موسیقه عالمی‌ده پارله‌گن صنعتچیمیز رحمتلی استاد صابر “عندلیب” سنبل‌نینگ بی‌وقت عالم‌دن اوتگنی

0
111

تعزیت و تسلیت پیامی

افغانستان تورکلری مدنی فدراسیونی (ففتا)نینگ اعضالری‌ موسیقه عالمی‌ده پارله‌گن صنعتچیمیز رحمتلی استاد صابر “عندلیب” سنبل‌نینگ بی‌وقت عالم‌دن اوتگنینی تیل و موسیقه صنعتیمیزگه بویوک یوقه‌تیش، تولدیریب بولمس ضایعه بیله‌دیلر. بو مناسبت بیلن ففتانینگ باشقرو هیاتی و اعضالری یک‌شنبه کیچه‌سی ۱۷ نوامبر اروپا وقتی بیلن آقشام ساعت ۵ ده، انترنت ترماقلری واسطه‌سی بیلن مخصوص ییغین اوتکزیب، موسیقه صنعتی‌نینگ منگو یولاوچیلریدن بیری رحمتلی استاد صابر عندلیب سنبل عمری‌نینگ قیرق ییل چمه‌سی موسیقه و وطن اولادی‌نینگ ساغلام ییتکزیش بولیمی‌ده صفرلب، اوزیدن فداکارانه خدمتلر کورستگنی ایسله‌تیب اوتیلیشی بیلن روحی‌گه دعا قیلیش یانی‌ده اوکیشی‌نینگ خاطره‌لری و مهربان‌لیکلری حقیده صحبت قیلدیلر.

استاد صابر عندلیب سنبل ۱۳۵۷ ییل “ظفر” موسیقه گروپی فعالیت‌گه باشله‌شی‌ده، توغمه استعداد و عرقی ذکاوتی بیلن ملتیمیزنینگ قطار صنعتچیلری یانیده پامیر تاغلری دیک تیک توریب اوزبیک اصیل موسیقه‌سینی موفقیتلر یوقاری پوغانه‌لریگه قدر یولاوچیلیک قیلگنلردن بیری بولگنی مذکور ییغین‌ده اشتراکچیلر تمانیدن ایتیب اوتیلدی.
ییغین اخیریده رحمتلی استاد صابر عندلیب سنبل روحی‌گه دعالر قیلیب، قالگنلریگه ساغلیق‌گه توله بی‌غبار یشم و رحمتلی‌گه ایسه جنت‌الفردوس الله تبارک و تعالی درگاهی‌دن استعانت قیلیندی.
انا لله و انا الیه راجعون
روحی شاد، مکانی آباد و خاطره‌لری منگو قالسین آمین
افغانستان تورکلری مدنی فدراسیونی(ففتا) باشقرو شوراسي

پاسخ ترک

Please enter your comment!
Please enter your name here