وطن پیکی…
ساقیا! لطفینگ‌له کېل، یورتیمنی قانلی حاللرین-
بیرمه بیر ایتیش اوچون، کۉزه‌نگ‌له اۉزنی قیل یقین!
تۉلدیریب بېر اېسکی چاغیر، بۉغزیمی قیرگینچه سېن،
شرح اېتیب تورگین وطننی، مېنگه بېر دردِ حزین!
بیر قدح ایکی قدح بیرله کۉییغیم چیقمه‌گه‌ی؛
نېچه کۉزه بیرله کېل! طبعیمنی باسگن ایزغیرین
سېن قوییب بېر! تۉخته‌مسدن، تنده اۉت سال بَلکه‌لب،
قَینه‌سین تامیرده قانیم، لمبه اورسین درد و کین.
یورتنی تۉرته جانی آلگن، اۉلکه داشلر دامده دې!
مېن ایچه‌ی پیک ِ وطننی سېن قوییشدن چرچه‌گین.
شونچه مست اېتگین مېنی‌که تننی روحیم ترک اېتیب،
آنه یورتیم‌گه باریب، یاولرگه درد بۉلسین، کَمین…
اونده بۉلگه‌یمن فدایِ ایککی کۉزینگ ساقیا!
آنه یورتیم بۉلسه آزاد، بۉله‌دی آزاده دین.
بو وطن سیزلیکله دېمه! بیر وطن‌سیزده نې بار؟
گر وطن‌سیز ایسته‌سه، آنه وطن بولگه‌ی نیگین.
دېمه بو سوزلرنی یلغان، باشی قیزّیق وقتی دیر!
مست اېکن اۉزیم‌گه دیرمن، ایسته یلغان ایسته چین.
👤هاشم همدم
