پریزیدنت شوکت میر ضیایف نینگ دولت مصلحتچیسی
رستم قاسموف وفات ایتدی
اوزبیکستان پریزیدنتی شوکت میرضیایف نینگ جماعت و دینی تشکیلاتلر بیلن همکارلیک قیلیش مسئله لری بوییچه دولت مصلحتچیسی رستم قاسموف عالمدن اوتدی.
رستم قاسموف سونگگی بیر آی دوامیده ساغلیگیده گی معمالر طفیلی تعطیلگه چیقیب، شفاخانه ده آغیر کسللیکدن دوالنه یاتگندی.
رستم قاسموف 1956 ییلده تاشکینت شهریده توغیلگن. او 2001- 2004 ییللرده عالی و اورته مخصوص تعلیم وزیری اورینباسری، 2004- 2008 ییللرده عالی و اورته مخصوص تعلیم وزیری – 2004- 2009 ییللرده باش وزیرنینگ فن، تعلیم، ساغلیگنی سقلش و مدنیت مسئله لری بوییچه اورینباسری بولگن. 2009 2011 ییللرده جهان اقتصادیاتی و دپلوماتیه سی اونیویرستیتی لوازمیده ایشلگن،2011 ییلده لوازمینی ترک ایتیب پینسیه (تقاعد) گه چیققن.
او2016 ییل ینه باش وزیر اورینباسری، عالی و اورته مخصوص تعلیم وزیری لوازمینی ایگللگن.
2017 ییل جون آییده اوزبیکستان پریزیدنتی دولت مصلحتچیسی بیرنچی اورینباسری – تشکیلی – کدر خدمتی رهبری – اوزبیکستان پریزیدنتی حضوریده گی دولت باشقرووی اکادیمیه سی ریکتری لوازمیگه تعیینلنگن (شو کونگه چه اکادیمیه ریکتری ایدی)، 2017 ییل نوامبرآیی آخریده ایسه اوزبیکستان پریزیدنتی نینگ فن، تعلیم، ساغلیگنی سقلش و سپورتنی رواجلنتیریش مسئله لری بو ییچه دولت مصلحتچیسی ایتیب تعیینلنگن. 2018 ییلده پریزیدنت نینگ جماعت و دینی تشکیلاتلر بیلن همکارلیک مسئله لری بوییچه مصلحتچیسی لوازمیده ایش باشلگن. او 2019 ییلدن بو یان اوزبیکستان خلق ارا اسلام اکادیمیه سیگه هم ریکترلیک قیلیب کیله یاتگندی.
منبع: (kun.uz)
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ستاکهولم (سویدن) ده گی بابر کلتوری انجمنی و اروپاده گی افغانستان تورکلری مدنی فدراسیونی جماعه لری و اوزیم نامیمدن، یوکسک درجه لی علم و فضیلت ایگه سی، صلاحیتلی دولت و جماعت اربابی عالیجناب انسان، رستم صابروویچ سلطانوف نینگ آغیر خسته لیکدن سونگ حیاتدن کوز یومگنی مناسبتی بیلن عایله اعضالری و دوستلری، شونینگدیک خلق ارا اسلام اکادمیه سی جماعه سیگه قیغوداشلیک بیلدیریب، تعزیه و تسلیت اظهار ایته میز.
رستم صابروویچ نینگ وفاتی علمی حلقه لر اوچون بیر معنوی یوقاتیش بولدی. یره تووچی مرحوم نینگ عایله اعضالریگه صبر و چیدم عطا ایتسین، روحینی رحمت سایه سیده آلیب، جنت نصیب ایله سین!
شرعی جوزجانی
