آنه تیلیم
محمد اسحق ( ثنا )
سن منينگ جسميم ده جان روح و روان آنه تيليم
سن فضيلت افتخاريم عزو شان آنه تيليم
بو حيات ايوانيده سن اتم تمدن دين نشان
اوتميشيم ، حاضرگى دمده باغلگان آنه تيليم
شعر درى بيرله سوز گنجينه سينى باى ايتيب
قيلديلر ( بابر ) ( نوايى ) جاويدان آنه تيليم
سنگه خد مت يوليده ياو ايله سه جانيمگه قصد
باك ايمس گر سين اوچون توكيلسه قان آنه تيليم
سن منينگ تاريخ و فرهنگ و غروريمگه اساس
عصر لر بويچه فخريمدين نشان آنه تيليم
كونگليم آچيلگى چمن ديگ سوزله گنده سن بيلن
چون كه سن هر دم من گه ورد زبان آنه تيليم
گر ( ثنا ) فخر ايله سه اوزبيگ تيليگه يوق عجب
بارليغيم نينگ حجتى جان و جهان آنه تيليم
