اوغانستان توركلر مدنى فدراسيونى ( ففتا) باشقرو شوراسي نينگ تسليت و قيغوداشليگ پيامى !
؛ تاءسف و اندوه بيلن بوگون تورك خلقی نینگ بير بيليمدان ملى و اجتماعى شخصيتى الحاج محمد اكبر ( اندخويى ) نينگ امريكا اولکه سینی ، نيويارك ايالتى ده بير آغیر كسل ليگ باعثی فانی دنیا دن کوز یوم دیلر!
انا لله و انا اليه راجعون !
رحمتلى الحاج محمد اكبر اندخويى جنابلری بارچه حیات دواميده دايم خلقى اوچون ايركين ليگ و عدالت و برابر ليگ يوليده كوره شيب؛ و جان کویر لیگ بیلن عدالت یولیده تلپنيب و زحمت چکگن بیر انسان ایدیلر.
بوکون بو عزیز ملی شخصیت نی یوغالیشی برچه افغانستانلیک تورک خلقلری ومرحومی نی دوست واقربا لریگه کته بیر ضایعه.
مرحومی افغانستان تورکلر مدنی فدراسیونی نی بیر بیوگ وافتخاری عضوصفتیده دایما بو فرهنگی نهاد نی اوسیش وتکامل یولیده یاردمچی بولیب هیچ بیر زمان اوز معنوی یاردملریدن قول ترتمه گنلر.
بوگون ففتا اعضالری بو ساوغ خبر نی ایشیتیب ؛ هر بیر ایرگه کی بولسه لر ؛ مرحومی نینگ عایله اعضالری نی یانلری ده غم شریک بولوب؛ بويوك تنگرى تعالی نى درگاهيدن رحمتلى نينگ روح لرينى شاد و جاى لرينى اوچماقدن بولیشی نی استدعا قيله دور لر.
برچه عایله اعضا لری واولکداشلر وتیلداشلریمیز گه بو بیوگ ضایعه نی تسلیت ایتیب مرحومی نی یاد وخاطره لرینی جاویدان قالیشی اوچون دعا لر قیلمیز!
