تیلداش، قانداش، قرینداش و ایناغه‌لیک پیمانه‌سی اورته‌میزده بولگن قوشنی اوزبیکستانده سوو توغانی نوره‌ب توشیش عاقبتی‌دن کیلیب چیققن حادثه‌دن ضرر کورگن تیلداشلریمیز و قرینداشلریمیزگه همدردلیگیمیزنی بیلدیریش یانیده، اوزبیکستان دولتی و بوتون تیلداشلریمیزنی دعا و دلدارلیک بیریش بیلن هر قنده‌ی یخشی-یمان کونلرده یانلریده بولیب، خوشلیک و قیغولرنی بیرلیکده چیکه‌میز. اجتماعی ترماغلردن گواه بولگنیمیزگه ته‌یه‌نیب اوزبیکستان خلقی‌نینگ کروناگه قرشی دولت حکم‌لریگه لبیک دیب جان و دلدن قول قاویشیب همکارلیک قیلگنلری و سونگی طبیعی حادثه‌دن ضرر کورگن وطنداشلریگه کورستگن مادی و معنوی یاردملیکلرینی افغانستانده یشه‌یدگن تیلداشلری نامیدن اونی آلقیشلب، اوز تشکرلریمیزنی بیلدیره‌میز.
اوزبیکستان دولتی کروناگه قرشی جدی کوره‌ش آلیب باره‌ر ایکن، سوو توغانی نوره‌ب توشیش نتیجه‌سیده هم چیبرلیک بیلن حادثه نی مهاری اوچون موفق بولگن‌لیگینی بو ملت و دولت‌نینگ ازلدن توغمه تدبیرلی و داو یوره‌کلیگی ینه بیر بار بشر تاریخی‌گه اورنک بولگنینی کیمسه انکار ایته آلمه‌یدی و بو اوچون اوزبیکستان جمهور باشلیغی جناب شوکت میرضیایوف‌نی ایری آلقیشلش جایز دیب بیله‌میز.
افغانستان تورکلری مدنی فدراسیونی صفتی‌ده افغانستانده یشه‌یدیگن چمه‌سی 15 میلیون تورکی قوملر (اوزبیک، تورکمن، قزاق، قیرغیز، تاتار، ایماق، بیات، لَقَی، قیزیلباش، اویغور، نیمان و…) نامیدن، هر قنده‌ی شرایط‌ده تیلداش- قانداش- قرینداش و برادر اولکه میز اوزبیکستان دولتی همده بو اولکه‌نینگ معظم خلقی یانیده بولیشیمیزنی بیلدیره‌میز.
تیلداشلریمیزگه ساغلیق و آسایشته‌لیک آرزوسی بیلن باشلریگه کیلگن هر قنده‌ی آفت و بلالر دفعی دایمی تیله‌گیمیزدیر.
حرمت بیلن
افغانستان تورکلری مدنی فدراسیونی (ففتا) مرکزیتی
افغانستان و نماینده‌لیکلری امیریکه، اروپا، تورکیه…
07.05.2020
