ملک‌الکلام مولانا لطفی هروی‌نینگ (جیگی- جیگی) ردیفلی شیوا غزلی:
فرقتینگ اۉلتورور مېنی توتمه روا جیگی- جیگی،
کۉنگلوم آلیب یاشونمه‌غیل بهر خدا جیگی- جیگی.
چون کۉز و قاش و قد بیله بیزنی کۉنگول‌سیز ایله‌دینگ،
قیلمه حواله جانیمه اۉزگه عنا جیگی- جیگی.
آی یوزونگیزنی کۉرگه‌لی اۉزگه‌گه سالمه‌دیم نظر،
سېن داغی سقله مهر ایله حقِّ وفا جیگی- جیگی.
چون سېنی تېنگری رحمت و لطفِ مجسّم ایله‌دی،
لایق اېمس سنگه ستم، قیلمه جفا جیگی- جیگی.
لعل لبینگدین اۉزگه یۉق دردیمه چاره قیلغوچی،
سۉردور اوشوندین، ای بېگیم، بیزگه شفا جیگی- جیگی.
چون سنگه فرض عین اېرور حسن زکاتی، باق مېنگه،
نېچه جیگیله‌سون سنگه اوشبو گدا جیگی- جیگی؟
قوش تیلی عندلیبی‌تېک لطفی‌ی خسته یالبارور،
گل کیبی چهره‌دین آنی توتمه جدا جیگی- جیگی.
