استاد ( ثناء ) نينگ بهار فصلى اوچون قيلگن ينگى ايجادي شعرى
بهار پيامى!
—چيق اويينگدن عزم ايتيب كيم ينگى دوران كيلدى ديب
گل بيلن يشنب يسانيب نوبهاران كيلدى ديب
دشت اوزره قد كوتارگن لإله نى كورگيل ينه
— كيل چمن سارى گه هم بلبل نواء خوان كيلدى ديب
اويغنيب قيش اويقيسيدن بابه دهقان ايش سارى
— ذوق ايله قويدى قدم كيم يخشى امكان كيلدى ديب
باله لر دل دن قوانيب سير گلشن ايتگالى ( ايتگلى )
— – اويناشورلر شادى ايلب ينگى مهمان كيلدى ديب
بو بهار تينجليگ ييلى بولسه وطن ده كاشكى
—- دل قوشي خوشلى قيليب شاد بولسه آرمان كيلدى ديب
هر تمانگه گر ( ثنا ) قيلسنگ نظر كوكلم ايرور
— 
شكر قيل تينگرى تماندين بويله احسان كيلدى ديب
