!
Please enter your name here