؛ بوگون جمعه گونى 21نچى اگست آيى 2020 ميلادى ييل ساعت 6:00pm كيچقرون اروپا وقتى ده باشلنيب 9:36pm كيچه ده اداغگه ييتدى بو گون كى مجلس انترنيت ترماقلرى ويديو كنفرانس ارقلى ؛ اوغانستان توركلرى مدنى فدراسيونى باشقرو شوراسى نينگ دورانى مسوولى رحمت الله رحيمى بيلن بيش اجنداء آستيده اعلان بوليب ، ييغين اعضاء لريگه ابلاغ ايتى ، و بوگون كى ففتا كينگاشى ده ؛ پروفيسور عبدالحكيم شرعى جوزجانى ، پروفيسور استاد تورديقل ميمنگى ، استاد عبدالله رويين ، جنرال صاحب سراج الدين قيتمس ، استاد محمد ايوب ساعى ، استاد سيد محمد عابدى ، محمود توركمن ، انجنير نجم الدين محمودى ، محمد هاشم همدم ، نيك محمد مرادى ، استاد قدرت الله احمدى ، حاجى محمد داود جنبش و رحمت الله رحيمى پيلوت و ..اشتراك قيلگن ييديلر ، كيين مجلس اداره و باشقروى پروفيسور تورديقل ميمنگى جنابلرى گه تابشوريلدى ، باشلنيشده پروفيسور ميمنگى جنابلرى سوز نوبتى نينگ برينچى آجنداء ماده سي ؛ بوگون كى اوغانستان ده عمومى وضعيت توغريسيده پروفيسور استاد شرعى جنابلرى گه تابشورديلر ؛ پروفيسور استاد شرعى جنابلرى اوغانستان نينگ بوگون سياسى و نظامى حالتى و امريكا و طالبان و اوغانستان حكومتى نينگ اراسيده گى بار سياسى اويين لر و صلح كيليشى نينگ بير معما گه ايلنگنى توغريسيده تفصيلات بيريب و همه تمانلمه تحليل آستيگه آلديلر ، و كيين ايكينچى سوز استاد عبدالله رويين جنابلرى بيرديلر ، حرمتلى استاد رويين هم اوغانستان نينگ همه قينچليلگ حال و احوالى و ايچگرى ده گى بار معما و قومى نفاق و تعصب و عدالت سيز ليگ لر و همه بو آشوب و فتنه لر حكومت رهبريتى و دستگاه سينى قولى بارليگى و بو الو نينگ اوز لرى ياقيش و محروم و مظلوم ملتميز نينگ بو اوت گه ساليشلرى باره سيده سوز يوروتوب اوتيديلر ، اوچنچى سوز عيناً جناب پروفيسور تورديقل ميمنگى جنابلرى گه اوتى ؛ حرمتلى استاد پروفيسور ميمنگى اوغانستان نينگ بوتون ايچگرى و تشقرى سياسى و پاليسى لرى توغريسيده همه تمانلمه سوز يوروتوب ، خلقيميزنينگ بوگون كى عدالت سيزليگ و قومى نفاق و طالبان جنگرى و جلاد گروه سي ظلم و استبداد لرى و بوتون اوروش و الو لر آستيده قالگن لرى سببى فقط استعمار نى آچيق مداخله سي و حكومت رهبريتى بير مشت متعصب و كسل گروه نينگ بى رحمانه استعمار پلان لرى نى عملى قيليش و طالبان قاره جلاد گروه نينگ حمايه قيليشلرى و اولرگه مشروعيت بيريشلرى توغريسيده سوز يوروتيب و يينه هم بير بوتون ملى پلان و استراتيژى بولمه گن لى سببى خلق و وطنيميز بو يمان حالت و اچينرلى وضعيت ده قالگنى ، و مترقى نيرو و ديموكرات و عدالتخواه بنياد ، سازمان و حزب لرنينگ اتفاق سيز ليگى و بوتون بير ملى پلان و برنامه سيز ليگى نى حقيده تفصيل بيريب و كيله جگده همه ديموكرات و عدالتخواه و روشنگر نيرو لر بيرگه بوليشى و عيناً شو مقصد اروپا ، امريكا و اسيا و باشقه دولت لر ده يشاوچى و وطنيميز اچيده گى وطنداشلر ، بيرليگ و روشنگر ليگ جبهه ( جبهه ء متحد ملى ) و يا ( جبههء مقاومت متحد ملى ) آتيده ؛ استعمار ،طالبان و مافيا گروه لرى و قبيله فاشيزم گروه سى نينگ قاره اويين لريگه قرشى كوره ش و مقاومت آتيده تشكيل بوليشى نى بو باره ده ايش باشلنيشى و بو مسووليت و رهبريت نى اساسى بوليمى مارشال دوستم مسووليتى و رهبريتى ده باشلنيشى و بوليشينى تاكيد و تصويب بوليشى توغريسيده سوز يوروتديلر ، و يينه شو ييرده اوغانستان توركلر مدنى فدراسيونى ( ففتا ) ملت و وطن اوچون ملى دين و مسووليت لر نينگ يعنى حق و عدالت خواهى و ديموكراتيك اصول لرينى و آزاد و ايركين ليگ و برابر و برادرليگ ، و نفاق و تعصب گه قرشى كوره ش شعار و كوره ش آستيده عمل گه آشيشيگه فعاليت قيله دى و ملتيميز ايچيده اويغاغ و بيدارليگ انگيزه لرى يعنى اويغتيش اوچون فعاليت قيله دى البته كى ملتيميز اويغن گن و اويغنيش وقتى هم ييتيب كيلدى ديديلر . ييينه شو ييرده جنرال صاحب قيتمس صلح و آشتى پروسه توغريسيده سوز يوروتيب و بو صلح و آشتى آستيده فقط طالبان گروه سي امريكا و پاكستان منفعتى اوچون معامله گه كييريب و تاريخ صفحه سيده يينه ده خوددى دايم گى ديگ ، بير قرا يوزليگ و بدنام ليگ لر قالدير ماقچين لر ديب تاء كيد قيلديلر ،. كيين استاد سيد احمد عابدى سوزگه چقيقب اوغانستان وضعيتى توغريسيده سوز يوروتيب و يينه ففتا نينگ سايت و فيسبوك و مسنجر گروپ لرى كوپراق فعال و اكتيف بوليش ليگينى تاء كيد قيليب و پيشنهاد بيرديلر و يينه شو ييرده بوگون كى آجندا توغريسيده ؛ استاد قدرت الله احمدى ، حاجى محمد داود جنبش ، انجنير نجم الدين محمودى ، محمود آغه (توركمن) ، هاشم همدم و نيك محمد مرادى جنابلرى سوز يوروتيب اوتديلر و آخريده رحمت الله رحيمى پيلوت ففتا دورانى مسئوولى ؛ بولگن پيشنهاد لر گه و ففتا نينگ سايت و فيسبوك و مسنجر لرى فعاليت لرى و مونده هم كوپراق فعال و اكتيف بوليشى اوچون بولگن پيشنهاد لر نى عنابت گه آليب و ايجابى جواب و سوز يوروتيب و البته ففتا عالى رهبرى شورا اعضاء لرينى كوپراق همكارليگ و فعاليت قيلش لرينى گزاريش گه كيرتيديلر و آخر ده ييغين اختتاميه سى حرمتلى استاد عبدالله رويين جنابلرى بيلن جمع بندى بوليب و خير و فلاح دعاسي بيلن مجلسيميز اداغگه ييتدى اوغانستان توركلر مدنى فدراسيونى باشقرو شوراسي نينگ دوراني مسوولى رحمت الله( رحيمى ) پيلوت !
