وغانستان ليگ توركلر مدنى فدراسيونى باشقرو شورا سي نينگ يكشنبه گونى 18 نچى مى آيى 2019 ميلادى ييل ده نوبت ده گى مجلسى بوليب أوتى

0
48

اوغانستان ليگ توركلر مدنى فدراسيونى باشقرو شورا سي نينگ يكشنبه گونى 18 نچى مى آيى 2019 ميلادى ييل ده نوبت ده گى مجلسى بوليب أوتى ؛

 

مجلس ني ففتا رهبريتى نينگ دوراني مسوولى رحمت الله رحيمى ارقلى ويديو كنفرانس باشلنيب و جلسه نى تورتليگ اجنداء سى آستيده اچيليشى اعلان بوليب ، كينگاش اعضاء سيگه إبلاغ بولدى ؛ كيين مجلس اداره سى حرمتلى پروفيسور استاد ميمنگى جنابلرى تابشيريلدى ! مجلس باشلنيشى بيرينچى اجنداء ماده سى ؛ اوغانستان ده گى عمومى سياسى و نظامى وضعيتى اوچون پروفيسور شرعى جوزجانى تمانيدن چوقور تحليل و ارزيابى قيلينيب سوز يوروتيلدى ، اوغانستان خودى بير قزيق بى ايگه تندور ديگ ، هر كيم اوز نانى پاپيب كيتيشگه اورينماقده دير ديديلر ، و اوغانستان نينگ همه سلاحيتى امريكا دولتى نينگ قوليده دير ، امريكا ضد و نقيض ايش و فعاليت لرينى اليب باريتگان حقيده سوز يورتديلر ، و اوز سياسى مقصد لرى و نظامى كوچ لرينى آسيا و أورته آسيا ده جابجا قيليش مقصديده فعاليت يوروتماقده دير و كيله جگ نيمه بوله دى ، بيلى ايمس دير ديديلر . و يينه شو موضوع حقيده انجنير نجم الدين محمودى ففتا شورا رهبريتى اعضاء سى ؛ اوغانستان ينگى پارلمان رياستى سيلو و ينگى پارلمان ريسى تعين بوليش سيلو پروسه سي ده خوش خبرليگ بيريب ، و فاشيزم ملى و اعظمت طلب شوونيزم نينگ شكست گه محكوم بولگنى و اصولى نامليگ بير فاشيست نى افغانستان خلقى و ملت وكيل لري نينگ بو رياست مقاميگه مناسب ايمس ليگينى و موندن بويان فاشيزم و اولر نينگ مخرب و متعفن مفكوره لرى نينگ ملت اؤيده و پارلمان ده مناسب جاى يوقليگينى عمل ده كورستيب و ثابت قيلگن لرى نى إظهار ايتديلر ، و اطريش دولتى ده عيناً شوندى بير تحول كيليب و باش وزير اورين باسر ليگى مقاميده بير فاشيست شخصيت شكست ايگينينى معلومات بيرديلر ، موندن بويان اطريش دولتى ده مهاجر لر قبول قيليش پروسه سى يخشى بوليشى ممكن بوله دى ديب خوش خبرليگ بيرديلر . استاد سيد احمد عابدى جوزجان ولايتى نينگ ففتا رهبريتى مسوولى هم اوز نوبت لريده شو موضوع آستيده سوز يوروتديلر . جنرال سراج الدين (قيتمس) ففتا رهبرى شورا سينينگ ياش اولوغ لر (خبرگان ) مسوولى هم اوز نوبت لريده موضوع اساس ليگينى و امريكا نى ايگرمه دن آرتيق نظامى پايگاه سى جابجا بولگن حقيده سوز يوروتيب ايتديلر كى هنوز هم هيچكيم بيلميدى كه نيچه سان و قنحه امريكا نظامى پايگاه سى اوغانستان ده جابجا بولگن ؟، و خلقيميز نى اذهان نى مغشوش قيليب و اوز مقصد و مدعا لرى كه روس و چين و هند و پاكستان و رقابتى و …. لر هدفيده اويين يوروتماقده دير ، عيناً شو ايرده جنرال دوستم نينگ حاضرگى وضعيت و شرايط ده موقف و رول لرى نى اساس و مهم بيليب و بوتوغريده هم سوز يوروتديلر داكتر محمد عثمان ( بيليم )ففتا شورا باشقرو دوراني رهبريتى اورون بأسرى اوز نوبت لريده
بو اساس وضعيت ده اوز نظر و بيرگى لرى نى إظهار ايتديلر . پروفيسور ميمنگى جنابلرى هم اوز نوبت لريده اوغانستان حاضر گى وضعيتى توغريسيده و امريكا و روس و چين و هند و پاكستان و أورته اسيا دولت لرى اوچون امريكا نى ايرى ايرى هدف لرى بار و اوغانستان و مظلوم خلقى بو سياسى اويين لر قربانى بولماقده دير ديديلر و همه تمامانلمه موضوع آستيده محاكمه قيليب سوز يوروتديلر هاشم همدم ففتا رهبرى شورا اعضاء سى هم اوز بيلگى و فكر لرينى بو باره بيان قيديلر رحمت الله رحيمى ففتا شورا رهبريتى نينگ دوراني باشليغى اوز نوبت ده سوز يوروتيب حاضرگى آغير وضعيت و شرايط ده فرهنگى لر نى مسووليتى جوده هم كوب و مهم ديب بيرليگ و بيرگه ليگده دعوت قيليب و ملى منفعتيميز اوچون متحد و تعهديميز بوليشى ضرور ديب إظهار قيلديلر و قلمكش بيليمدان لريميز نينگ جيم توريش زمانى ايمس ديب بيلگى بيلدير ديلر فارياب ولايتى ميمنه شهريدن استاد سيد قدرت الله احمدى جنابلرى فارياب ولايتى و اولسواليگ لرينى قندى بير كسكين وضعيت و دولت غير مسؤولانه حركت لرينى و اوزجوش مردمى نيرو و قوت لرنى حمايه قيلميشينى و اولر نينگ قرشيگه مستقيم و غير مستقيم طالبان گروه سينى حمايه قيليشى حقى ده سوز يوروتديلر عبدالحق فيضى دنمارك اولكه سيده ففتا رهبريتى نينگ مسوولى هم اوز نوبت لريده سوز گه چقيب موضوع توغريسيده إظهار نظر قيلديلر ، بوگون كى مجلس ده حاجى داود جنبش و استاد رويين و محمد مرادى و باشقه ففتا اعضاء لرى اوز نوبت لريده سوز گه چيقديلر و مجلس ده حاضرگى شرايط و وضعيت گه كوره ففتا تمانيدن بير اعلاميه نشر بوليشى پيشنهاد بولدى ؛ ففتا اعلاميه سى حرمتلى پروفيسور شرعى جوزجانى ارقه لى مجلس ده اوقوليب و قراعت بولدى و اتفاق آراء سى بيلن ففتا شورا رهبريت باشقروى فيصله سى بيلن اعلاميه نينگ نشر بوليشى تصويب بولدى و اخر ده استاد شرعى جنابلرى نى جمع بندى و گزراريش بيريش لرى و خير و فلاح دعاسىي بيلن وطنيميز و خلقيميز تينجليگى حقيده خاتمه تاپتى اوغانستان توركلر مدنى فدراسيونى باشقرو شوراسى !

پاسخ ترک

Please enter your comment!
Please enter your name here