گزارش شرعی جوزجانی نینگ اهتمام اساسیده
امام ابومنصور ماتریدی خلق ارا علمی تدقیقات مرکزی
آچیلیشی مناسبتی بیلن خلق ارا کنفرانس
آنلاین کنفرانسدن بیرگوشه سی
پنجشنبه 17 دیسمبرکونی تاشکینت وقتی بیلن ساعت 2 ده، اوزبیکستان خلق ارا اسلام اکادمیسیده خلق ارا علمی کنفرانس بولیب اوتدی. ییغیلیشگه اوزبیکستان عالملری بیلن بیر قتار مصر، تورکیه، سویدن، اندونیزیا، قزاقستان، قیرغیزستان و افغانستان عالملری آنلاین طرزده اشتراک ایتدیلر.
کنفرانس اوزبیکستان جمهور ریُسی مصلحتچیسی و اوزبیکستان خلق ارا اسلام اکادمیسی ریکتری رستم قاسموف تبریک سوزی بیلن آچیلدی. او اوشبو خلق ارا کنفرانسگه اشتراک ایتگن عالملرگه خیر مقدم دیب، جهان مقیاسیده ایزقالدیرگن اولکه نینگ بویوک علامه لری و اولر یرتگن علمی، اثرلرنی تانیتیش بوییچه ریسپوبلیکه پریزیدنتی شوکت میر ضیایف تامانیدن عملگه آشیریلگن ایشلر اوستیده توخته لیب اوتیب، جمله دن قوییده گی علمی مرکزلرگه اساس سالینگن دیدی:
ــ امام بخاری خلق ارا علمی تدقیقات مرکزلری؛
ــ امام ترمذی خلق ارا علمی تدقیقات مرکزلری؛
ــ اوزبیکستان خلق ارا اسلام اکادمیسی؛
ــ اوزبیکستان خلق ارا اسلام سویلیزتسیه سی مرکزی؛
ــ زمانوی تکنالوژی بیلن جهازلنگن امام بخاری نامیده گی زمانوی مکتب؛
ــ زمانوی علم و فن واسطه لری بیلن مجهزو اینگ سونگی علمی اسلوبلر بیلن درس اوتیله دیگن الخوارزمی نامیده گی مکتب؛
ــ یقینده اسلام اکادمیسی ترکیبیده تأسیس ایتیلگن امام ابو منصور ماتریدی خلق ارا علمی تدقیقات مرکزی.
ر. قاسموف، ایتیب اوتیلگن مرکزلر، عصرلر دوامیده اوزبیکستان عالملری قالدیرگن علمی اثرلر و حدودیمیزده یره تیلگن یوکسک مدنیتلر بوییچه تیکشیریشلرآلیب باریب، منطقه و جهان مقیاسیده اولرنینگ علمی اهمیتینی کورسه تیش، شونینگدیک انسان سیورلیک، تینچلیک و عدالتپرورلیک قاعده لریگه اساسلنگن حقیقی اسلام تعلیماتینی عامه گه توشونتیریش بوییچه فعالیت آلیب باره دی دیدی. بواسلوب رادیکالیزم گه قرشی کورشده اینگ مؤثر یول دیب تأکیدله دی.
ر. قاسموف صحبت ضمنیده یقینده تعیین بولگن امام ماتریدی خلق ارا علمی تدقیقات مرکزی دیرکتری فن دوکتوری دورانبیک مقصودوف نی اشتراکچیلرگه معرفی قیلیب، تورلی ساحه لرده اونینگ تجربه لری و علمی لیاقتی حقیده معلومات بیردی و تبریک سوزی آخریده خلق ارا کنفرانس اشتراکچیلریگه موفقیت تیله دی.
