19 و 20- عصر ادبیاتیمیزنینگ پارلاق سیمالری و سلماقلی قلم‌کشلریدن بولمیش عبدالحمید سلیمان اوغلی چولپان و عبدالله قادریلرنینگ (کیچه و کوندوز، اوتگن کونلر) ناملی ایکی دالضرف رومان اثری انگلیس تیلیده ترجمه ایتیلگن.
مذکور ایکی قیمت بها اثر انگلیس تیلیده ترجمه بولیب، غرب دنیاسی‌گه چیقیشی اوزبیک ادبیاتی‌نینگ یونه‌لیش و یوکسه‌لیش پوغانه‌سی دیب بوله‌‍دی.
یاش ژورنالیست و حقوقچی محب مدثر اوز شخصی صحیفه‌سیده یازیشیچه، غرب دنیاسی بو ایکی اثرنی ترجمه قیلیش بیلن 2019 و 2020-ییل اوزبیک ادبیاتی‌نینگ اینگ کورکم ییلی دیب اتلیشی ممکن. هر بیر تیل و ملت یوکسه‌لیش و یوقاری پوغانه‌لرنی باسیب دنیاگه تانیلیش یگانه یولی اوشه ملت‌نینگ اوز تیلیده حقیقتلر عکس ایتیریلگن منگو اثرلرینی دنیا مقیاسیده تیللرگه ترجمه بولیب و خلقلر ارا کینگ ترقه‌لیشی‌ده دیر.
اوزبیک رومانچی‌لیک ژانری‌نینگ ایتکچیسی و اساسچیلریدن بولمیش عبدالله قادری میلادی 1920-ییللرده اوتگن کونلر ناملی منگو اثرینی ایجاد قیلیشی بیلن اوزبیک ادبیاتیده ینگی روح بغیشله‌گنلردن سنلردی. شونینگدیک میلادی 1930-ییللرده کیچه و کوندوز ناملی رومان یازووچیسی عبدالحمید چولپان ایسه عبدالله قادری، فطرت، فیض‌الله خواجه و باشقه دوستلری بیلن 20-عصرنینگ اینگ ایلغار و قلمکش سیاستچیلری بولیب، تورکستاننی روس اشغالی و باسقیسی‌دن قوتقریش اوچون اونملی تنقیدچی و منگو ایجادلری بیلن جدی یازووچیلردن بولگن.
اوتگن کونلر و کیچه و کوندوز رومانلری‌نینگ یره‌تووچی عبدالله قادری بیلن عبدالحمید سلیمان اوغلی چولپان یاش دورینی اوتکزمسدن مستبد ساویت و روس رژیمی تمانیدن یوق قیلینیب یوباریلگن اونلب استقلال طلب تورکستانلیکلرنینگ اون قطاریده توره‌دیلر.
ایتیلیشیچه، 1914 ییللریدن باشلب 1941 لرگچه اونلب یازووچی و شاعر استالین بویروغی اساسیده روس مستبدلری قولیده نابود قیلینگن. اوزبیکستان و باشقه تورکی مملکتلرنی روسیه اشغالیدن چیقاریب آلینیشی‌گه استعمارگه قرشی اوشبو قلمکش جدیدچیلریمیزنینگ ییللر سونگره‌سیده هم تاثیری بولگن. اولر اوزلری یوق بولینیشینی بیلگن بیر حالده، منگو اثرلری واسطه چیلیگیده فکرلرینی منگولشتیرگن یازووچیلریمیزدن دیر.
اوتگن کونلر و کیچه و کوندوز کبی تاریخی رومانلر روس گه قرشی قلم طغیانی و منطق عصیانی دیر که بوگون دنیا تیللریده مذکور اثرلر اوزبیک ادبیاتی‌نینگ پیشتاز و ممتاز اثرلری عنوانیده چاپ بولیب اینگ کوپ ساتیلگن اثرلر قطاریده توره‌دی.
نوت: عکس‌لر محب مدثر صحیفه‌سیدن آلیندی.
