اوغانستان توركلر مدنى فدراسيونى نینگ باشقرو شوراسى نی نوبتلیگ ایغینی انتر نیت ارقلیگ بولیب اوتدی
29-05-2020
جمعه کونی
جمعه مى آيى نی 29 لمچی کونی، ساعت 6pm آقشام دن تا 9:45pm گه چه افغانستان تورکلر مدنی فدراسیونی نینگ باشقرو شوراسى نی نوبتلیگ ایغينى بولیب اوتدی.
بو ييغين قوييده گى آجندا آستيده داير بولدى ؟
1-اوغانسانده بوليب تورگن بوتون سیاسی، اجتماعی، امنیتی و اقتصادی وضعيت و احوال حقيده ارزيابلیگ و تحليل لر
2- امريكه و طالبان گروه سى نینگ ارالریگه امضا بولگن صلح قراردادی و نتیجه لری . اوغانستان دولت نی موقفی؛ ترور و اروشلرنی دوام تاپیش پروسه سی.
3- دولت ساز تيمى و ثبات همگرايى تيمى اراسيده ، اورته گه کیلگن موافقتنامه و كيليشو بيلن كيلگن قوشمه و مشترك حكومت حقيده تحليل و محاكمه لر.
4- تورکستان صغیر(افغانستان شمالی) ولایتلری نینگ بوکونکی اوضاع واحوالی نینگ اوستیده بحث وتبادل نظر 5- مارشال دوستم نينگ مارشال ليگ رتبه سي نی حقيده بحث وتبادل نظر و بو توغرى ده مارشال دوستم نينگ سفر لرى حقيده معلومات و تحليل لر !
بو ييغين اجندا گه آلینگن زمان؛ مرکزی اروپا وقتیگه برابرساعت 6pmده باشلندى .
بو جلسه ده ، پروفيسور عبدالحكيم شرعى ( جوزجانى ) پروفيسور تورديقل (ميمنگى )، جنرال سراج الدين (قيتمس )، استاد عبدالله ( رويين ) ، داكتر محمد عثمان (بيليم ) انجنير نجم الدين ( محمودى ) محمد هاشم ( همدم ) نيك محمد (مرادى ) ، محمود ( توركمن ) استاد سيد قدرت الله ( احمدى ) داكتر نايل ( خانگيلدى ) رهبرى شوراء اعضالری صفتیده سهم آلگن ایدیلر.
برينچى ده ییغین اجندا سی ففتا نی نوبتلیگ مسئولی رحمت الله رحیمی پیلوت تمانیدن ؛ باشقراو شورا سینی نینگ اعضا لرینی حضور لریگه قرائت بولدی.
مجلس نی اداره سی حرمتلى پروفيسور ميمنگى جنابلرى گه تابشيريلدى.
اجندا گه برابر استاد ميمنگى اوغانستان دی عمومی بولیب تورگن وضعیتی نی اوستیده بیر آز سوز يورتيب، علل وانگیزه لرنینگ اوستیده سوز يوروتديلر .
كيين حرمتلى استاد پروفيسور جوزجانى ايكنچى اجنداء حقيده تفصيل بيلن سوز گه چقيب وضعيت حقيده تشريحات بیردیلر .
اوندن کیین اولوغوار استاد عبدالله رويين اوچنچى بند آجنداء حقيده سوز يوروتديلر ، يينه شو ييرده جنرال سراج الدين قيتمس ، حرمتلى محمود توركمن ، جناب داكتر خانگيلدى ، سوزگه چقيب اوز بيلگى لرينى بيان ييتديلر.
اوز نوبتلریده داكتر محمد عثمان بيلم ، انجنير نجم الدين محمودى ، استاد سيد قدرت الله احمدى ، هاشم همدم ، نيك محمد مرادى و رحمت الله پيلوت ، آجنداء گه آلینگن مطلب لرحقيده سوز يوروتيب اوز فکر وارزیابلیگلرینی توشونتیریب اوتدیلر. بو اخشامکی ييغينيميز ساعت 9:45pm كيچقرون ده حرمتلى استاد پروفيسور ميمنگى جنابلرى نينگ اختتاميه دعا لرى بيلن اداغگه ييتدى.
افغانستان تورکلری مدنى فدراسيونى باشقرو شوراسى نينگ دوراني مسوولى رحمت الله ( رحيمى ) پيلوت