اوندن کیین کنفرانسنی، مرکز رییسی دورانبیک مقصودوف آلیب باردی و قوییده گیلرسوزگه چیقیب امام ماتریدی شخصیتی، یشگن دوری، کلام علمیده اونینگ اسلوبی و تورلی رادیکال گروهلرنینگ عقیده لریگه قرشی او یازگن اثرلر بوییچه اوز مقاله لرینی اوقیدیلرو صحبت قلدیلر:
1 ـ وزیرلر محکمه سیده دینی ایشلر بوییچه کمیته رییسی عبدالغفور تویچی بایف؛
2 ـ اوزبیکستان دینی اداره سی رهبری مفتی عثمان خان علیموف؛
3 ـ پروفیسور علی ابرش تورکیه دیانت ایشلری باشقروو کمیته سی رییسی؛
4 ـ الازهر اونیویرستیتی رهبری امام احمد طیب تبریکنامه سی محمد عوض ممدوح تامانیدن اوقیب ایشیتتیریلدی. اونده اسلامی عقیده نی کوچیتیریشده ماتریدی قرشلری نینگ رولی و زمان طلبلریدن کیلیب چیقیب، اونینگ حیات و فعالیتی قرره لرینی یاریتیش شونینگدیک الازهر بیلن همکارلیک قیلیش ضرورتی بوییچه تأکیدلنگن ایدی؛
5 ـ ایسیسکو باش دیرکتری سالم المالک مرکز اهمیتی اوستیده توخته لیب، او بیلن هرقندی همکارلیکنی اعلان قیلدی؛
6 ـ دوکتور رجب شنتورک تورکیه نینگ ابن خلدون نامیده گی اونیویرستیتی پریزیدنتی؛
7 ـ شیخ عبدالعزیز منصورخلق ارا اسلا سیویلزاتسیه سی دیرکتری اورین باسری، ماتریدیه گه تیگشلی «امالی» قصیده سی نینگ مهم قسملرینی اوقیب ایشیتدیردی؛
8 – مصرلیک عالم احمد سعد دمنهوری اسلام اکادمیسی پروفیسوری و ماتریدی مرکزی همکاری «ماتریدی و حاضرگی زمان» عنوانلی مقاله سینی اوقیدی؛
9 ـ تورکیه لیک عالم، اسلام اکادمیسی پروفیسوری سولمز قوتلو، «ماتریدی و تورکیه» عنوانلی اوز بیانیه سیده قوییده گیدیک فکر بیلدیردی: تورکیه ده ماتریدی تعلیماتینی اورگنیش عثمانیلر دوریدن باشلنگن واتا تورک توصیه سی بیلن بو حقده بیرینچی تدقیقاتلرآلیب باریلگن و اونینگ منبعلری سقلنیب کیلماقده.
سونمز قوتلو فکریچه اسلامی عقیده بوییچه اوچته یونلیش موجود: باطنی، ظاهری و ماتریدی. سلفیلراسلام دنیاسی بوییچه اسلام عقل دینی ایمس دیگن عقیده گه تیه نیب، دین و سیاستنی بیرلشتیریش غایه سینی ایلگری سوره دی. اولرنینگ تکفیری گروهلری علم و فن بوییچه هرقندی ینگیلیکنی ناروا دیب بیله دی وزمانوی علملرنی تحریم قیله دی. بو اورینده اسلام حقیقتینی اورگنیش اوچون امام ماتریدی تعلیماتی اینگ مؤثر و سینلگن یول دیب تاکید لدی او.
مرکز دیرکتری دوکتوردوران بیک مقصودوف امام ماتریدی علمی تدقیقات مرکزی نینگ دستور و هدفلری بوییچه مفصل معلومات بیردی.
کنفرانس جریانیده دوران بیک مقصودوف و آیسیسکو رهبری سالم المالک تمانیدن هر ایککی موسسه آره سیده همکارلیک میموراندمی امضالندی. …………………………………………………………………………
مین کنفرانس گه اشترک ایتیب اولدن آخرگه چه صحبتلرنی ایشیتدیم، لیکن افسوس که تخنیکی عارضه سببلی کمپیوترمکروفونی ایشله می قالدی. مدیره تور اوچ مرته مینی سوزگه چیقیش اوچون تکلیف قیلگن بولسه هم، اولرگه کمره آرقه لی مکروفوننی کورسه تیب، عذریمنی بیلدیردیم.
