افغانستان تورکلری مدنی فدراسیونی (ففتا) بویوک قربان بیره‌می مناسبتی بیلن قوتلوغ پیامی
شنبه(باش کون)سنه 2020 نینگ اگست آیی نی بیرینچی کونی؛ 1399 هجری شمسی ئیل نینگ اسد (ارسلان) آیی نینگ 11 لمچی کونی گه برابر!
بیره‌م ایامی‌ده تیلداش کورمه غم،
باشقه پیتلرهم غمینگ بولسین عدم.
بولمه نامردلرگه محتاج هیچ قچان،
بیره‌مینگ بولسین مکرر-دم‌بدم.
قربان بیره‌می، ابراهیم پیغمبرنینگ یره‌تگن سیناوی توغریسی‌ده قوللیککه قناعتی و اسماعیل پیغمبرنینگ الهی امرگه لبیک دیب قدر و قضاحکمتی توغریسی‌ده چیده‌ملی استقامت اورنکی ایکنلیگی اثباتی کونی‌دیر.
بوگون، اسلام عالمی اوچون ایثارگرلیک و اوز عزیزیدن کیچیش کونی اوله‌راق؛ دنیا بویلب الله و اونینگ کلامی‌گه ایمان کیلترگن آدم و حوا اوغلی‌گه مقدس کونلریدن بیری سنلمیش حالده، الهی سینادن موفقیت‌لیک بیلن اوتیش شکرینی تیلگه کیلتیریش و عینی دمده، یره‌تگن ایگه‌میزنینگ نعمتلری و مرحمتی برابریده باش ایگیش ایامی‌دیر.
انه شو مناسبت بیلن افغانستان تورکلری مدنی فدراسیونی (ففتا) بیرینچی‌دن بویوک قربان بیره‌مینی بوتون وطنیمیزدن چیچیشلش و تعصب، فسق و فساد، جهل و گمراه‌لیکلر یوق ایتیلیب؛ شونینگدیک دایمی عدالت و تینچلیک ییرله‌شیشی‌گه سبب بوله‌دیگن مبارک ایام بولیشینی تیلش یانیده، ییتیب کیلگن قربان بیره‌مینی برچه تیلداش و ملتداشلریمیزگه قوتلوغ بولسین دییش بیلن یره‌تگن ایگه‌میز درگاهی‌ده اخلاص و قوللیک بیلن ایتگن عبادت و اوقیگن نمازلری قبول بولیشینی التجا قیله‌دیلر.
ینه بیر بار بویوک قربان بیره‌مینگیز قوتلوغ و اوقیگن نماز و قیلگن طاعت و عبادتلرینگیز قبول درگاه حق بولسین.
حرمت بیلن
افغانستان تورکلری مدنی فدراسیونی‌نینگ دورانی باشلیغی رحمت‌الله رحیمی پیلوت
