المان دولتى نينگ (مونشن ) شهرى ده ينگى ييل ( نوروز ، ايرگينه قون ) بيره مى مناسبتى بيلن جشن نوروزى

0
95
  1. المان دولتى نينگ (مونشن ) شهرى ده ينگى ييل ( نوروز ، ايرگينه قون ) بيره مى مناسبتى بيلن جشن نوروزى نينگ يكشنبه گونى ٣١نچى مارچ ايى ، ٢٠١٩ ميلادى ييل ده تجليل قيليندى ؛ احتفال حامى لرى فرانگفورت شهرى نينگ اوزبيكستان دولتى نينگ جنرال قونسيلى باشليغيده و (B MW ) كمپنى سى و اوزبيكستان فرهنگى و مدنى تشكيلات باشليغى حرمتلى حبيبه همدموف بيرليگيده اويوشتيروب و تشكيل قيلينگن ، و محفل نينگ تدوير كميسيونى تمانيدن ، افغانستان توركلرى مدنى فدراسيونى ( ففتا ) اتيدن ( ١٥ ) كيشى گه يقين دعوت بوليب اشتراك قيلديلر ، بو طنطنه لى توركانه نوروز بيره مى ده اون دن كوپراق تورك دولت لريدن تورك ملت لرى اشتراك قيليب اوز تورلى ايسكى عنعنه و مدنيت لرينى نمايش گه الگن لر ؛ محفل ده حرمتلى داكتر محمد عثمان ( بيليم) ففتا نينگ دوره ء شوراء رهبريتى نينگ اورون باسىرى ( معاون ) نى اشتراك قيليب و افغانستان تورك خلقى نينگ قوتلو پيامى نى بيريب و تورك خلقى حقيده و بو حاضرگى شرايط و وضعيتى دن معلومات بيريب و سوزگه چيقگن لر ، و قويده گى پيام و مراسم دن بعضى صحنه لر ! حرمتلى داكتر محمد عثمان ( بيليم) ففتا نينگ دورهء شوراء رهبريتى نى اورون باسره ارقلى بيريلگن پيام : – حرمتلی تیلداشلر و تورک ایلدیزیدن كۉكرگن قرداشلر و آرقهداشلر! بیرینچیدن، حضورینگیزگه مینگلرچه سلام و مرحبالر تقدیم اېتیب، قدیم نوروز بیرمی و قویاش تقویمیگه موافق ١٣٩٨-چی هجري ییلنینگ کیریب كیلیشي بیلن همهلرینگیزنی چین یورهکدن قوتلب، تینگري تعاليدن برچهلرینگیزگه ساغلیگ، بخت-سعادت، تینچلیک و موفقیتلر آرزو قیلهمن. بو كون مینینگ حیاتیمده بیر اونوتیلمس كوندیرکه، نوروز بیرمی مناسبتی بیلن سیز اولوغوار شخصیتلر، بویوک و عظمتلی تورك ییغاچی(درختی)نینگ ایلدیزیدن باش چیقرگن اوزبیك، توركمن، قرغیز، قزاق، تاتار، آذري، تورك و كوپلب باشقه اسملرگه مسما بۉلگن قرداشلر بیلن بیرلیك و برابرلیكده، بابالریمیزدن قالگن نوروز بیرهمینی دبدبهلی روشده کوتیب آلیب نشانلهیمیز.
    عزیز اۉزبېكستان جمهوریتینینگ آلمانیه پایتختی بیرلین ایلچيخانهسی و فرانكفورت شهریدهگی باش قونسوللیگیگه کتّه رحمت که بوگونگی نوروز بیرهمی محفلینی تشکیللشتیریش اوچون زمین و امکانیت یرهتیب، بوتون تورکی خلقلر وکیللرینی اوشبو شانلی انجمنده قتنهشیشلری اوچون یۉل آچدیلر.
    مېن بیر افغانستانلیک اۉزبېك-تورك فرزندیمن که، مملکتیمیزده قیرق ییلدن بویان تینمهی تۉختمهی کېلهیاتگن اوروش و تینچسیزلیکلر عاقبتیده، آنه یورتیمدن اجرهلیب، منه کۉپ ییلردیرکه مجبوریت یوزهسیدن عایلم بیلن آلمانیهده اقامت قیلیب، یشب کېلماقده من! افغانستان مملكتیده مینگلرچه ییلدن بویان تورکی خلقلر – اۉزبېك، توركمن، قیرغیز، قزاق، بیات، ایماق، تاتار، قزلباش، واخی و باشقهلر حیات کېچیریب، اسلامیتدن آلدین و اسلامیت دوریده بویوک تخاری، كوشانی، یفتلی، تگین شاهیلر، غزنوی، سلجوقی، خوارزمشاهی، غوری، تیموری، بابری، شیبانی، اشترخانی و افشاری دولتلرینی و تمدنلرینی یرهتگنلر و بو بیلن دنیا مدنیتیگه کتّه حصه قۉشگنلر.
    بوگون افغانستان دېب اتهلهدیگن مملکتده تۉقّیز میلیوندن آشهراق توركی خلقلر، اساساً اۉزبېک و تورکمنلر، سۉنگگی عصرلرده ملی و صنفی ظلم و استبدادگه معروض قالگنلیکلریگه قرهمسدن، هنوز هم اۉز آنه تیللریده سۉزلهشیب، ملی عنعنه و عرف و عادتلرینی اسرهب، تورکی خلقلرگه منسوبلیکلریدن غرورلنیب، فخرلنیب کېلماقدهلر. افغانستان دېگن اولکهده ینه اۉن میلیونگه یقین تورک ایلدیزلی خلقلر بارکه، اولر زمان ذیلی بیلن اۉز آنه تیللریني اونوتیب، فارس یا پشتو تیللریده سۉزلشهدیلر، بیراق اۉزلرینینگ تورک ایلدیزلی بۉلگنلیکلرینی بیلهدیلر و اۉز اصللریگه قیتیش اوچون سعی و حرکت آلیب بارماقدهلر.
    افغانستان تورکلری مدنی فدراسیونی (ففتا)نینگ تخمینی ستاتیستیکهسیگه کۉره، اوروپا مملکتلریده اوچ مینگ و بیش یوزدن آشهراق افغانستانلیک اۉزبېك، توركمن، قزاق، قیرغیز عایلهلر یشهیدی. بولردن تشقری، اون بېش مینگدن کۉپراق فارسچهده سۉزلشهدیگن هزارهلر هم اوشبو قطعهنینگ تورلی مملکتلریده وطنداش بۉلیب یشب کېلماقدهلر. بعضی تاریخچیلر و اتنوگرافلرگه کۉره، هزارهلر هم تورک ایلدیزیدن کېلیب چیققنلیگی اعتراف قیلینهدی. مېن اوشبو معلوماتلرنی افغانستان تورکلری مدنی فدراسیونی (ففتا) باشقرووچی کېنگشینینگ بیر اعضاسی صفتیده حضورینگیزده بیان اېتماقدهمن و اوروپا مدنی فعالیت آلیب بارهیاتگن اوشبو اویوشمهمیزنینگ، سیز قرداش و دوستلرنینگ
    هر تامانلمه مادی و معنوی یاردملریگه احتیاجی بار. انسانیت تاریخیده طبیعت اویغانیشی و بهار بیرهمی بۉلمیش نوروزنی بوگونگیدېک نشانلش ایلک
    مرته سلجوقی سلطانلردن جلال الدین ملکشاه سلجوقی حکمرانلیگی زمانیدن باشلب رواج تاپگن. مذکور سلطان زمانیده اسلام تقویمی هجری، قویاش حرکتی اساسیده حسابلهنیب، اسلام هجري شمسی تقویمینینگ اساسی قۉییلگن و هر ییل 21 یا 22 مارتده مرکزی آسیا مملکتلری، ایران، افغانستان،
    آذربایجان، تورکیه، پاکستان و هندوستان کبی مملکتلرده نشانلهدی بیزنینگ ایستهگیمیز، دنیادهگی تورکی خلقلر، اینیقسه مستقل دولتلرگه اېگه تورکی جمهوریتلر حاضرگی 21-عصرده اۉزلرینینگ اېسکی تاریخلری، مشترک مدنیتلری، تیلداشلیک و قانداشلیک کبی اۉرتاق قدریتلریگه ینه بیر بار کۉز تشلب، بوگونگی مستقللیکلرینی اۉتمیشدهگی عظمتلری بیلن باغلب، بیر-بیرلری بیلن یقین همکارلیک، بیرلیک و قرداشلیک مناسبتلرده بۉلیب، کوچلریگه کوچ قۉشسهلر،
    کمال مطلوب بۉلردی. ینه بیر بار همهلرینگیزنی نوروز بیرمی بیلن چین کۉنگیلدن قوتلب، كېلگوسی ییللرده هم برچه توركی خلقنینگ بیرلیك و اتفاقلرینی، اولكهلریده تینجلیگ، عایلهلریده ساغلیک و تاتوولیک و بخت-سعادت آرزو قیلهمن.
    مېنی دقت بیلن تینگلهگنلرینگیز اوچون كتّه رحمت!
    افغانستان توركلری مدنی فدراسیونینینگ رهبرلیک کېنگشی رئیس اۉرین باسری
    مهندسلیک فنلری دكتوری محمد عثمان بیلیم

پاسخ ترک

Please enter your comment!
Please enter your name here