بوگون فاریاب ولایتی وبوتون افغانستان اوزبیک تورکمن خلقلری ینه‌ بیر فداکار، جان کۉیر و ادب‌پرور فرزندی استاد صالح محمد «حساس» دن اَیریلدی.

0
204

افغانستان تورکلری مدنی فدراسیونی (ففتا)نینگ قیغوداشلیک پیامی

یوزینگگه قالدی حسرت داغی اې‌ گُل!
ادب بوستانیدن ایریلدی بلبل.

قرا قیشلرنی اۉتکزدی امیدله،
دېدی: کۉکلم‌ده یه‌شنه‌یدی بو کلبه‌.

عزیز عمریده غفلت قیلمه‌دی هېچ،
کوره‌ش تیلداش دېیردی: «بۉلمه‌سی» کېچ.

بو گون منزل آلیب، چیقمیش یۉلی‌گه،
کۉرینمه‌یدی قلم-قاغذ قۉلی‌گه.

موسیقه‌ – فولکلورده اېردی «حسّاس»،
تاریخ و تیلده اۉرنی قاله‌دی خاص.

بوگون فاریاب ولایتی ینه‌ بیر فداکار، جان کۉیر و ادب‌پرور فرزندیدن اَیریلدی.
بو قاره‌ کونلرده عزیز دیاریم‌نینگ ینه‌ بیر تاریخچی، فولکلوریست، شاعر، موسیقی‌دان و ملی سیاستچی شخصیتی استاد صالح محمد «حساس» جنابلری بو فانی دنیا بیلن وداع ایلب، افغانستان تورک خلقی وبرچه یار ویورتداشلرینی عزالیگ ایتدی!

 

او کیشی کۉپ انسانلردن کۉره‌ تیل و ملتی‌گه وفادار، اۉز مدنیتی‌گه کۉنگیل بېرگن و صنعتینی سېوگن شخصیتلریمیزدن بیری اېدی. او کیشی عمری‌نینگ کتّه‌ قسمینی ایجاد و خلقی‌گه خدمت قیلیش یۉلی‌گه صرفله‌گن اتاقلی شخصیتلریمیز قطاریده توره‌دی.
دریغ و درد بیلن بوگون شنبه‌ 20 جون و 31 جوزا و کیشی‌نینگ رحلتی بیزگه ینه‌ بیر آغیر درد و تۉلدیریب بۉلمه‌یدیگن یۉقاتیش بۉلدی.
استاد حسّاس اوزون ییللر مزار شریف‌ده ملتی‌گه قرشی بۉله‌دیگن نا انصاف‌لیک و چېچېشله‌مه‌لرگه قرشی کوره‌شیب کېلگن شخص بۉلیب، اۉز تیلی، ملتینی ظالملر قۉلیدن قۉریگن ارداقلی انسان اېدی.
استادنی بې وقت رحلتی بیرینچی بۉلیب بلخ ولایتی‌ده حیات کېچیره‌دیگن تورکی قوملری اینیقسه‌ تورکمن- اۉزبېکلر اوچون و قاله‌وېرسه بوتون افغانستان تورکلری اوچون آغیر و تۉلدیریب بۉلمه‌یدیگن یۉقاتیش بۉلدی.
او کیشی هر داییم یاشلرگه اۉز تیل و تاریخی قدریتینی بیلدیریب، اۉزلریده بۉلگن معنویت ارزشلرینی بیلیش یۉلیده ترغیب اېتیب کېلگن بې غبار انسان اېدی.

رحمتلی استاد حساس افغانستان تورکلری فدراسیونی (ففتا) نینگ کلیدی اعضالریدن بیری بۉلیب مزارشریف ده مذکور تشکیلاتنی ییللر بۉییچه چرچه‌مسدن رهبرلیک قیلدی و ۱۳۹۰ – ۱۳۹۱ ییللر ففتا تمانیدن ترقه‌تیلگن تاریخی و تصویری تقویم‌ده هاشم همدم یانیده توریب اوشبو حرکت تحقیقی‌گه اولکن و سلماقلی حصه قۉشگن اېدی.

استاد حسّاسدن یخشی خاطره‌لر و ملتیمیز اوچون اۉزیدن قالدیرگن فداکارلیکلریدن بیر قنچه‌سیگه (2005 -2018) یقین و اوزاقدن گواه بۉلگنمن. اینیقسه‌ بلخ تورکلریگه قرچی ولایت سابق حاکمی عطا نورنینگ ظلمی‌گه قرشی حرکتی، ظهیرالدین فاریابی ایکّینچی شهرچه‌سی حاکم تمانیدن تارتیب آلینگنی‌ده یوزلرچه اۉزبېک- توکمن اۉز یشش اویلریدن اَیریلیب قالگنلریده استاد حسّاس‌نینگ جدی تۉخته‌شی نتیجه‌سیده ظالم حاکم قۉلیدن تکرار آلیب عادی خلققه قیتریب بېریلیشی و ملی کیم‌لیکده بوتون خلقلر افغان دېب اته‌لسین دیگن دولت قراریگه قرشی او کیشی‌نینگ بلخ ولایتی‌ده اۉزیدن کۉرستگن مجادیله‌سینی تاریخ اونوتالمه‌یدی.
روحلری تینچ ابه‌دی اویلری آباد بۉلسین الهی

افغانستان تورکلری مدنی فدراسیونی (ففتا)

پاسخ ترک

Please enter your comment!
Please enter your name here