الحاج محمد اکرم اوغلی امان الله قویاش 1365 ینچی ییل سرپل شهری نینگ ابوالفتح گذریده بیر تجارت پیشه عایله ده دنیا گه کیلدی . باشلنغچ , اورته و لیسه دوره سینی قاضی منهاج سراج مکتبیده 1385 ینچی ییل ده توگه تیب 1386 ینچی ییل ده جوزجان بیلیم یورتی نی اجتماعی بیلیملر فاکولته سی اوزبیک ادبی تیلی بولیمده کیریب 1389 ییلده اجتماعی بیلیملر فاکولته سینی اعلا درجه ده بیتیردی. قویاش اوقیش پیتیده هم ایریم آیلیک لر بیلن یاردم له شیب کیلگن او جمله دن ( نوای سحر , کون گه باقر , یوره ک نالیشی کبی آیلیکلر نی مدیری مسولی و هیتی عضوی ایدی . او 1390 ییلده ایکین چیلیک و چارواچیلک ریاستیده برنامه لر مدیری صفتیده ایشده باشله دی همده ایش پیده کاروان دانش انستیتوتیده و یاشلر امیدی کورسیده اوزبیک تیلی , انگلیس تیلی و کمپیوتر بولیملرینی درس بیریب کیلگن همده او 1398 هجری قویاش ییلی امیرعلی شیر نوایی بیلیم یورتی نی اقتصاد بولیمنی بیترگن قویاش ایریم خارجی دفترلر اینیقسه COAR , Save childeren وJACK دفترلرگه هم ایشله گن او انترنت ترماقیده گی اوزبیکچه شعرلر توپلمی وبلاگی و فیسبوک صحیفه سیده گی اوزبیک تیل نی اورگه تیش صحیفه سی , هییت لیک ( شعری ) صحیفه سی نی مدیر مسولی دیر.
قویاش ایریم دولتی ارگانلر و خارجی دفترلر تمانیدن آلقیشلنگن او جمله دن ( اولوسی جرگه , بیوک لر مجلیسی , سوو و برق وزارتی , سرپل ولایت مقامی , سرپل ولایتی شوراسی ,COAR دفتری , Save childeren دفتری , GP جوزجان دفتری , شبرغانده گی تورکیه PRT دفتری ,GIZ دفتری , یاشلر امیدی کورسی ,آلمان خذمت کورسه تیش دفتری DED لری دیر.). حاضر او برق ریاستیده کنترول مدیری صفتیده ایش قیلیب کیلماقده دیر.
اوکیشی مکتب دوره سیدن باشلب حرمتلی ابه سی مرحوم استاد سیف الدین نوری واستاد احمد نور خدیم زاده آلقیش لری بیلن شعر و ادبیات عرصه سیده علاقه داش بولیب ، اوزبیک و دری تیللریده شعر یازیش گه باشله دی اونینگ شعرلری 1383 ینچی ییلدن بویان یولدیزلر ایزیدن ( اوزبیک یاش شاعرلری ) کتابیده و اولکه مطبوعاتی آرقه لی ترقه لیب کیلما قده.
قویاش شعرلری دن اورنکلر :
آنه جانیم
آنه جانیم , سیز اوزیز بیر یولدوز و انوار سیز
بلبل زاریز ایرور من , سیز مینگه گلزار سیز
دنیا ده سیز مینگه ایردیز عزت و شان و شرف
زعفراندیک سرغه ییب ایکی کوزی خونبار سیز
سیز مینی مکتب گه قویدیز, بیلیم اورگنگین دیدیز
اعتمادیم ,افتخاریم هر نه دیسم , بار سیز
کیچه لر اله دیب اوخلتتیز مینی , یاتمه ی اوزیز
شو سببدن بار جهانده بیر گینه غمخوار سیز
دیدی پیغمبر که جنت آنه لر پاییده دور
حرمتیز مینگه شرفدور , بیر قیلینگ دیدار سیز
تورتلیکلر :
بهار کیلدی , بهار جاویدانلیک
که خوشلیک بیرله اوتکز, بی یمانلیک
” قویاش ” یاشلیک غنیمت بیل که دایم
کیتیب قیتمس بو دوران جوانلیک
—————–
قویاش سینگه ایلینگ آب و حیات دیر
اوزبیک تیلی تاتلی قند و نبات دیر
تا یوره گینگ ایرکین , ایرکین دیر تنینگ
ایلینگدن باشقه سی یورتینگده یات دیر
———————–
سرپلم
سیوه من سینی ، دیوانه کبی
اوت که یانه من ، پروانه کبی
سین سیز عزیزم ،سرپلم اینان
قویاشینگ سینی،افسانه کبی
حرمت بیلن قویاش