مین صحبت ضمنیده قوییده گیدیک فکر بیلدیر ماقچی ایدیم:
1 ـــ بیرینچیدن اوزبیکستان پریزیدنتی شوکت میر امانویچ جناب عالیلری تشبثی بیلن خلق ارا اسلام اکادیمیه سی ترکیبیده اساس سالینگن امام ابو منصور ماتریدی علمی تدقیقات مرکزی آچیلیشی مناسبتی بیلن، پریزیدنت مصلحتچیسی و اسلام اکادمیسی ریکتری قاسموف رستم صابرویچ جنابلری و مرکز دیریکتری صفتیده تعیینلنگن عزیز دو ستیمیز استعدادلی عالم دوکتور دوران بیک مقصودوف و برچه کنفرانس اشتراکچیلرینی تبریکلیمن.
2 ــ بیانیه لرو چیقیشلرعالی سویه ده بولیب اوتدی، امام ماتریدی حیاتی و اوزیدن قالدیرگن اثرلری حقیده ییترلی معلوماتلر بیریلدی و اولرنی منطقه و جهان مقیاسیده ترقتیش بوییچه معقول تکلیفلربیلدیریلدی.
3 ــ مین قوییده گی مهم مسأله لرنی هم ایش دستوریگه کیریتیلیشی کیرک دیب اویلیمن:
ـــ ابو منصور ماتریدی، بدعتچیلرگروهلری ترقتگن باطل غایه لرگه قرشی توریب، کمال جسارت بیلن مشخص و کانکریت شکلده علمی کورش آلیب باردی، مثلا قرمطیلر و باطنیلر و معتزلیلر گه ردیه صفتیده «تأویلات اهل السنه» تفسرینی یازدی. شونینگدیک ابو محمد باهلی نینگ بیشته اصول و قاعده سیگه قرشی کتاب، الرد علی القرامطه، ابوالقاسم بلخی و الکعبی گه قرشی کتابلرنینگ هر بیریده اولردعوا قیلگن هر بیر فکرنینگ ناتوغریلیگی مشخص شکلده کورسه تیلیب، قطعی دلیللر بیلن رد ایتیلگن ایدی. بیز قرمطیلر و باطنیلر ترقتگن ترورچیلیک حرکتی، معتزلیلر ترقتگن «خلق قرآن» فتنه سی کبی فاجعه لی حادثه لرنی توب ماهیتی بیلن آچیب کورسه تیشیمیز کیرک. تاریخ رشیدی یازیشیچه باطنیلراوز مخالفلریدن علم اهلی و دولت اربابلری بولمیش 48 کیشینی ترور قیلگن ایکن. ایکیته عباسیلر خلیفه سی، «سیاستنامه» کتابی مؤلفی سلجوقیلر وزیری خواجه نظام الملک و اونینگ ایکی اوغلی اولرجمله سین ایدی.
امام ماتریدی یکه اوزی میدانده توریب، بدعتچیلر و دینی ایکستریمیزم نماینده لریگه قرشی امانسیز کورشدی، روایت، عقل و استدلال کوچی بیلن اولرنی یینگدی و عقیده لری نینگ اساسسیز لیگینی اثباتلب بیردی.
ـــ امام ماتریدی مرکزی نینگ تبلیغاتی ساده وعامه باب بولیشی کیرک. خلقیمیز، بو گون قرمطیلر و باطنیلر تروریستیک شیوه لرینی زمانوی شکلده دوام بیرووچی گروهلر، اینیقسه القاعده، داعش و باشقه قوپارووچی حرکتلریلاودارلری کیم ایکنلیکلرینی یخشی بیلمیدیلر. اولرنی ایشله ته دیگن شیوه لری بیلن خلققه تانیتیلیک، اولر یوزلریگه تارتگن اسلام نقابینی آچیب تشلب، بونقاب آستیده قندی جیرکنچ قیافه لر یشیریلگنینی کورسه تیب، دنیانینگ تورلی اولکه لریده صادر ایته دیگن دهشتلی قوپارووچی حرکتلرینی فاش قیلیلیک. اوشنده گینه آدملر، دینی ایکتریمیستلرنینگ ماهیتی نیمه ایکنلیگینی توشونیب آلیب، اولرنینگ دوزاغیگه ایلینمیدیلر.
