افغانستان تورکلری مدنی فدراسیونی (ففتا)نینگ فاریاب ولایتی‌ده‌گی مدنی اعتراضلریگه یان باسیش و مرکزی حکومت استبدادیگه قرشی اعلامیه‌سی

0
171

افغانستان تورکلری مدنی فدراسیونی (ففتا)نینگ فاریاب ولایتی‌ده‌گی مدنی اعتراضلریگه یان باسیش

و مرکزی حکومت استبدادیگه قرشی اعلامیه‌سی

حرمتلی وطنداشلر! فاریاب ولایتی‌ده‌گی مدنی اعتراضلرگه دوام بیریب کیله‌دیگن قدرلی تیلداشلر! اوشنده‌یکه بیله‌سیزلر فاشیستی و دیکتاتور حکومتلر دنیانی هیچ بیر اولکه‌سیده قبول ایتیلمه‌گن بیر پدیده بولیب و حاضر دنیا بویلب رواجلنگن مملکتلرده هیچ قنده‌ی جایی قالمه‌گن.

 افغانستان دیب اتلگن بو سیاسی جغرافیه قوریلگنیدن حاضرگچه، اوشبو جغرافیه ده ملتلر حق و حقوقی ایاق آستی بولیب، تک قوملیک و فاشیستیک سیاستی بیلن پشتون قومی‌گه منسوب بیر مشت فاشیستلر حکومت یوریتووچیسی بولیب تشقی دولتلرگه قوللیک قیلیب کیلگنلر.

بوندن 140 آلدیندن باشلب حاضرگچه امیر عبدالرحمن، امیر حبیب‌الله، امیر امان‌الله، نادرخان، ظاهرشاه، داوودخان، ببرک کارمل، ترکی، حفیظ‌الله امین، داکتر نجیب، صبغت‌الله مجددی، ملا محمدعمر، حامد کرزی و اشرف غنی هر بیری تشقی بادارلری امریگه لبیک دیب اوز شهرداشلری و وطنداشلرینی نابودیگه حرکت قیلگن دولت اربابلری دیرلر. افغانستانده‌گی فاشیستی سیاست اساسچیسی عبدالرحمن دن بوگونگچه ملتیمیزگه هیچ قنده‌ی طبیعی حقلری و الله نینگ بویروغی عملی بولمه‌گن و شو یوز قیریق ییل جریانیده بیزنینگ اونلب صادق و فداکار کوره‌شچیلریمیز تورکستان جغرافیاسی نینگ فرقلی منطقه‌لریدن باش کوتاریب، شو مستبد و فاشسیست جریانلرگه قرشی مجادله قیلیب اوز عزیز جانلرینی قولدن بیرگنلر. اما حق و ملی منعفت اوچون بیر آدیم هم آرقه گه کیتمه‌گنلر.

عزیز ملتیمیز!

سیزلر پروفیسور غلام محمد میمنگی، شهید محمد طاهر بدخشی، شهید عبدالروف نفیر فاریابی، شهید نورالله خان قره ئی، شهیددولت کیپتان، شهید مولوی علاوالدین، شهید مولوی قره، شهید مولوی علمی، شهید حاجی اسکندر، شهید محمد رسول پهلوان و اونلرچه مبارزلریمیز ایزداشلری صفتیده، حاضرگی مبارزه نی دوام بیریب کیله دیگن تیلداشلریمیزسیز.

 فاشیستلر طاهر بدخشی دیک شخصیتلریمیزنی شهادتی‌گه شادیانه قیلیب، بو ملتنی باشقه اوزیگه کیلگودیک قیلمه‌دیک دیگن بیر شرایطده ملتیمیزنینگ مارشال دوستم دیک فرزندی سیاست صحنه‌سیگه چیقیب ینه شو محروم و مظلوم خلقی حق و حقوقیدن دفاع قیلیش اوچون بیلینی باغلب چیققن ایکن، یانیده  مولانا عبدالرحمن حقانی، شهید احمدخان سمنگانی، مرحوم نورالله تالقانی، شهید مولوی عبدالرشید جوهری و باشقه اونلب علمی نظامی شخصیتلر بیل باغلب سیزلرنینگ حق و حقوقینگیزدن دفاع قیلیش یولیده فداکارانه مبارزه قیلگنلر.

اوشنده‌یکه همه‌نیز بیله‌سیز، مبارزه و کوره‌ش دیگن نرسه آسوده‌لیک، شیرین اویقو و ایسیغ جاینی انسانلردن آلیب، قتتیق باشلیک و زحمت‌گه تارته‌دی. هیچ بیر مبارزیمیز زحمت سیز و آغیر کونلرنی کورمسدن تاریخ گه ثبت بولمه‌گنلر. البته که سیزلرنینگ بوگونلرده‌کی آغیر احواللرینگیز اوز صادق فرزندلرینگیز آرقه‌لی کیله‌سی نسللر اوچون تاریخلرینگیزده ثبت بولیب هر بیرینگیز اوچون نسللر بوییچه افتخار قیله‌دیلر.

البته، شونی هم ایتیشیمیز کیره‌ک بوله‌دیکه سیزلر اوتمیشده‌گی قهرمان آته‌لریمیز کبی بو مجادله ده اشرف غنی دیک فاشیست، جمعه خان همدرد دیک قاتل و باشقه اونلب جانی‌نینگ جفا و جوریدن قورقمه‌گنینگیز قانلرینگیزده‌گی عرقی و ارثی عادلرینگیز دیر. تاریخنی اوقیگن تیلداشلریمیز یخشی بیله‌دیلر که عبدالرحمن دن اشرف غنی گچه بیر پروژه و پلان یوزه‌سیدن یوریگن بو فاشسیست، گل محمد مهمند دیک جانیلرنی، نادر غدادریک قاتللرنی بیزگه مسلط قیلیب جفا چیکتیرگن وقتلریده هم خوددی سیزلردیک قهرمانانه مبارزه قیلگنلریمیزنینگ هر بیرلری یاتگن ییرلریده روحی آرام بولیب خاطره‌لری شاد بولماقده دیر.

ملی دعوا و حق و حقوقلرینگیز اوچون دنیانی قه‌ییرده بولسه، ملت نینگ دعاسی سیزلر بیلن بیرگه، خداوندنینگ اراده‌سی و حمایه‌سی سیزلر بیلن بیرگه و اخیرگی قیریق ییلدن بیری بو مبارزه کاروانینی دوام بیرگن مارشال دوستم‌نینگ فکر و ذکری سیزلر بیلن بیرگه دیر.

هیچ بیر زمان امیدلرینگیزنی اوزمسدن کوره‌ش یولینی و حق امرینی ترک ایتمسدن دوام بیریشلرینگیزنی التماس قیله‌میز.

2021-ییلی 17 می آیی دوشنبه کونی

افغانستان تورکلری مدنی فدراسیونی (ففتا) نینگ امیریکه قوشمه ایالتلری،

اروپا بیرلیگی، عرب بیرلیکلری، کانادا و تورکیه نماینده‌لیکلری

پاسخ ترک

Please enter your comment!
Please enter your name here