حیدر خوارزمی نینگ
«گلشن الاسرار» اثری حقیده
حیدر خوارزمی 14 عصرنینگ ایککینچی یَریمی، 15 عصرنینگ بیرینچی یَریمیده یَشب
ایجاد اِیتگن متفکر شاعر. او اؤزی نینگ لیریک غزللری «گلشن الاسرار» ناملی فلسفی- دیدَکتیک داستانی بیلن شهرت تاپگن.
حیدر خوارزمی نینگ «گلشن الاسرار» ی عنعنوی بابلر بیلن بیر قطارده مقالات،موعظه و اثرنینگ اساسینی تشکیل قیلووچی قؤییده گی حکایه لردن تشکیل تاپگن:
پولینی یؤقاتگن کیشی حکایَتی. بؤز تؤقووچی کمپیر و بزٌاز حکایتی. حاتمی حکایتی. محمود غزنوی حقیده حکایت. هارون بیله بهلول حکایتی. تیموربیک حکایتی. جمع 623 بیتدن آشیقراق. بو حکایه لرده اؤرته عصر ظلماتیده آدملیکنی ترغیب ایتگن، عادٌی انسان و اونینگ یوکسک تویغولرینی کویله گن حیدر خوارزمی اؤز یشه گن جمعیت واقعه لری نینگ اینگ مهم مسئله لرینی دَدل کؤتریب چیقدی.
«گلشن الاسرار»ده آداب- اخلاق، محنتگه، محنت اهلیغه محبت، سؤز، بدیعی اثرنینگ قدرتی همده دَورنینگ باشقه مهم مسئله لری هم قمره ب آلینگن. شاعر ایجادیگه خاص بؤلگن خصوصیت واقعه لرنی فلسفی مشاهده قیلیش دیر. داستانده لیریک حالت بیلن ایپیک حالت، ایپیک تصویر بیلن لیریک تصویر بیرله شیب کیتگن. داستان بابدن- بابگه، حکایتدن حکایتگه اؤته بارگن سری یَنگی- یَنگی بدیعی- تصویری واسطه لر، تینیق آبره زلر بیلن باییب باره دی.
حیدر خوارزمی ایجادی اؤرته آسیا خلقلری مدنیتیده اوزاق تاریخگه ایگه بؤلگن فلسفی- دیدَکتیک داستانچیلیک نینگ یَنگی دَورینی باشلب بیردی و ریأل حیات حقیقتینی افاده ایتووچی، فیودل توزومی نینگ یَره مس تامانلرینی فاش ایتووچی …….. و فلسفی حکایتلربیلن اؤزبیک ادبیاتینی ینه ده بای ایتدی. شو سببلی اونینگ اثرلری اؤز دَوریده گی ایجاد اهلی نینگ قلبینی ضبط ایتگنکبی، بیزنینگ زمانه میزگه کیلیب هم قیمٌتینی یؤقاتگن یؤق.
کیریل یازویدعرب الفباسیغه اوگورووچی
عبدالمجید اوزگون 15 / 11 / 2018
