امیرالکلام میر نظام الدین علی شیر نوایی حضرت لری و دولت اربابی ظهیرالدین محمد بابر شاه حضرت لری نینگ تولد ایامی مناسبتی اوچون یولگه قویلگن اوچ کونلیک جشن ادامه سیگه تنون کیچه ( چهارشنبه، ۲۹ دلو ۱۳۹۹ ) شاعر لر و یازوچی لر آره سیده بویوک بیر مشاعره، شبرغان شهریده‌گی افغانستان ملی اسلامی جنبش مهمان خانه سیده یولگه قویلدی.اوشبو مشاعره ده، افغانستان ملی اسلامی جنبش حزبی نینگ رهبر و اساسچی سی، الحاج مارشال عبدالرشید دوستم، ملی یره شو عالی کینگشی نینگ بیرینچی اورین باسری دکتور عنایت الله بابر فرهمند، کابل دن تشریف بویورگن مهمان لر، نماینده لر مجلسی نینگ بیر تعداد وکیل لری، سنا مجلسی نینگ بیر تعداد سناتور لری، شاعر و یازوچی لر، ترانه سرا لر، فرهنگی لر و یاشلر قتنشگن ایدی لر.بیرینچیدن افغانستان ملی اسلامی جنبش حزبی نینگ رهبر و اساسچی سی، الحاج مارشال عبدالرشید دوستم، حضرت علی‌شیر نوایی و ظهیرالدین محمد بار حضرت لری نینگ سیاست و ادبیات بابیده قیلگن ایشلری حقیده تاکید قیلیب، بوگونگی یاشلر و یازوچی لر اولر نینگ حیات لری دن الهام آلیش لری کیره‌ک دیدی.مشاعره دوامیده، شاعرلر، یازوچی لر ، ترانه سرا لر و قوشیقچی لر اوز تیارلگن شعر، مقاله و ترانه لرینی اوقیش گه آلدی لر.
