بابام امیر تیمورنینگ هیکلی‌گه معارضه
مبارک قوللریز عدالتده دور،
قیلیچ باغله‌گن بیلیز سینمه‌سین.
سیز بیلن توغیلگن “تینمس‌لیک” غرور
اوزینگیز باشله‌گن، کوره‌ش تینمه‌سین.
دیگن ایدیز “بیز تورکستان امیری”
بوگون تورکستان اوتده یانه‌دی.
اصیل فرزندلریز اوغان اسیری؛
قوتقره‌ی اولرنی دیب یوره‌ک قانه‌دی.
بارمیکن بیرارته سیزگه اوخشه‌گن؟
ینه چیقسه بوگون تورکستانیم دیب.
بولمسه خلقینگیز شونچه ققشه‌گن؛
ییغله‌یدی هر بیری ای وای جانیم دیب.
دشمن شونچه آغریتگن “خلق‌نینگ”،
حتی ایناغه ایناغه‌دن کیچگن؛
الملر دستیدن پرچه‌لندیک مینگ!
بیزنی ییزیشله دردینی ییچگن.
حلی بیزمیز توشینمس تکلیفی ایله،
مال بولسین می، منال می، قیز…
تکرارلنماقده دیر بو احوال، هه!
شخصی نفع ایزلب اوغانگه ساته‌میز.
دنیا سیزگه باج بیرگن کونلر،
تیمورنامه نگیزده یاروتیلگن دیر.
هلی ایسه اولادلرینگیز تونلر؛
پشتون ایشیگی‌ده ایش اوچون اسیر.
“اورمانلردن ییغیشتیرگنلریز”،
بیرارپیت بیزنی کیلگیندی دییدی.
سلیمان تاغی اطرافیده سیز؛
شو یهودلرنی اهلی قیلمنگ ایدی!
بیر تاماندن تورکستان پشتونلشدی،
بیر تاماندن ایسه داعش- طالب دیب.
مکتبلر ایشیگین یاپیب توتشدی؛
اورگه‌تر دهشتنی باله غالب دیب.
کیله‌سی نسلیمیز یوقالیش‌گه محکوم؛
مییه‌لرنی یوییش یوللری ایله.
اوزبیکنی شونچه هم قیلگن که محروم؛
شونگه حیرانمن؛ بیزنیکی توشونمه‌یدی یه!
خلاصه بابام، شو آتینگیزنی،
کیشنه‌تیب ینه تورکستان بارینگ!
اولادلریم دیب یوقلنگیز بیزنی،
گوشتلرنی سویککه ینه بیر قارینگ!
بومرته اوزبیک‌نینگ اوزیدن تیریب،
قطار خایین‌لرین باشینی آلینگ!
تورکستاننی اصیللرگه بیریب،
بومرته اوزینگیز اوشه تته قالینگ!
امیرتیمور هیکلی آستیده/ تاشکینت، اوزبیکستان
