استاد محمد اسحاق«ثنا»
آنه
بو جهانده مهربانيم سيز آنه م
افتخاريم همده شانيم سيز آنه م
شيرهء جان بيردينگيز باقديز منى
اى منى روح و روانيم؛ سيز آنم
تا سبق اورگنسيم و تاپسم كمال
باعث نام و نشانيم سيز آنه م
كيچه لر ياتمى بيشيكيم يانيده
بولدينگيز خوش نغمه خوانم؛ سيز آنه م
سيزدن ايرو بو تيريليگنى نيتاى
سيز منى فخر و جهانيم سيز آنم
آلمدينگيز كوزگه اوز درمانيگيز
منگه بولديز پاسبانيم؛ سيز آنه م
– بولمس ايردى بول نيچه؛ نطق و بيان
باعث شعر روانيم؛ سيز آنه م
ثنا
