افغانستان تورکلری مدنی فدراسیونی ففتانینگ قوتلوغ پیامی
شهنشاه ظهیرالدین محمدبابر توغیلگنی 537-ییللیگی مناسبتی بیلن
معنویت کهکشانی‌ده ظهور ایتدی ظهیر،
بابری دورینی مشرق‌ده نمایان ایله‌دی.
هم سیاست قیلدی اسلام یوکسه‌لیش یولی‌ده، او-
هم دیانت باغینی سوو بیردی- بوستان ایله‌دی.
عادل شاه، فاضل و کاشف، طبعیت فیلسوفی، تاریخچی و جغرافیادان، قلم و قیلیچ اربابی شهنشاه ظهیرالدین محمدبابرنینگ توغیلگن مبارک ایامی بیلن معنویت بیشیگی و تمدن ایشیگی اتلمیش جانه جان اوزبیکستان و بو یورت‌نینگ قهرمان خلقیگه چین کونگیلدن صمیمیت‌گه توله قوتلوغ و مبارکلریمیزنی یول‌له‌یمیز. افغانستان تورکلری مدنی فدراسیونی ففتا رهبرلیک کینگشی نامی‌ده تیلداش، قانداش، قرینداش و معنویت داش قوشنیمیز اوزبیکستان و اونینگ جمهور رییسی جناب شوکت میرضیایف، شاعر و یازووچیلری و مدنیت پرور خلقیگه ظهیرالدین محمدبابرنینگ 537- ییللیک توغیلگنی فضیلت، مهربانلیک و ایجاد ییلی بولسین دیب، دایما درد و المدن اوزاقده عطوفت و جوشقین بیلن بی‌غبار یشب یوریشلرینی آرزو قیله‌میز.
2020-ییلی افغانستان و اوزبیکستان خلقی و بو ایکی مملکت اوزبیکلریگه برکه، آمد و مدنی- فکری اوچره شوولریده کوز تیگمه‌سین دیگن امیدده میز.
بابامیزنینگ روحی تینچ، یره‌تگن اثرلری منگو، نبیره‌لری‌نینگ تیللری گویا و کوزلری بینا، ادبیاتیمیز بوستانی پویا و ادیب‌لریمیزنینگ قلمی رسا بولسین.
حرمت و ارادت بیلن
افغانستان تورکلری مدنی فدراسیونی‌نینگ باشقرو کینگشی
اوروپا 12 فیبرور 2020
Shahanshoh Zahiruddin Muhammad BOBUR tug’ilgani 537-yilligi manosibati bilan
Afg’oniston Turklari Madaniy Federatsiyasi FFTAning kengashi qutlug’ xabari
Ma’naviyat kahkashonida zuhur etdi zahir,
Boburi davrini mashriqda numoyon ayladi.
Ham siyosat qildi İslom yuksalish yo’lida, u-
Ham diyonat bog’ini suu bedri- buston ayladi.
Odil shoh, fozil va koshif, tabiya’t faylasufi, tarixchi va jug’rofiyadon, qalam va qilich sultoni Shahanshoh Zahiruddin Muhammad Boburning tug’ilgan muborak ayyomi bilan ma’naviyat beshigi va tamaddun eshigi atalmish jonajon O’zbekiston va bu yurning qahramon xalqiga chin ko’ngildan samimiyatga to’la tulug’ va muboraklarimizni yo’llaymiz.
Afg’oniston Turklari Madaniy Federatsiyasi FFTA rahbarlik kengashi nomida tildosh, so’ydosh, qondosh- qarindosh va ma’naviyatdosh qo’shnimiz O’zbekiston va uning olijanob Prezidenti Shavkat Mirziyaev, shoir va yozuvchilari va madaniyat parvar xalqiga Zahiruddin Muhammad Boburning 537-yillik tug’ilgani fazilat, mehrabonlik va ijod yili bo’lsin deb, doiymo dard va alamdan uzoqda u’tufat va jo’shqin bilan beg’ubor yashab yurishlarini orzu qilamiz.
2020-yili Afg’oniston va O’zbekiston xalqiga baraka, omad va madani-fikri uchrashularida ko’z tegmasin degan umiddamiz.
bobomizning ruhi tinch, yaratgan asarlari mangu, nabiralarining tillari go’yo va ko’zlari bino, adabiyotimiz bustoni po’yo va adiblarimizning qalami rasso bo’lsin.
Hurmat va irodat bilan
Afg’oniston Turklari Madani Federatsiysinining boshqaru kengashi
AVRUPA
