یوریدیک فنلر دوکتوری پروفیسور عبدالحکیم شرعی جوزجانی نی قوتلوغ بولسون پیامی اوزبیکستان استقلالی نینگ 29 ئیللیگی مناسبتیده

0
36

حرمتلی اوزبیکستان جمهوریتی جمهور رییسی شوکت میر امانویچ میر ضیایف جنابی عالی‌لریگه.
جناب عالی‌لری!
بیرینچی‌دن اوزبیکستان استقلالی‌نینگ ۲۹ ییللیگی مناسبتی بیلن جناب عالی‌لری و برچه اوزبیکستان قهرمان خلقینی چین کونگیلدن صمیمانه تبریکلب، یره‌تووچیدن ییریک موفقیتلرگه ییریشینگیزنی سوره‌یمن.
اوزبیکستان بوندن ۲۹ ییل مقدم، بیر عصردن کوپراق دوام ایتیب کیلگن قرملیک دوری زنجیرینی سیندیریب، مرکزی آسیاده تیموریلر دوریدن کیین بیرینچی اوزبیک مستقل و مستحکم دولتی‌گه اساس سالدی.
اوزبیکستان مستقل دولتی تورلی ساحه‌لرده کتته یوتوقلر بیلن بیرگه، اولکه و بوتون اورته آسیا حدودلریده خوف‌سیزلیکنی سقلشگه موفق بولدی.
اوشبو یوتوقلرگه ایریشیش بوییچه مملکت باش وزیری صفتی‌ده سیزنینگ اورنینگیز و رولینگیز برچه گه معلوم.
بیرینچی جمهور رییس اسلام کریم‌اوف برچه مهم ریجه‌لر و لایحه‌لرنینگ نظارت قیلیش وظیفه‌سینی سیزگه تاپشیره‌دیلر.
جناب عالی‌لری!
اوزبیکستان خلقی تمانیدن سیز جمهور رییس ایتیب سیلنگندن کیین، دولت‌نینگ ایچکی و تشقی سیاستی ساحه‌سیده کتته اوزگریشلر یوز بیریب، مملکت تاریخی‌ده بیر بوریلیش نقطه‌سی وجودگه کیلدی. سیز “بیز بویوک تاریخ، بویوک دولت و بویوک مدنیت یره‌تگن خلقمیز” دیگن سوز بیلن، برچه تورکی خلقلر، اینیقسه اوزبیک خلقی‌نینگ نیچه مینگ ییللیک تاریخینی بیر قیسقه عباره بیلن افاده‌لب بیردینگیز.
سیز آلیب باره‌یاتگن ایچکی و تشقی سیاست، منطقه شرایتی و دور طلبلریدن کیلیب چیققن حالده، ینگی اوزبیکستاننی ترقیات یولیدن آلیب باریش کفالتی حسابلنه‌دی.
مستقللیک بیره‌می مناسبتی بیلن سوزله‌گن نقطه‌نگیزنی قونت بیلن ایشیتیب روحلندیم. بو کبی واقعه‌لیککه اساسله‌نیب، خلق استکلری و مملکت رواجی یوللرینی واقعی‌لیک و رقملر بیلن کورسه‌تیب بیره‌دیگن مفصل معروضه‌نی فقط دولت‌نینگ حقیقی رهبرلریدن ایشیتیش ممکن.
جناب عالی‌لری!
اوشبو تاریخی معروضه ده قسمن اوز عکسینی تاپگن، سیاست، اقتصاد و مدنیت بوییچه عملگه آشیریلیب کیله یاتگن و برچه‌نی حیرتله‌نووچی رواجله‌نیشنی اعتبارگه آله‌دیگن بولسک، کامل ایشانچ بیلن ایتیش ممکن که اوزبیکستان تیموریلر رنسانسی‌دن کیین، اوچینچی رنسانس بوساغه‌سیدن اوتماقده. سیزنینگ رهبرلیگینگیزده بو رنسانس دوام ایته‌دی و ینگی اوزبیکستاننی معجزه‌لر وطنی‌گه ایلنتیره‌دی.
یره‌تووچیدن جناب عالی‌لریگه اوزاق عمر، ساغلام حیات و تاریخی موفقیتلر تیله‌یمن.
کمال احترام ایله
یوریدیک فنلر دوکتوری اوزبیکستان خلق‌ارا اسلام اکادمیه‌سی پروفیسوری

عبدالحکیم شرعی جوزجانی


31.08.202

پاسخ ترک

Please enter your comment!
Please enter your name here