سلفیلر تامانیدن دین و سیاستنی بیرلشتریش غایه سی، سکولاریزم و دموکراسیگه قرشی کورشدن باشقه نرسه ایمس. اولرنینگ فکری عملگه آشسه، دین اوز ایرکین لیگینی قولدن بیریب، دولتلر قولیده بیر واسطه گه ایلنه دی. تاریخ گواهلیگیده دنیاده بولیب اوتگن قانلی مذهبی اوروشلر شونی کورسه ته دی.
قوتلو سونمز اشاره قیلگنیدیک سلفیلرنینگ تکفیری گروهلری برچه ینگی لیکلرنی حرام دیب بیلیب، کلتور و مدنیت گه قرشی توره دیلر. اولرانسانی جمعیت نینگ رواجیگه یول آچیب بیرگن زمانوی علم و فن نی تحریم قیله دیلر. اولردن بیرته سی اسلام پیغمبری سواد سیز ایدیلر، شونینگ اوچون سوادسیزجمعیت بیز اوچون ایدآل جامعه بوله دی دیگن، احمقانه فکرنی بیلدیرگن ایدی.
دینی ایکستریمیزم تاریخینی یازیش و مذکورآقیملر سببلی برچه یوز بیرگن فاجعه لرنی بی کم و کوست عامه گه کورسه تیب بیریش، امام ماتریدی مرکزی و برچه دینی مرکزلرنینگ اینگ مهم وظیفه سی دیب بیله من.
ـــ مشهور محدث و فقیه ابو سلیمان الجوزجانی نینگ اتاقلی شاگردی بولمیش ابوبکر احمد بن اسحق الجوزجانی عراقدن سمرقند گه کیلیب استقامت قیلگن و «الزاویة الجوزجانیه» مدرسه سینی قوریب، اورته آسیاده ابوحفص کبیر بخاریدن کیین ایککنچی حنفی مذهبینی ترقتیش مرکزیگه اساس سالگن. اونینگ شاگردلریدن اینگ ممتازی ابو منصور ماتریدی و ابونصر العیاضی ایدی. ابوبکر جوزجانی ابومنصور ماتریدی نینگ بیرینچی استادی ایدی. ایککنچی استادی ابونصر العیاضی هم اونینگ شاگردی بولگن. شونینگ اوچون امام نینگ بو ایککی استادی احوال و آثاری بوییچه تدقیقات آیب باریش هم مرکز نینگ وظیفه لری جمله سیگه کیره دی، دییمن.
کنفرانس جریانی گه تیگشلی بیر قطار رسملر
یوقاریدن قوییگه:
ــ رستم عظیموف، دولت مصلحتچیسی و اوزبیکستان خلق ارا اسلام اکادمیسی ریکتری. ــ «الازهر» اونیویرستیتی امامی دوکتوراحمد طیب (مصر
ــ پروفیسور علی ارباش تورکیه دیانت ایشلری باشقرمه سی رییسیو
اوزبیکستان مسلمانلری دینی اداره سی رییسی مفتی عثمانخان علیموف
پروفیسور سولمز قوتلو اوزبیکستان خلق ارا اسلام اکادمیسی پروفیسوری
دوکتور سالم مالک، آیسیسکو باش دیرکتری
دوکتور نظیر محمد عیاض مصر
دوکتور نظیر محمد عیاض مصر
پروفیسور سولمز قوتلو اوزبیکستان خلق ارا اسلام اکادمیسی پروفیسوری
