کونی کیچه طالبان جنگریلری امنیتی کوچلرنینگ اوتیشی‌گه توسیق بولیش مقصدیده ینه بیر بار میمنه-اندخوی قاره یولینی ویران قیلگن. بو ایش عاقبتی‌ده مسافر تَشووچی یولاوچیلر ترافیکی حادثه نتیجه‌سیده یره‌لنگنلر.
میمنه مزار کیتیب-کیله‌دیگن یولاوچیلرنینگ ایتیشیچه، یول اوستیده قازیلگن چقورلر چمه‌سی ۳ متر بولگن و حاضرگچه ایکی کیچیک مسافر تشووچی موتر قولب توشیشی نتیجه‌سیده ایکی هیداوچی قوشیمچه ۹ کیشی یره‌لنگن.
محلی جنگری طالبان‌نینگ ایتیشیچه، حربی کوچلر قطاری اوتیشی‌گه توسیق چیقیش مقصدیده دولت‌آباد بیلن قرمقول تومنی یول آقیمی‌ده نیچه محلده چقور قازگن ایکنلر.
طالبان بو قازیلگن چوقورلر عاقبتی‌ده ترافیکی حادثه روی بیریب یولاوچیلر یره‌لنگنی‌دن خبرسیزلیکلرینی بیلدیرگن.
دولت‌آبادنینگ قطار حربی رسمی‌لری‌نینگ ایتیشیچه، اوتگن آقشام فاریاب رسمیلریگه طالبان‌نینگ بو لایحه‌سینی خبر قیلگنلر، معلوم قیلینیشیچه طالبان آقشام ساعت ۶ دن سونگ ساعتلرچه شاه یولنی اسکواتر بیلن قازگنلر.
فاریاب شاه یولی حامد کرزی حکومتی ایکینچی دوریده قیر بولیب یوللاوچیلر یوزیگه آچیلگن اونملی ایشلردن ایدی بیراق مذکور یول نیچه ییلدن بیری طالبان جنگریلری تمانیدن ویران قیلینیش نتیجه‌سیده شو حاضر یوک تَشووچی کتته موترلر اوشبو یولدن اوتیب-قیتالمه‌یدی.
