بهار کیلگنده گل آچیلیب قوشلر اوقیرکن، بیزهم بو الهی اویغانیشدن قوریق قالمه‌یلیک. هر بیر موجود طبیعت‌نینگ اویغانیشی و بهارنینگ کورکم هیدلرینی حس ایترکن، خواه نخواه اویغانیشگه اولگوره‌دی. اولرنینگ کوپیسی اراده‌سیز بولسه، انسانلر اراده و اونده‌لیش بیلن اویغانه‌دی. 
جامعه ده بیر اویغاق انسان میلیون اوخله گن ضمیرنی اویغاته‌دی. مثال اوچون بیز کونیمیزدن مینگ ییل آلدینگی اویغاقلریمیزدن کاشغرلی محمود، ابوریحان البیرونی، الفارابی و ابن سینالر کبی تیل، طبیعت، یولدوز و جغرافیا و شونگه اوخشب انسان ساغلیغی تظمینچیلری بولیب اویغاغ‌لیک نمونه‌سی صفتی‌ده اوزلریدن اولمس اثرلر قوییب کیتگنلرینی بیله‌میز و بیزگه علم مشعلداری بولمیش اوقیتوچیلریمیز اولر حقیده اورگتگنلر.
طبیعت‌نینگ اویغانیشی بیلن انسانلرنینگ روحی و قیش‌لیک کسالتلری کوتاریلیب بهار ایاملریده ینگی توشینچه و ینگی حرکتلر بیلن ینگی حیاتگه باشلر ایکن، بیز هم بو وطننی گلغنچه‌لری صفتی‌ده قیشدن چرچه‌گن ضمیریمیزنی اویغاتیب، اوقیش و اورگه‌نیش تمان اولگوره‌یلیک.
شعر:
مینینگ مینینگ ارقهداش!
ارقهداش مینینگ قرداش!
کیل اوقولگه کیته‌لیک!
اوقیماقنی سیوه‌لیک!
آنه- آته، استادلر،
یخشی باله درس یادلر.
مینینگ مینینگ ارقهداش!
ارقهداش مینینگ قرداش!
