تاشقین بهایی
تاشقین بهایی نامی بیلن شهرت قازانگن سید تاج الدین هجری قویاش 1340 نچی ییل میمنه شهریگه قره شلی اونجلاد(اونچه ارلات) قیشلاغیده توغیلیب باشلنغیچ اورته ولیسه دوره سینی اوشه ییرنی مکتبی ابوعبید جوزجانی لیسه سیده بیتیرگندن سونگ یوقاری بیلیم آلیش نیتیده کابل دارالفنونیگه شامل بولدی.1365 نچی تیل وادبیات فاکولته سی اوزبیک تیلی بولیمینی بیتیرگندن سونگ فاریاب ولایتیده گی یوقاری اوقوو انستیتوتیده (انستیتوت تحصیلات عالی)استاد لوازمی همده فاریاب دولتی باسمه خانه سی رییسی لوازملریده ایش قیلدی.
تاشقین بهایی هجری قویاش 1376 نچی ییلدن باشلب 1382 نچی ییلگچه ناقوله ی سیاسی وضعیت سببلی تورکیه گه وایران اولکه لریده بدرغه لیکده حیات کیچیریب نیچه ییل خراسان رادیوسی نینگ چیگره دن تشقری اوزبیک تیلیده گی ترقتمه لری توزه تووچیسی صفتیده ایش آلیب باردی شونینگ دیک کامپیوتر گه عاید اساسی تعلیماتنی اورگندی.
او وضعیت تینچ بولگندن سونگ وطنده قیتیب حاضرایسه کمپیوتر بوییچه ایشلربیلن شغله نیب کیلماقده او 1358 نچی ییلدن باشلب اوزبیک تیلیده ایجاد ایته دی اونینگ دری تیلیده گی یازوو ومقاله لری بویلب رسمی نشریه لر آرقه لی ترقه لیب کیلماقده.
او افغانستانده گی معاصر اوزبیک تیلی وادبیاتینی رواجله نیشیده معلوم حصه قوشگن ایجاد کاردیر.اونینگ اثرلری (کینجه بای-طغرل)مستعار اسملری بیلن هم اولکه مطبوعاتیده ترقه لیب کیلگن اونینگ چاپ بولگن اثرلری قوییده گی لردن عبارت:
- پوپی قوش-باله لر اوچون حکایه لر-افغانستان یازووچیلراویوشمه سی کابل 1364نچی ییل.
- سولاق-سیلنگن شعرلر توپلمی-کابل افغانستان یازووچیلر اویوشمه سی نشریاتی-1364 نیچ ییل.
- سوزگنجیدن نیچه در-امیرالکلام نوایی نینگ(550)ییلیگه بغیشله نیب ،نوایی اثرلریدن تنلنمه-میمنه-فاریاب 1369نچی ییل.
- رنگین کمان شعر(قوشمه تالیف)فاریاب 1369 نچی ییل.
- بیرسیقیم توپراق-بدرغه لیکده گی سیلنمه شعرلر توپلمی-مشهد-ایران1377 نچی ییل.
وطن توپراغی
قلم سین تینمه یین ییغلب کونگل شرحینی تحریرایت
بوزوق بو بیت الاحزاننی ینه بیربار تعمیرایت
کونگل غربتده قیینه لسنگ خسیس آلیده باش ایگمه
فغانینگ کوککه ییتدیرمه اوزینگنی راست چون تیرایت
اجل سین کیلمه غربتده مینینگ آرزو لریم بیتمای
دیاریمگه ییتوشگونچه جانیم آلماککه تاخیرایت
بوغربت کوییدن خلقیم فغانیم تینگله یالمس لر
اولرگه طبع شعریم سین بوتون حالمنی تصویرایت
الم تاغی قولب اوستیمگه شامیم هم سحر اولمس
صبا بیر خوش خبر بیرله کونگل اویینی تنویرایت
مسافرلیک دیاریده بولرکن یات تانیش هم
بو آیه معنی سین انگلب قدردانلرگه تفسیرایت
بوغم تاغینی تیشماککه مینینگ هرگز کوچیم ییتمس
الاولی آه ایله کونگلیم اوزینگ بیرچاره-تدبیرایت
وطن توپراغینی سیوسنگ وطندن کیلگن هم کیم نینگ
وطن توپراغینی باسگن ایاغین کعبه تعبیراست
صراحی می گه تاشقین دیر ولی خمارنی سیندیرمس
خراسان بادی باتراق ایس بو می نی قیته تقطیر ایت
