ايسكى دوران

0
59

استاد محمد اسحق« ثنا »

|||||||||||

ايسكى دوران

تورك اوغلانى بوگون سين، عظمت و شان دن گپور

بوجهان ده آت قازان گن، مرد ميدان دن گپور

ياو گه قرشى ايچ كوير ، ظالم گه قرشى بابا ميز

اول اولوغ تيمور كبى، باعزم و إيمان دن گپور

ياد قيل گيل بابر و شاهرخ بيلن محمود نينگ

اول اولوغ بيگ، بايسنقرهم خان و خاقان دن گپور

چون قوياش ديگ نور ساچگن شعريت ميدانيده

ذواللسان شاعر( نوايى) ديگ سخندان دن گپور

خلق ارا معلوم ايرور عظمت لى ، شانلى دوريميز

فخر ايتيب دلدن قوانيب ، يخشى دوران دن گپور

سنده يخشى شاعر و هم يخشى عالم كوب ايرور

هر بيرى دين آت توتيب هر بيليمدان دن گپور

اولكه نى نامرد بوليب ساتگن غنيم نى ياد ايتيب

ايل اولوس گه تانيتيب ، بول سست پيمان دن گپور

بخل باغى كوكره مس ، كوكت لرى تاپمس كمال

بخشش و امداد ايله ، تا باره احسان دن گپور

كوگه ايتگورگن بيليمده ، شهرتينى ييره تيب

ابن سينا ، مولوى ديگ اهل و عرفان دن گپور

كيليشور اشرف غنى هر سوزيدن تبعيض سيسى

سن حقيقت لر يازيب بو جمله يلغان دن گپور

 

قسقه يازيش لر بيلن، تاپمس ( ثنا ) حرفينگ تمام

ايسكى تاريخ، ايسكى عظمت، ايسكى داستان دن گپور

 

پاسخ ترک

Please enter your comment!
Please enter your name here