افغانستان تورکلری مدنی فدراسیونی (ففتا) الحاج عبدالرشید دوستم‌نینگ اینگ یوکسک حربی مقام‌گه ایرشیب مارشاللیک رتبه‌سینی آلگنی اولکه‌میزنینگ برچه یشاوچیلریگه و اینیقسه تورک ملتی‌گه چین کونگیلدن قوتلوغ بولسین دییدی.
چهارشنبه 15 جولای 2020
تاریخ‌نینگ بونده‌ی بیر حساس بوره‌می‌ده و استعمارچیلرنینگ قاره تونلر وهمی‌ده، بوزغونچ و ایاغدن تارتیش پلمه‌لری آقیمی‌ده، جهالت و نفاق ایکتیریش شرایطی‌ده، تعصب و اوستونلیک تیله‌ش، قشاقلیک و قان توکیش کونلریده، زمانه‌میزنینگ شیاد و دجاللری‌نینگ قاره کونلریده انسانلر قانی دنیا دیو استعمارچیلرینی تجربه قیلماقده ایکن؛ وطنیمیزنینگ اوروش میدانلریده‌کی کورکملی قورقمس فرزندی ایرکینلیک و ایرکه‌لیک حامیسی بولگن سترجنرال عبدالرشید دوستم‌نینگ مارشاللیک رتبه‌سیگه ایریشگنی مینگلرچه ییگیتیمیزنینگ شهادتی و میلیونلرچه وطنداشیمیزنینگ حمایه‌سی بیلن امید کوزگوسیده قویاش عکس ایتیب، مارشال دوستم‌نینگ اوز تشبث و دنیا قره‌شی یعنی بوتون وطنداشلریگه بیرتینگ دوستدارلیک کوزی بیلن باقیش تاولمی‌ده تورک ملتی و باشقه خلقلرگه کیله‌جک اوچون امید بغیشلش منبعی‌گه ایلندی.
افغانستان تورکلری مدنی فدراسیونی قوانچ اوجی‌ده کوکارگن بو بویوک یوتوغنی چین کونگیلدن اوزبیک-تورکمن تورکلری، میلیونلرچه سیوه‌دیگن و اعضاسی بولگن افغانستان اسلامی ملی جنبش حزبی‌گه و مارشال الحاج عبدالرشید دوستم‌نینگ جنابعالی‌لریگه تهنیت ایتیب، ینه بیر مراتبه بو یوتوغنی قوتلوغ بولسین دییمیز.
حرمت و ارادت بیلن
افغانستان تورکلری مدنی فدراسیونی‌نینگ دورانی باشلیغی
رحمت الله «رحیمی» پیلوت
