اوغانستان توركلر مدنى فدراسيونى باشقرو شوراسي ( ففتا ) نينگ ييغينى بوليب اوتدى
یکشنبه(ایرگش کون)2019 میلادی ئیل نی 13 اکتوبر آیی
، بو بوليب اوتگن ييغي
ن انترنيت ترماقلرى ( مسنجر گروپى) ارقلى كيچقرون ( 13 اكتوبر يكشنبه آقشامى ) اروپا وقتى بيلن ساعت 7pm ده باشلندى ييغين ده ففتا نينگ رهبرليگ اعضاء لرى جمله دن حرمتلى پروفيسور شرعى (جوزجانى ) ، پروفيسور تورديقل (ميمنگى )، جنرال سراج الدين ( قيتمس ) ، استاد سيد محمد ( عابدى ) ، انجنير نجم الدين (محمودى ) ، داكتر محمد عثمان ( بيليم) ، حاجى محمد سليم ، نيك محمد ( مرادى ) ، استاد سيد قدرات الله ( احمدى ) ، احمد ( امينى ) ، داکتر نایل خانگیلدی، هاشم ( همدم ) و رحمت الله ( رحيمى ) قتنشگن ييدى لر .
ييغين نينگ اساسى بحثى تورت آجندا و ماده سى آستيده؛ 1- جمهور ريس ليگ سيلوى نينگ نتيجه سي ، و بو سيلو اوچون گونى توركستان و اولسي اوچون اويوشتيريلگن و قورولگن شوم پلان و توطئه لر توغريسيده 2- جهور ريس ليگ سيلوى نينگ نهايى نتيجه سيده كيله جگ ده كيم ( كيمسه ) كابل ارگى گه ايگه چيقيشى ، آيا بير دولت خالص اولس رأى بيلن كيليشى نينگ قنچه ليگ امكاني بار حقيده !؟ 3- كيله جگ ده بير موءقت دولتي نينگ احتمالى أورته گه كيليش ( تشكيل ) بوليشي حقيده تحليل لر 4- طالب لر و امريكا اراسيده گى آشتى ( صلح ) پروسه سى نينگ مذاكره لرى احتمالى قيتيب باشلنيشى حقيده ، اوغانستان دولت و اولسى نينگ نقش و جايگاه سى بو مذاكره توغريسيده ففتا رهبريتى بو تورت اجنداء محتواسيده ييغين باشلنيشينى رحمت الله ( رحيمى ) ففتا باشقرو شوراسي نينگ دوراني باشليغى ارقلى اعلان بوليب ، سوز و ييغين اداره و باشقروي حرمتلى پروفيسور ميمنگى جنابلرى گه تابشوريلدى .
ييغين باشلنيشيده پروفيسور شرعى جوزجانى سوزگه چيقيب حاضرگى اوغانستان ده گى جارى وضعيت نينگ باره سيده سوز يوروتيب ديديلر كى بوگون كى اوغانستان ده بوليب تورگن حادثه و واقعه و شرايط نينگ و كيله جگ نى هيچكيم بيليب بولميدى ، چونكه بو قاره پرده نينگ ارقه سيده بوليب تورگن استخباراتي كته اويين لرنينگ اويوشتيريب تورگن قاره نيت ليگ كته قدرت لر نينگ شوم پلان لرينى ؛ قبایلی حاکملر نینگ بیر لیگیده؛ اوز لريدن باشقه گه عيان ايمس دير. خلق ارا عدالتخواه لیگ حرکت لر نی کوچسیز لیگی، بیرلیگ وبرابر لیگ گه تینگن گروه وشخصیت لر نینگ اوز ارا تفرقه وترتیشملری بیر ملی غایه بولمسلیگی ده، معامله چیلیگ بازاری نی قزیقلیگی بیلن ايرته گه نيمه بوله دى هيچكيم بيلمس ديديلر و يينه شو ايرده طالبان تروريست گروه سينى امريكا بيلن مذاكره حقيده شوندى ديديلر ، بيرگون امريكا بو گروه نينگ ، قاره لب تروريست ديب اولر قرشسيده اوروش باشلب ، يينه بير كون بولر گه شخصيت و خلق ارا اوتوريته بيريب صلح مذاكره لر اليب باريش توغريسيده تاءكيد لب باره دى ، و بو قاره گروه نينگ مطرح قيليب بير سياسى كوچ گه ایلانتریب تورگن، شو اوچون بيز نينگ خلقيميز بوگون و ايرته گى هر قندى كون و شرايط لرگه ذهناً و قلباً اماده بوليب توريش لرى كيرگ دير ، ديديلر تا هر قندى حالت لردن اوزيميزدن دفاع قيليش كوچ و بيرليگميزنى اسره ش هم فرض و هم مسووليت دير ديب سوز لرينى ختم قيلديلر كيين حرمتلى پروفيسور تورديقل ميمنگى سوزگه چيقيب حاضرگى شرايط ده گى ظلم و استبداد و شوونيزم شوم پلان لرى كوب ييل و زمان لردن بويان بوتون اوغانستان مظلوم و محروم خلقيگه دوام بيريب كيليشى نى و بو جمله دن تورك ملتى نينگ اوستيگه كوپراق روا كوروب و عملى قيليب كيليشينى بيان ايلب و تشريح قيلديلر ، و يينه شو ييرده بوليب اوتگن ريس جمهور ليگ سيلوى و بو توغريده سياسى اويين و چالش لرنى و بو سيلو دن حكومت يكه تاز قبيله ، اشرف غنى احمدزى باشليغيده هر قندى حكومت كوچ و امتياز لريدن استفاده قيليبشينى دريغ قيلمس ليگى و ديموكرايتك و سيلو نينگ شفاف يول لرى بيلن بير ريس جمهور أورته گه كيليشيگه هر قندى توسيق ليگدن باش تارتمس ليگى ، و اگر باشقه بيران سيلو تيمى ، خلق پاك راءى بيلن أورته گه كيلرديگ بولسه ، هر قندى چال و تقلب و نيرنگ و ممانعت دن قولنيب ، و اوندى بير حالت ده ، بلكه بير موقت حكومتى پلانى نينگ اوز فاشيزم گروه لرى بيلن تيارگرليگ اليب تورگن ليگ حقيده هم معلومات بيرديلر ، بو موقت حكومتى رهبرليگيده امريكا و يا فاشيزم حكومتى تمانيدن إفشاء و آشكار بولمه گنى ني هم ايتيب أوتى لر ، بو كيله جگ موقت حكومتى ده إمكاني بار كى جنوب و جنوب شرق ولايت لرينى طالبان گروه سى باشليغ لرى گه ، مسووليتى ني تابشوروب ، و شمال و گونى توركستان خلقى و سرزمينى نينگ بير نا امن و اوروش منطقه سيگه ايلينتريب ايكينچى وزيرستان گه يعنى تروريست لر منطقه سيگه ايلنتيروب ، و بو وضعيت ارقه لي أورته اسيا و روسيه توپراق لرينى كنترول آستيگه اليش شوم پلان لر تطبيق و عملى قيليش حرفه و حركت لرى ده دير لر ديب تاءكيد قيلديلر ، و يينه علاوه قيليب ايتديلر كى ، تاءسف بيلن ايتيش كيرگ كى حاضرگى اوغانستان ده گى سياسى اويين لر ، اويينچى غربى دولت لر يعنى امريكا تا اروپا دن باشلب تا هند و پاكستان و روسيه تا تورك دولت لرى همه لرى بوگون قاره طالب لر گروه لريگه اوتوريته بيريب بولر اوچون گويا صلح و آشتى اولتيريش لر ميزبانى گه ايلنيب و بو تروريست لرگه رسميت بيرماق حالتى ده لر و اوغانستان مظلوم و محروم خلقى و توپراغى بوگون بير جهاني ننگين معامله بازاريگه قرار تاپيب تورگن ، تينگرى تعالى ياردمى و خلقيميز بيرليگى بيلن بو بلا و معامله لر نينگ دفع قيليش كوچ و شعور همت و وحدتى نينگ اعطاء ايلسون ، ديب تيلگ لر بيلن سوز لرينى ختم قيلديلر . يينه شو سيلو و صلح وآشتى مذاكره لر و ايچگرى وضعيت لر توغريسيده حرمتلى استاد سيد احمد ( عابدى ) جنابلرى ، جنرال صاحب (قيتمس) ، داكتر عثمان (بيليم) ، داكتر نايل (خانگيلدى ) ، سيد قدرت الله ( احمدى ) ، احمد ( امينى ) ، هاشم ( همدم ) ، محمد ( مرادى ) ، حاجى سليم و رحمت الله ( رحيمى ) اوز نوبت لريده سوز يوروتيب اوز فكر كورستمه لرينى إظهار ايله ديلر ، ييغين ( مجلس ) حرمتلى جنرال صاحب ( قيتمس ) نينگ اخرگى بيرليك و دعا اختتامه لرى بيلن ساعت 9:30 كيچقرون اروپا وقتى گه خاتمه تابتى ! تورك لر مدنى فدراسيونى باشقرو شوراسى . يكشنه كونى 13 اكتوبر 2019 ميلادى
