M.h. Yarqin
·
یاشلیک چاغلری اېسده لیگیدن بیر کېسمه
ملي کوره شچی رحمتلی طاهر بدخشی دن اېسده لیک
هجري 1350- ییلی، کابل بیلیم یورتی سیاینس فاکولته سینینگ بیرینچی صنفیده اېدیم. اۉشه پیت، مرکزي یاتاقخانه ده اۉرین بۉلمه گنی اوچون، بیرینچی صنف اۉقووچیلری کابل پولی تخنیک بیلیم یورتی یاتاقخانه سیده یشب، اۉقیش اوچون کابل بیلیم یورتیگه بارردیلر.
بیز بیر اتاقده 8 کیشی اېدیک: امام الدین راحت و سید عزت الله پویان (رستاقلیک)؛ سید عیسی و حلیم یارقین (سرپللیک)؛ نصرالله پرتو نادری (کشملیک) و ینه اوچ کیشی (استالفلیک) (3- بلاک، 3- قبت و 33- اتاق)
بیزلر هیچ بیر سیاسي گروهلرگه قۉشیلمه ی، بیطرف اېدیک.
اره میزده امام الدین راحت بدخشی باشچیلیگیده گی “ستمی”گه دانگ تره تگن “انتظار گروهی” اعضاسی بیلن آز-ماز علاقه سی بار اېدی. بیرکونی راحت، رحمتلی طاهر بدخشی بیلن بیر اوچره شوو و اونینگ فکرلری بیلن تانیشیش مسأله سینی أیتدی. اۉرتاقلر قیزیقیب، اوچره شووگه راضیلیک بیلدیردیلر.
هجري 1350-ییلی، کوز فصلیده بیرکونی توشدن کېین ساعت 4 لرده اوچره شوو بېلگیلنگن اېدی. اوچره شووگه (راحت، پویان، سید عیسی، جلیل شبگیر پولادیان، مېن و ینه بیر- ایکی کیشی) باردیک. اوچره شوو دارالامان بویوک یۉلیدن سۉلگه اجره لیب گذرگاه تمان کېته دیگن یۉلکده جایلشگن بیر حویلیده اېدی. اېشیکنی آچکن کیشی بیزنی حویلی نینگ ایکی قبتلیک بناسی نینگ ایکینچی قبتیگه باشلب باردی.
قالین-تۉشکلر تۉشلگن کته اتاقده تۉرت -بېش کیشی بیزلرنی ایلیغ کوتیب آلدیلر. اولردن اېسه رحمتلی مولانا باحث نی گینه تانیدیم. چونکه اۉشه ییللر مظاهره لرده داکتر نجیب الله، داکتر زرغون، عبدالوکیل، احمدشاه ستیز، سیدال ناصري کبی جۉشقین نطاقلر قطاریده مولانا باحث هم بار اېدی. بدخشی نینگ کۉریشی بیز یاشلر اوچون اۉته مراقلی و هیجانلی اېدی. چونکه ترقیخواه ایلغار آقیملر و گروهلرده اونینگ آتی کۉپینچه توتیلیب، توتکن یۉلی حقیده بحثلر بۉلردی. اونینگ گروهی “ستمي” گه مشهور اېدی.
قیسقه سی، بیرینچی بۉلیب رحمتلی بدخشی سۉزگه باشله دی. او، “ملي ستم” توشونچه سی و افغانستانده حاکمیت تماندن عبدالرحمن خان زمانیدن باشلب، رېجه لشتیریلگن انیق سیاست طفیلی باشقه ملیتلرنی محکوم قیلیش، اجتماعي-سیاسي حقلریدن محروم اېتیش، أینیقسه افغانستان شمالی (جنوبي تورکستان)ده ناقللرنی کۉچیریب یېرلشتیریش و بو بیلن نفوس تناسبینی اۉزگرتیریش کبی مسأله لرنی آچیقله دی. شونینگدېک، اوشبو وضعیتدن چیقیش و حاکمیتنی افغانستانده گی برچه میلیتلرنی تېنگ حقوقینی تامینلش، حاکمیتگه شریک قیلیش و اۉز منطقه لرینی اۉزلری باشقریشده امکان بېریش کبیلر اوچون کوره شیش ضرورلیگینی اورغوله دی.
او، کوره ش نینگ “تینچ” همده “قوراللی” ایکی یۉلی بۉلگنینی اېسله دی. بیرینچی یۉلده، اوشبو مرام و مقصدگه اېریشماق اوچون اۉزگه حزبلر و گروهلردن أیری و مستقل بیر حزب توزیش و او ارقه لی سیاسي و مدنی فعالیتلر قیلیش کېره کلیگی حقده کېنگ قمراولی سۉزله دی….
رحمتلی بدخشی، ملي کوره ش نینگ ایکینچی قوراللی شکلیگه کېلگنده، بو حقده مېندن کۉره مولانا باحث جنابلری تجربه لی و معلوماتلی دیر، دېب سۉزلش دوامینی او کیشیگه تاپشیردی. مولانا باحث “قوراللی کوره ش” ضرورلیگی، شرایطی و امکانیتی همده عملي قیلیش یۉریقلری (جمله دن چیریکي کوره شیش) حقیده به تفصیل سۉزله دی….
بیز یاشلر، اۉشه کونگی اوچره شوو و صحبتلردن جدا یخشی تأثیرات و تویغولر بیلن قیتدیک…
رحمتلی طاهر بدخشی، رحمتلی مولانا باحث و جانلرینی قربان قیلگن اۉرتاقلری نینگ روحلری شاد بۉلسین!121Sh Juzjany, M Sadiq Sarvari og 119 andre45 kommentarer2 delingerSynes godt omKommenterDel
Kommentarer
- Tugral Nafirzadahیوللری دواملی بولسین1Skjul eller anmeld dette
- Synes godt om
- · Svar
- · 21 t.
- Aktiv nuM.h. Yarqinصمیمی کومنتلر ارقه لی اوز ایزگو تویغولرینی رحمتلی طاهر بدخشی گه نسبتاً بیلدیرگن برچه حرمتلی اورتاقلرگه منتدارلیک بیلدیره میز.Skjul eller anmeld dette
- Synes godt om
- · Svar
- · 18 t.
- M Karim Ehsanاولوس یولیگه توشونجه و قوراللی مجادله بیرگن اوتمیشلریمیزنی روحلری شاد بولسین.1Skjul eller anmeld dette
- Synes godt om
- · Svar
- · 18 t.
- Hamidullah Bashqabanاستاد نینگ روحلری شاد بولسین.Skjul eller anmeld dette
- Synes godt om
- · Svar
- · 2 t.
- Thordy Besmalahiالحق شهید بدخشی عدالتخواهلیگ مدرسه سی نی این الوغوار معلم لریدن بیری تاریخ آقیمیده وافغانستان اولکه سیده بولوب اوتیدیلر ولی اولر نی بیرگن درس لری برچه زمانه لرنی عدالت خواه لیگ درسنامه سی صفتیده هیچ بیر زمان ایسکیلنمایدی ! ارواحلری خشنود ویرتگن درسنامه لری برچه نسل لر نی گوزگوسی قیتسون!Rediger eller slet dette
- Synes godt om
- · Svar
- · 1 min
