«اوزبیک تیلی درسلیکلرینی اوزاقدن اورگه تیش دستورینی ایلک قسمی» عملگه آشدی!

0
363
کاظم امینی


فاریاب- میمنه- 31ثور/ چهارشنبه/توشدن آلدین ساعت10
کوروناویروس کسللیگی باعث،قره نتین دوریده،قطاراوزبیک نشین ولایتلرده اوزبیک اهالی نینگ باله لری اوچون اوزبیکچه درسلیکلرنی ویدیوکلیپ آرقه لی تیارلب،اولرنینگ اختیاریده قوییش مقصدیده،بوندن بیرآی مقدم«اوزبیک تیلی درسلیکلرینی اوزاقدن اورگه تیش دستورینی تیارلش کمیته سی» ناملی بیلن قوشمه کمیته ایش باشله دی.
تخمین بیرآی اوشبوایشنی عملگه آشیریش اوچون وقت صرفلندی.توناون کون ثورآیی آیی نینگ31نچی سی اوشبو«کمیته» اوزایش محصولینی رسمی بیراحتفال آرقه لی،فاریاب ولایتی،معارف ریاست باشلیغ هیاتی گه رسمی شکلده تاپشیردی.شومناسبت بیلن فاریاب یوکسک دارالمعلمین کتابخانه سیده قوریلگن برنامه قرآن مجیددن نیچه آیت تلاوت اِیتیلیشی بیلن باشله نیب،بیرین کیین قوییده گی شخصلرسوزگه چیقدیلر:
1.شووندوی احمدالله عرب(کمیته نینگ قنده ایش باشله ب، مالی وتشکیلاتی مساله لری حقیده)
2.بشیراحمدجمالی فاریاب ولایتی معارف رییسی.(کمیته اعضالری نینگ داوطلبانه طرزده ایش باشله ب،اوشبوایش قه ی درجه ده مرکب وآغیربولگنلیگی وایریم تعلیمی قیینچیلکلرحقیده)
3.شوونمل محمدکاظم امینی (ایش کمیته سی نینگ مسلکی –تخنیکی قیینچیلیکلری همده معارف وزیرلیگی و فاریاب دولت مسووللری نینگ بوحقده بی تفاوتلیگی)
4.الحاج عبدالقدوس قلیچ(کمیته اعضالری نینگ آلقیشله ب شونده بیرداعیه گه بهابیریش )
5.نظرمحمدرضوانی خصوصی مکتبلراویوشمه سی نینگ مسوولی.(ایش جریانیده گی تورلی کمچیلیکلروشونده ی بیرمساله گه محیط وجامعه ده کم نظربیلن قره ش)
۶.پوهنمل فیروزاوزبیک کریمی فاریاب بیلیم یورتی رییسی.
برنامه نینگ ایکینچی قسمیده ویدیوکلیپ شکلده تیارلنگن درسلیکلردن،نمونه شکلده بیردرس نمایشگه قوییلیب،تیکشیروآستیده آلیندی.اوشبو تیکشیرو آرقه لی ایرکین صحبتلربولیب اوتیب، اوشبوآزاد فکربیلدیریش آقیم ده استادعبدالرشیدرشاد،تاج محمدایل سیور،محب الله ساربان،استادعبدالعزیزرئوفی،محمدنعیم صالحی واوشبوآقیمده فعال قتنشگن شهاب الدین قویاش لرفکرآلماشتیردیلر.
برنامه اداغیده،اوشبودرسلیکلرسافتی یوکلنگن 2ته فلش،کمیته اعضاسی تمانیدن،فاریاب معارف رییسی همده فاریابده گی (آیینه تی-وی)مسوولی محمدایوب گه تقدیم اِیتیلدی. ذکراِیتیلگن کمیته نامیدن، تیارلنگن آلقیش خطلراوشبودستورده ایلک بولیب،قتنشگن اوقیتووچیلرهربیری:
1.شهاب الدین قویاش.
2.محبوب الله توران.
3.سیدحسام الدین تویغون.گه بیریلدی.
«اوزبیک تیلی درسلیکلرینی اوزاق دن اورگه تیش دستوری»نامیده گی کمیته بیرخیل شخصی تشبثلرنتیجه سیده ایش باشله ب،فاریاب معارف ریاستی بیلن اویغونلشیب فعالیت آلیب بارماقده.اوشبوکمیته نینگ اعضالری حاضرگچه داوطلب شکلده ایش قیلیب،بیرینچی باسیقیچده مکتب اوزبیکچه کتابلری 100دن 30% نی بیرینچی صنف دن آلتینچی صنفگچه ویدیوکلیپ شکلده تیارلب،فاریاب معارف ریاستی اختیاریده قویگنلر؛شونینگ دیک اوشبودرسلیکلر(آیینه تلویزیونی)تمانیده هم هرکون ریجه لنگن وقتده ترقه تیله دی.قاله بیرسه اوشبودستوردنیابوییچه عرب الفباسیگه تنیش اوزبیکلراستفاده سی اوچون(یوتیوب)انترنتی صحیفه سیده هم یوکلنگن.
اوشبوکمیته مادی امکانیتی بولمسلیک وایریم تخنیکی-مسلکی مسأله لرباعث اوزایشینی تاخته تیب،قوله ی امکانیت قولگه کیلتیریش بیلن یقین کیله جکلرده 7نچی صنفدن12صنفگچه درسلیکلرنی،ویدیوکلیپ شکلده تیارلب، اوزاق مدتلی قره نتین باعث اوقیشدن محروم قالگن اوزبیک اهالی فرزندلریگه ییتکیزیشنی اوزآلدیگه مقصدقیلیب قویگن.
کمیته نینگ ایلک دستورینی عملگه آشیریش اوچون چیت ایللرده استقامت قیلووچی تویغولی وطنداشیمیر حرمتلی «انجنیرنجیب الله پیمان»یاردمی قولینی چوزگن. شوکبی قوییده گی احساسلی شخص ومدنی جماعه لرهم مادی یاردم قیلیب،کیله سی لرده هم اوزمادی حمایه لرینی اعلان قیلگنلر:
1.حرمتلی الحاج استاد عزیزالله ایوبی(تورکیه دن)
2.حرمتلی انجنیرظریف رحمت اوغلو(تورکیه دن)
3.ایشانچ فرهنگی انجمن اعضالری.
ایسلتمه:
اوشبوبرنامه نینگ ترقه تیش مقصدیده فاریابده گی برچه خبرنگاروژورنالیستلررسمی شکلده چقیریلگن حالده،هم «میمنه رادیوسی» همده «آیینه تی- وی» خبرنگارلریدن اوزگه، انسانی یاردملرخبرینی ترقه تیش بهانه سی هیچ بیرخبرنگار،اوشبوتعلیمی –فرهنگی برنامه خبرینی ترقه تیش اوچون حضورتاپمه دیلر.
محمدکاظم امینی

پاسخ ترک

Please enter your comment!
Please enter your name here