یوتوق نینگ قوریلیش هدفی:

0
75

تینگری تعالی آتی بیلن

یوتوق نینگ قوریلیش هدفی:

یوتوق اجتماعی و فرهنگی اویوشمه سی عزیز اولکه میز، اینیقسه سرپل ولایتی نینگ مدنیتچیلری، بیلیم و قلم اربابلری همده اوقیمیشلی ییگیتلر و احساسلی و خیرلی کیشیلری نینگ منسجم فعالیتی آرقلی، ییگیتلر نینگ بیلیم و اطلاعات سویه سینی آشیریش و قشّاق و کمبغل اوقووچیلرگه مادی و معنوی یاردم بیریش و اجتماعی قیینچیلیکلر نینگ حل ایتیش مقصدیگه 1395 ییلی ثبت بولیب، جواز قولگه کیلتیردی. یوتوق، قورییلیشیدن حاضرگچه بجرگن ایشلر: 1- اویوشمه طفیلی خلقیمیز کورشچن ییگیتلری اورته سیده، قیینچیلکلر حلی اوچون مشترک فکر تاپیلدی، نتیجه ده اولوسیمیز باشیگه کیلگن یخشی، یمان کونلر یوتوق مرکزیگه ییغیلیب قوللریدن کیلگینچه ایش قیلدیلر. مثال اوچون تبر، تغوایخواجه و دوتوم خلقی اوروش سببی آواره بولگنیده 95 عایله گه اوروش ختم بولگینچه یوتوق مرکزیدن جای بیریلدی، یوتوق اعضالری تمانیدن ملتیمیز خلق سیور تجارلری، خیّر کیشلریدن قریب 7 ییتی لگ افغانی پول یغیلیب آذوقه و البسه آلینیب، آواره بولگن کیشیلرگه توزیع بولدی. 2- انجمن رسمی بولگندن سونگ 24 رسمی و 10 اوندن آرتیق ثبت بولمه گن نتیجه لی اولتیریش بولیب اوتدی. 3- اویوشمه میزگه کتابخانه تأسیس بولدی حاضرگه اویوشمه نینگ کتابخانه سیده خلقیمیز تاریخی و تیلیگه تیگیشلی 650 جلد اینگ مهم کتاب لر بار که هنوزگچه 751 ییتی یوز ییلیک بیر کیشی کتاب آلیب اوقیگن. 4- انجمن یاتاقخانه تأسیس قیلدی تورت ییلدن بیری هر ییل قیرق گه یقین کمبغل، قشاق طلبه لرگه مادی و معنوی یاردم بیره دی. 5- 36 اوزبیک تیلی اوقیتوچیلری اوچون معارف ریاستی نینگ هماهنگی بیلن 6 آلتی کونلیک سمینار آلیندی. 6- طاهر و زهره، ارواحلر قوزغلانی، مولانا گدای هروی دیوانی، امیر محمد عمر خان امیر دیوان آتلی کتابلر اویوشمه آرقه لی نشر بولدی. 7- نوای سحر نشریه سی انجمن نینگ مادی یاردمی بیلن تمدید بولدی. 8- یوتوق یاتاقخانه سی نینگ مزارشریف ده نماینده لیگی آچیلیب بیر عده محصللر فرهنگی ایشلرنی دوام بیرماقده. 9- اویوشمه برکتیدن 2.5 ایکی یریم ییل ولایت سطحی ده شبکه جامعه مدنی نینگ باشلیغی بولیب، محلی حکومت، زون و مرکزده دایر بولگن اولتیریشلرده خلقیمیز اینیقسه اویوشمه میز آدرسیدن فعال اشتراک ایتیلدی. 10- شخصیتلریمیز حقیده اونلرچه ادبی ییغینلر یولگه تشلندی. 11- اویوشمه نینگ احساسلی اعضالری تمانیدن محیط و زیست نینگ پاک سقله شیگه اوخشه گن اونلرچه مدنی حرکت لر بجریلدی. 12- هر ییل کتاب و قلم هفته سی مناسبتی آلینگن احتفاللرده فعال قتنشیب اویوشمه کتابلری کورگوزمه ده قویله دی. 13- بو ییل کتاب و کتاب اوقیش هفته سی مناسبتی یولگه تشلنگن مقاله یازیش مسابقه سیده یاتاقخانه نینگ ایکی طلبه سی بیرینچی و اوچینچی مقاملرنی ایگله دی. 14- خُلص تورت ییلدن بویان انجمن دفتری هردایم فرهنگی کیشیلر، طبله لر اینیقسه خلقیمیز یوزیگه آچیق بولیب اوز صلابت و اعتبارینی قولدن بیرمه گن. بو یوتوق لرنینگ برچه سی اویوشمه میز احساسلی و بیلیمدان اعضالری، ملی تاجرلریمیز، خیّرلی کیشیلر، تیلیمیز و فرهنگیمیز حامی لری نینگ مالی و معنوی یاردمی نتیجه سی دیب توشونه میز، شونی اوچون اویوشمه نینگ مؤسس لری برچه مذکور کیشیلردن چقور منتدارلیک بیلدیریب اطمینان بیره دی که؛ بیرگن اعانه و قیلگن صدقه لری اوز جاییگه مصرف بولگن. اویوشمه میز بوندن یخشیراغ فعالیت لرنی بجریش اوچون ینه هم مادی و معنوی یاردم لرگه ضرورتی بار. اداغده ینه بیر بار بررچه مادی و معنوی یاردم بیرگن کیشیلردن منتدار چیلیک بیلدیریب، مال لریگه برکت، عایله لریگه ساغلیک و خلقیمیزگه ایسه آمدلر آرزو قیله دی. حرمت لر بیلن

یوتوق اویوشمه سی نینگ مؤسس لری.

پاسخ ترک

Please enter your comment!
Please enter your name here