جوبایدن رسما امریکا جمهورریسی گه ایلندی
اوزبیک پیدیا صفحه سیدن
جوبایدن رسما امریکا جمهورریسی گه ایلندی.
واشنگتن ده امریکا نینگ ۴۶- جمهورریسی جوبایدن قسم ایچدی. او بیلن بیرگه کامله حارث مملکت تاریخیده‌گی ایلک جمهورریس اورین باسری عیال صفتیده لوازم گه کیریشدی.
” بو امریکا نینگ کونی، بو دموکراتیک کون. تاریخ و ینگی لنیش گه بولگن امید کونی. بوگون بیز نامزدنینگ ایمس، بلکی مقصدلریمیز غلبه‌سینی نشانله‌یپمیز. مقصدلر -دموکراتیک. خلق نینگ اراده‌سی ایشیتیلدی. بیز یینه بیر بار دموکراسی قدرلی ایکنینی توشیندیک. بوگون، دوستلریم، دموکراسی غلبه قازاندی” دیب اوز نطقینی باشله‌گن بایدن.
ینگی جمهورریس اوز نطقیده ملت نی بیرلیککه چقیرگن و بیر نیچه مرته امریکا نینگ برچه فقرالرینی بیرلشتیریش گه ، ” برچه امریکالیکلر” جمهورریسی بولیش گه حرکت قیلیشینی تاکیدلگن.
“خدا و برچه‌نگیز نینگ آلدینگیزده دموکراسی و امریکا نی محافظه قیلیش اوچون سوز بیره‌من. بیز بیرگه‌لیکده امریکا تاریخینی یازه‌میز-قورقوولر ایمس، امیدلر تاریخینی” ، دیگن بایدن.
مراسم دن اول امریکا پایتختی مرکزی قمل ده‌گی قلعه نی ایسلتر ایدی. سیم توسیقلر، توسیلگن یوللر و ترتیبنی سقله‌ش اوچون جلب ایتیلگن ۲۵مینگ حربی. ۶ جنوری کونی لوازمدن کیته‌یاتگن جمهمورریس طرفدارلری تمانیدن کانگرس قمل قیلینیب، بیش کیشی هلاک بولگنی طفیلی مراسم عرفه‌سیده علاهیده احتیاط چاره‌لری کوریلدی.
