الم لي قيغو وسعی بی حاصل

0
70

الم لي قيغو

ایکی قطعه شعر محمد اسلم گداز فاريابی دن


الم لي قيغوده تا آه وحسرت ني درا قيلديم
فغانيم شدتي اؤتي گواه تا مدعا قيلديم
جرس ديك كاروان عشقه عشاقي نوا قيلديم
خموشليك سينديريب ائتماقليكيم ني بي ابا قيلديم

دييب عاشقليكيم ني تا حضوريده دعا قيلديم

طواف كعبه دن ياريم كوئيگه بولمديم واصل
ني كورديم يأختي ليك ميخانه ي عشقي ده دل باذل
تلاشيب قنچه لر حق ديب ،يوگوريب قنچه لر باطل
نه بولدي كفر ني اسلام دن مقصوديميز حاصل

غلط ايردي كه دير وكعبه ني تمهيد گا قيلديم

اوشل كونلر كه اقبال وسعادت منده يارايردي
يوريب ادهم كيبي پرهيزگار ليك لر شعار ايردي
هميشه حق يوليده چاپماغيم تون كونده كار ايردي
يانيمده قنچه ايمان لي كيشي لربنده وار ايردي

سراب ني سوكوريب يولدن اداشيب كوب خطا قيلديم

باريب بزم پريرولرگه كورديم تا كه اول مه ني
قوياش نوري يقاسي چاكيدن چيقگاي اوشل شه ني
يوراك كيتي قوليم دن عشقيده اول برچه دن به ني
يوراي سودا زده يارب كوريتگيل منده بيرره ني

بوليب مجنون كبي سوداي عشقي دلده جا قيلديم

دماغ غنچه ده تاب نسيم صبح گاهي يوق
صدف سينديرمسنگ قولينگده گوهر هيچگاهي يوق
اوشل نازك بدن وصلي اوچون جز أشك و آهي يوق
مراديم يتمافه دولت بيله هم مال وجاهي يوق

اوشل تيمر يورك ني آستانين سجده گا قيلديم

كيتر كوك لرگه اوچماقده دماغيم صيد معناده
بوليب ميرگن كبي هر لفظ وهرحالتده دنياده
هجوم معني بكر ايلاسه هردور صهباده
اوشل مه پيكر شرين ادا كوزلاري شهلاده

بولوت ديك تفس آليب جائيده كوزياشيم رهاقيلديم
گداز فاريابي

سعي بيحاصل
شمع ديك يانديك ويوقدير جاده ومنزل هنوز
تارترم هردم نفس بول سعي بي حاصل هنوز
كائنات دن جلوه ايلاب طَي منزل لر ايتيب
بول تردد يوليده يورماقده سن غافل هنوز
بول جهان توقوز فلك تا انتظار قوينين آچر
سن قوياش إيستر عوضده يرده سن مائل هنوز
قان توكولدي لاله بولدي كوه و صحرا يريوزي
بولمادي قان ده بويالگان دامني؟ قاتل هنوز
معني نينگ گويالكي مضموني لفظ دن آچيلور
كيتي ليلي عصري وسن طالب محمل هنوز
نقش باطل اوردي فرهنگ وادب ده سايه سي
بولمادي وهم وخرافات چهره سي زايل هنوز
دل گدازين ايترحالده شمع ديك يأنماق كيرك
علم دنگيزيده كرديم ليك من سايل هنوز
الحاج محمد اسلم گداز

پاسخ ترک

Please enter your comment!
Please enter your name here