بیش تیلده لغت نامه حاضرله‌گن یاش ایجادکار داکتر صابر دیمرال حیاتی و فعالیتی حقیده قیسقه معلومات

0
481


جنوبی تورکستانلی یاش طبیب همده ایجادکار فعال ییگیتلریمیزدن سید عطا اوغلی داکتر سید صابر دایمرال حیاتی حقیده عزیز اوقووچیلر خدمتی‌ده قیسقه بیلگی حاضرله‌دیک. البته بو ایشیمیزنینگ اساسی بورچک و مقصدی یاشلریمیزنینگ فعالیتلری بوییچه ترغیبلش و عین حالده اوز کیله‌جکلریگه اوزلری ایگه چیقیش تمان اونده‌ش دیر.
سید صابر، مکتب نی نادم قیصاری و میمنه ده ییرلشگن خراسان لیسه‌سیده بیتدیرگن. فاریاب ولایتی قیصار تومنی‌گه قره‌شلی “بیش بله/باله” قیشلاغیده میلادی 1994-ییل توردینچی آیی نینگ 25- کونی بیلیم سیور و آیدین بیر عایله‌ده توغیلگن سید صابر، باشلنیغچ اوقوونی قیشلاغی‌ده‌گی دینی مدرسه‌لرده اوقیب، قرآنکریمنی تجویدی بیلن اوقیگن و صرف بهایی گه قدر دینی تعلیم کورگن. او، 11 کیشی‌لیک عایله‌نینگ اوچینچی فرزندی بوله‌دی، بوتون آته داشلری اوقیشگه بیریلگن دیمرال‌نینگ ایکی ایناغه‌سی حاضر قزاقستانده طبابت و خلق‌ارا دیپلوماسی بولیم‌لریده یوکسک تحصیل آلیش جریانیده‌لر.
قیصار تومنی قدیم‌لردن نادم قیصاری کبی انسانلرگه بیلیم و مدنیت اوچاغی بولگن اوشبو منطقه انسانلری اورگه‌نیش و اورگه‌تیشنی سیوگن خلق ایکنلیگی تاریخ یپراقلریده کورکم حالی بیلن کورینه‌دی. بیراق حاضرگی کونده قیصار تومنی طالبان کنترولیده بولگنی اوچون اوشبو تومن یشاوچیلری اینیقسه یاشلر اوقیشدن محروم و مکتبلر ایشیگی یاشلر یوزیگه یاپیق قالگن.
سید صابر دیمرال‌نینگ بیلدیریشیچه قیصار تومنی یاشلری‌نینگ کوپچیلیگی اوقیشگه کونگیل بیرگن بیر زمانده طالبان کنترولیگه توشگن اوشبو منطقه یاشلری‌نینگ 21-عصرده‌گی کیله‌جکلری قرانغولیکلرگه یوز اوگیریب جهالت باتقاغیده قالماقده‌لر. بوگونکی کونده یاش باله لر درس اوقیش ییریده طالبان گروهی تمانیدن ترغیبله‌نیب قورال کوتاریشلریدن دیمرال کبی تحصیل و اوقیشگه کونگیل بیرگن هر بیر یاشنی تشویشده قویگن.
سید صابر دیمرال، اوز تحصیل دوریده یالغوز اوقیش بیلن قالمه‌گن. بلکه او، تینگداشلری ارا اینگ ارزشگه سزاوار ایش سنله‌دیگن و اوزی حاکم بولگن تیللرده لغت نامه حاضرلشگه اولگورگن. اونینگ لغت نامه‌سی بیش تیلده تیارلنگن و کوپراق طبی و اجتماعی موضوعلرنی آچیقله‌یدیگن سوزلرنی مذکور لغت نامه ده توپله‌گن.
او، دنیانینگ چمه‌سی 10 تیلی جمله‌دن انگلیسچه، روسچه، اوزبیکچه، دری/ پشتو و قازاق تیللریدن خبری بولگن. بو تیللرنی کوپیسی بیلن اوقیش یازیش و صحبت قیلیش کوچی‌گه ایگه دیر. دایمرال قزاقستان‌نینگ (کازنمو-اسفندیاروف) ناملی بیلیم یورتی‌ده طب فاکولته‌سینی تخصص‌لیک درجه‌سیگه قدر دوام ایتیب کیلماقده.
داکتر دیمرال میلادی 2019 ده بیرینچی مرته تورت تیلده (روسچه- قزاقچه- انگلسچه و فراسچه) لغت نامه‌سینی قزاقستانده چاپ قیلگن و مذکور اثرنی چاپگه حاضرلش ایشی اوزی‌نینگ ایتیشیچه آلتی ییل وقت آلگن.
بوگونگه قدر نیچه علمی و تدقیقی مقاله طب و سیاست عرصه‌سیده روسچه، قزاقچه و انگلیس تیللریده یازیب قزاقستان ژورناللریدن نشر ایتگن. شونینگدیک بیر قنچه مقاله هم افغانستان خلقی حیاتی، طالبان، افغانستان تاریخی و جنرال دوستم‌نینگ سیاسی تاثیری حقیده یازیب 2013 دن 2019 گه قدر قزاقستانده نشرگه بیرگن.
حاضر هم افغانستان‌لیک طلبه‌لر قطاریده قزاقستان ففتا بولیم مسولی و آریانا اتحادیه‌سی‌نینگ قزاقستانده اعضاسی صفتی‌ده فعالیت قیلیش یانیده، 2019 ده چاپ ایتیلگن لغت نامه‌سی ایکینچی چاپ ایتیلیشی اوچون بو کیز بیش تیلده حاضرله‌گن.
شونینگدیک سید صابر دیمرال تحصیل دوره‌سیده اونلرچه علمی، تدقیقی، طبی و فرهنگی-سیاسی کنفرانسلرگه اشتراک قیلیب اوز قلمی‌گه منسوب مقاله‌لری بیلن چیقیش قیلگن. افغانستان و قزاقستان رسانه‌لریگه تیز-تیز طلبه‌لر و علمی ایشلری بوییچه صحبت قیلیش یونه‌لیشی بوییچه بار-بار چقیریلیب صحبت قیلگنی هم معلوم قیلینه‌دی.

پاسخ ترک

Please enter your comment!
Please enter your name here