اندخوی تومنی دولت گیلدی فدایی لیسه سی نینگ اوقیتوچیسی
رحمتلی عبدالبصیر اوچمس نینگ قیسقه بیوگرافی‌سی
بسم الله الرحمن الرحیم
كُلُّ نَفْسٍ ذَائِقَةُ الْمَوْتِ (بوتون جانلی‌لر اولیم مزه‌سینی تاته‌دی.)
عوض نیازنینگ اوغلی عبدالبصیر اوچمس هجری قویاش 1338-ییل اندخوی تومنی‌نینگ پوستین دوزخانه قیشلاغی‌ده آیدین بیر عایله ده دنیاگه کیلدی. و 7 یاشنی تولدیریشی بیلن اندخوی ابومسلم لیسه‌سیده اوقیشنی باشله‌دی و 1359-ییل عالی درجه ده 12- صنفنی بیتتیرگندن کیین اولکه خدمتی اوچون فاریاب مرکزی بولمیش میمنه شهریده عسکرلیککه کیتدی و 1361-ییلی عسکرلیک ترخیصینی قولگه کیلتیردی. بیر مدت شبرغان شهری‌نینگ بلدیه ماموری صفتی‌ده ایش قیلگنی‌دن سونگ اوقیتوچی‌لیک بولیمی‌ده قیزیقگنی سبب چمه‌سی 18 ییل ابومسلم لیسه‌سیده اوقیتوچی‌لیک خدمتی‌دن سونگ دولت گیلدی فدایی لیسه‌سیده ایشنی باشله‌دی. رحمتلی اوز مسلکینی سیوگنی اوچون ایش جریانیده تحصیلاتینی هم دوام بیرگن. شونینگدیک 1391-ییل اندخوی معلم تربیه‌لش عالی درگاهی‌دن 14-صنفدن فراغ بولگنیدن سونگ، شبرغان شهریده‌گی علی‌شیر نوایی عالی درگاهی‌دن 1396-ییل لیسانس درجه‌سیده اوز تحصیلاتینی بیتدیردی. رحمتلی استاد اوچمس اوقیتوچی‌لیک یانیده موسیقه صنعتی بیلن اینیقسه آرمونیه چلیش و کویلشده قابلیتلی انسان ایدی.
رحمتلی اوز ایشیگه چیبر و مهربان انسان ایدی و هر دایم قانونگه موافق صداقت بیلن ایشلرینی بجریشده وطن فرزندلریگه اورگه‌تیش خصوصیده چرچه‌مسدن تلاش قیلگنی اوچون اوقیتوچیلر و اوقووچیلر ارا سیولگن بیر کیشی ایدی. بونگه قوشیمچه رحمتلی جامعه نینگ تورلی قتلمی بیلن اینیقسه آیدین توشینچه‌لی و خیرخواه انسانلر ارا سیوگیگه سزاوار ایدی.
افسوسلر بیلن چلینگن آغیر کسللیک سبب، سه شنبه کونی 1399-ییل ثور آی‌نینگ ایکینچی‌سیده الله نینگ رحمتیگه قاویشیشی بیلن عایله، اندخوی تورتله تومنی جمله دن قورغان، خانچهارباغ و قرمقول معارف اعضالری و مدنی جامعه اعضالرینی قیغو و ماتم گه سالیب، بی وقت وفاتی بیلن معارف ساحه‌سیده بویوک بیر یوقه‌تیش بولدی. رحمتلی دن 4 اوغیل و 3 قیز قالگن.
انالله و انا الیه راجعون
