اوغانستانليگ توركلر مدنى فدراسيونى نينگ باشقرو شوراسى يكشنبه كونى 2019 ميلادى ييل 15نچي دسامبر آيى ساعت 7pm آقشام اروپا وقتى ده باشلنيب و ساعت 10:15 كيچقرون ده اداغگه ايتى
ففتا رهبريتى ييغينى آلتى اجنداء آستيده باشلنيب تحليل و محاكمه لر بوليندي و اجنداء لر
1-بوگون كى اوغانستان نينگ ايچگرى و تشقرى ، سياسى ، نظامى و عمومي وضعيت و حالتي ني تحليل و ارزيابى قيليش حقيده
2- جمهور ريس ليگ سيلوى نينگ نهائي نتيجه سي ، و 1398نچى خورشيدى ييل نينگ اوغانستان ده بوليب اوتگن سيلو نتيجه سي بن بست گه كيتيشى ، – سيلو لر مستقل كميسيوني نينگ ، بو توغريده جوابدهى و مسووليتى توغريسيده محاكمه لر
3- امريكا و طالبان گروه سي اراسيده گى آشتى و صلح پروسه نينگ مذاكره سي قيته باشلنگني حقيده سوز و تحليل لر
4- كيله جگ ده بير موءقت دولت نينگ احتمالى أورته گه كيليشي( تشكيل ) بوليشي حقيده تحليل لر
5- جنرال ميلر ناتو كوچ لرى نينگ عمومى قوماندانى شبرغان شهري جنرال دوستم نينگ قرارگاه (پايگاه ) سيگه باريب بيرگه اوچره شوي و ملاقات لرى حقيده
6- داكتر حليم ( تنوير ) نينگ آلمان ده گل محمد ( مهمند) قيلگن خدماتي ني قدر لش و تقدير لش ييغناوى ده يينه بير بار قبيله فاشيزم گروه سي نينگ قاره چهره سينى نمايان قيلگني حقيده سوز و محاكمه لر ففتا ييغينى پروفيسور شرعى جوزجانى سوزى بيلن باشلندى ، استاد بيرنچيدن اوز علمى و فرهنگى فعاليت لرى اوزبيكستان اكادميگ ساحه سيده و اوزبيكستان عالى بيليم درگاهيده گى قيليب تورگن ايشلرى حقيده معلومات بيريب و بو فعاليت لر اوغانسان تورك خلقى هم مثبت و بى تاءثير ايمس ديب تاءكيد قيلديلر ، حاضرگى اوغانستان ايچكرى و تشقرى سياسي و نظامى حالت و وضعيتى ده سوز يوروتيب و فاشيزم حكومتى نينگ قيليب تورگن منفى و قومگرا سياسى نينگ اوغانستان خلقى اوچون ضرر ليگ و سلبى تاءثير لرى حقيده سوزلب اوتديلر ، ملتيميز موندى اساس شرايط ملى بيرليگ و هوشيار بوليش لرى گه تاءكيد قيلديلر . پروفيسور تورديقل ميمنگى حاضر گى بلخ ولايتى مركز بوليميش مزارشريف شهريده الم لي واقعه قوماندان نظام الدين قيصارى و اونينگ عسكر لر نينگ اوستيگه نا قانونى نظامى يوريش بولگنى نينگ يشب تورگن منزليگه ناقانونى و بير فاشيستى حركت و حكومت نينگ قومگرا نا برابر سياستى ديب إظهار قيلديلر و بو ييرده شهيد بولگن تورك أوغلان و عسكر لرى خلق و آنه توپراق خدمتى و اونينگ ياو دن اسره ش اوچون بيل باغلب چيقگن عسكر لرنينگ فاشيزم حكومتى و اونينگ فاسد و متعصب قومى حلقه لرى تمانيدن بو پلان اويوشتيريلگنى و اذدهام لي خلق يشب تورك گن شهر مركزى ده توپ و طياره بيلن الو آچيش و بيگناه خلق و عسكر لر نينگ شهيد قيليش فقط بو فاشيزم حكومتى نينگ شوم پلان لرى ديب محكوم قيلديلر و شهيد وزخمى بولگن قهرمان تورك اولادى وعسكر لريگه تنگرى تعالى درگاهيدن شهيد لرگه جنت الفردوس و ياره لنگ لرگه بوتون شفا استدعا قيلديلر و يينه شو ييرده ملت نينگ بيرليگ و بيرگه ليگه چقريب و فاشيستى و شوونيزم شوم پلان لرى گه قرشي بيرگه بوليش لرينى وخنثى قيليش لرى گه دعوت قيلديلر ، جنرال قيتمس ، داكتر عتمان بيليم ، هاشم همدم ، مرادى ، رحمت الله رحيمى ، استاد ايوب ساعى ، محمود توركمن ، نجم الدين محمودى ، حاجى سليم و سيد قدرت الله احمدى ، استاد عبدالله رويين سوز يوروتيلر و داود جنبش اوغانسان ايچكرى دن سوز گه چيقيب و قوماندان قيصارى 18- 20 ساعت فاشيزم نيرو و نظامى لرى گه مقاومت قيليب و ساغ و سلامت نجات تاپيب و امن جاى ده ليگى دن خبر بيرديلر كيين ايكينچى اجنداء ريس جمهور ليگ سيلو حقيده و بو پروسه نينگ بن بست گه اوتيشى و خلقميزنينگ سيلو اوچون جان فداليگ بيلن اشتراك قيليب و اوز سرنوشت لرينى اوز لرى تعين قيلش لرى ، يينه هم شو فاشيزم حكومتى و تعصب و قومگرا ليگ مفكوره سي بو مستقل سيلو كميسيونى نينگ اوز اثرى آلگنى حقيده و خلقيميز بو قرانغو كون لرگه محكوم قيليشينى حقيده سوز يوروتيب محكوم قيلديلر ميمنگى جنابلرى ، تا كه بو فاشيزم قومگرا متعفن مفكوره سي ريشه كن بوليب پاك بولمس ايكن ، منه شو نا برابر ليگ و ظلم و استبداد و ملى نفاق لر دوام قيله دى ديديلر ، بواوچون خلقميز بو شوم پديده قرشى هم پشتون و تورك و تاجيك هزاره ، پشه يى ، بلوچ و نورستانى و……..و باشقه قوم و مليت لر بير بوليب بو يولده مبارزه و كوره ش آليب باريش لري نى تاءكيد قيلديلر ، ففتا اعضاء لرى هر بيرى بو حقيده سوز يوروتيب معقول و ملى يول لرى نينگ تعقيب قيليب و مبارزه دوامى نينگ تاءكيد ايله ديلر يينه شو ييرده امريكا و طالبان گروه سينى دوباره آشتى مذاكره و پروسه باشلن گنى و بو پروسه ده امريكا صادق ايمس ليگى و اوز شوم پلان لرينى طالبان قاره و تروريست گروه سي بيلن توركستان خلقى و توركستان توپراغى و بوتون أورته آسيا دولت لرينى و قاليبرسه روس و چين دولت لرينى نا امن پلان لرينى عملى قيليش لرى حقيده تحليل و محاكمه لر بوليب أوتى و ففتا نينگ بير اعضاء سي بو توغريده يوز يوروتيب اوتديلر . اجنداء نينگ اخيرگى ماده حليم تنوير نينگ ألمان ده بير رسمى ييغين و جلسه ده اوغانستان ده اوغان ( پشتون ) بولمه گن مليت لر نينگ گل محمد مهمند نينگ قدرلش كونيده تحقير و حقارت قيليب و بولر همه منحل ايتيب اوغان قيله من ، و بير ملت قيله من ، ديگن جمله بيلن و هزاره لرنينگ قيز لرنى اوغان ايگيت لرى گه آليب نكاح قيليب و بولرنى مكمل ختم قيله من ، ديگن حكم بيلن سوز يوروته دى ، و مونگه هزاره تورك خلقينى احساسات گه كيلتيرگنى و همه دنيا ده يشووچي اوغانستان ليگ لر ، بو فاشيستى و متعفن مفكوره گه قرشى سوز گه چيقيش لر و داد خواه ليگ و پشتونيزم يكه تاز ليگى گه قرشى كوره ش و مبارزه لر حقيده سوز يوروتيب و محاكمه لر بولدى و بو فاشيزم و پشتونيزم گروه سينى خلق نينگ بيرليگ و برابر ليگ و بلاخره ملى برابر ليگ گه قرشى محكوم قيلديلر و بو باره ففتا پيام و اعلاميه سينى هم صادر و نشر قيلگن ايدي ، اخير ده ييغين و مجلس اختتاميه سي حرمتلى جنرال صاحب قيتمس جنابلرى دعاى خير و فلاح و اتفاق و تينجليگ دعاسي بيلن اداغگه ايتى
