فضل احمدیلغوز
بی بی سی کابلСўнгги янгиланиш 19 декабр 2013 – 12:09 GMT
بو کتاب پروفیسور نتن مله ییف تمانیدن یازیلگن.
اوزبیک تیلیدن دری تیلیده اوزگرتیلگن اوزبیکی تورکی ادبیات تاریخی کتابی ییریک بیرمراسم آرقه لی بوگون ته نیشتیریلی. مذکورکتاب اوچون اویوشتیریلگن یغینده ایریم وزیرلر، ملت وکیللری و یوزلب ضیالی لرا شتراک ایتگن .
بو کتاب پروفیسور نتن مله ییف تمانیدن یازیلگن. افغانستان لیک یازوچی برهان الدین نامق ایریم اوزگریش کیریتیشی بیلن بو کتابنی دری تیلیده ترجمه ایتگن.
اوزبیکی تورکی ادبیات تاریخی کتابی تورت جلدن عبارت، نامق جنابلری بو کتاب نینگ دری تیلده ترجمه قیلیش اوچون ییگرمه ییل عمرینی صرفله گن.
تورکی اوزبیکی ادبیات تاریخ نامیده گی کتاب شهید صبغت الله ذکی بنیادی نینگ مالی همکارلیگی بیلن چاپ ایتیلیب بکونگی مراسم هم اوشبو بنیاد تمانیدن یولگه قوییلگن .
افغانستان عالی تحصیل وزیری عبیدالله عبید اویوشتیریلگن مراسمده سوزگه چیقیب، ا فغانستان نینگ قطار ولایت لریده اوزبیکی بولیملر آچیلگنینی تیلگه آلیب اوزبیک طلبه لری نینگ عالی تحصیل گه یوباریش اوچون ایریم مملکت لر اینیقسه اوزبیکستان دولتی بیلن مذاکره لر دوام ایتیب کیله یاتگنینی معلوم قیلدی .
همده او، ینگی دن چاپ ایتیلگن تورکی اوزبیکی ادبیات تاریخی کتابیدن عالی اوقوو یورتلرده فایده له نیش ممکین لیگی نی اورغوله دی .
افغانستان اولوسی جرگه سی نینگ بیرینچی اورین باسری میرویس یاسینی سوزگه چقیب اوزبیک تیلی سونگی ییلرده انچه رواج له نیب باره یاتکنینی ایتیب بوحقده شوندی دیدی ” اوزبیک تیلینی اورگه نیش گه جدی اشتیاقیم بار اورگه نیشگه حرکت قیله من نه فقط اوزبیکلر زیچ یشیدیگن منطقه بلکه پشتونلر زیچ یشیدیگن خوست کبی ولایت لرده هم اوزبیک دیپارتمنت لری آچیلسه ممنون بوله من .”
شونگه قوشمچه یاسینی جنابلری، ینگی دن چاپدن چققن کتاب نینگ اوته ارزشگه ایگه بولگنینی ایتدی .
اوزبیکی تورکی ادبیات تاریخی کتابی تورت جلدن عبارت، نامق جنابلری بو کتاب نینگ دری تیلده ترجمه قیلیش اوچون ییگرمه ییل عمرینی صرفله گن.
پارلمان نینگ ایککینچی اورین باسری صالح محمد سلجوقی شوندی تدبیرلر تیللرنینگ رواجی اوچون ایجابی توشیشی نی اورغولب بوخصوص ده اعتبار قره تیلیشی نی تاکید له دی .
کیله جک جمهوررلیک نامزدلریدن اشرف غنی احمد زی اوزسوزینی اوزبیکچه باشلب اوزبیک لرنینگ اوتمیش لرده کته امپراطورلیک لر ایجاد ایتب حاکمیت سورگنلیک لرینی ایتی.عین حالده اوزبیک عالم لری اوتمیش لرده اونوتیلمس اثرلر اوزلریدن قالدیریب حاضرگه شرایط ده غرب دولت لری اوشبو اثرلردن فایده له نیب کیله یاتکنینی ایتدی همده او یقین کیله جگده اوزبیک تیلی نینگ کوزگه کورینرلی درجه ده رواج له نیشیگه امید بیلدیردی.
افغانستان سنا مجلس نینگ ایککینچی کتابتچیسی عزیزالله الفتی اوزبیک طلبه لری نینگ عالی تحصیل اوچون خارج مملکت لراینیقسه اوزبیکستان وترکمنستانگه یوباریلیشی نی عالی تحصیل وزیرلیگیگه تکلیف قیلگنینی اورغولب، بیراق اوشبو وزیرلیک تمانیدن انابت گه آلینمه گنلیگینی قتیق قاره لب چقدی
اوشبو کتاب نی دری تیلیده ترجمه ایتکن یازوچی برهان الدین نامق کتاب نینگ دری متنیده ایریم کیره کلی معلومات لر قوشیمچه قیلینگنینی معلوم قیلدی. عینی حالده او، کتاب نینگ ترجمه قیلیش و بو کتاب موضوعی باره سیده تحقیق آلیب باریش اوچون ییگرمه ییل عمرینی صرفله گنینی تیلگه آلدی. نامق جنابلری بو کتاب نینگ دری تیلیده ترجمه قیلیشیدن اساسی مقصد نیمه بولگنینی شوندی ایضاح له دی:” اون ایککینچی صنف نی بیتیرگندن سونگ، کابل عالی اوقوو یورتی نینگ ادیبات فاکولته سیگه کیردیم، صنفداشلریم همده باشقه ته نیشلریم، اوزبیک ادبیاتی وتاریخی حقیده سوررایدی. چونکی اولر ایترلی معلومات گه ایمس ایدیلر. مین اوزبیک لرتا ریخیدن باشقه لر اگاه بولیشی اوچون بو کتابنی دری تیلیده ترجمه قیلدیم دیدی.” برهان الدین نامق.
افغانستان مدنیت وخبرلر وزیری سید مخدوم رهین وافغانستان مخدره ماده لرگه قرشی کوره شیش وزیرلیگی نینگ وقتینچه لیک وزیری مبارزراشدی ترکی اوزبیکی ادبیات تاریخی کتابی نینگ دری تیلیده چاپ ایتیلگنینی آلقیش لب بو کبی تدبیرلر ملیت لرنینگ بیربیریگه یقین لشتیریشگه ایجابی بولیشینی اورغوله دیلر. همده راشدی جنابلری اوزابیک عالملری اونوتیلمس یادگارلیک لر قالدیرگنینی تاکیدله دی.
شهید ذکی بنیادی نینگ رییسی وملت وکیلی قدرت الله ذکی استادلر ، طلبه لرو اوزبیک ضیالی لر تکلیفی اساسیده بو تدبیرگه قول اورگنینی اورغولب، کیله جکده هم شوندی فرهنگی ایشلرنی عملگه آشیریش وعده سینی بیردی.
