مولانا شیخزاده اتایی نینگ ناب غزللریدن بیتته سی
سیریلیک الفبا سیدن عربچه خطی ده اوزگرتیر گن: عبدالمجید اوزگون
حکایت قصۀ یوسف یوزنگ حُسن و جمالیندین،
مسیح و خضر اعجازین عیان لعلینگ زلالیندین.
نی شیرین اؤغریدور آغزینگ، آلیب کؤنگلومنی تویغونچه،
یاشوندی هر نیچه سؤرسم، تاپیلمس انفعالیندین.
جمالینگ آفتابیدور، فلک کویدورمس اوشته کیم،
الهیم سقله سون دَورِ قمر عین الکمالیندین.
کؤنگول چَوگان زلفونگغه مقیّد بؤلگـَلی چون گؤی،
بیرورلرچینده کی گاهی خبر آشفته حالیندین.
بهشتِ عدن ایچینده کیم، اوکرلر شاخِ طوبینی،
مثال بیش ایمستور بیر بویونگ سرو نهالیندین.
ینگاغینگ ناری یانینده نی طرفه سبزه دورکیم، جان،
نیچه یالینه اؤرته یدور انی یوز اؤت و یالیندین.
اتایی شعری چون بؤلدی لبینگ وصفینده بس نازک،
یاییلدی سؤز بساطیده انینگ ذهنِ کمالیندین.
