افغانستان تورکلری مدنی فدراسیونی تورک دنیاسی‌نینگ ایکی تاریخی، ادبی و سیاسی پارلاق سیمالری نوایی و بابر (رح) نینگ توغیلگن مبارک ایاملرینی نشانله‌دی.
بوگون یک‌شنبه (۲۴ فبروی ۲۰۱۹ /۵حوت ۱۳۹۷ تاریخی‌ده) حضرت امیرالکلام میرنظام‌الدین علی‌شیر نوایی‌نینگ ۵۷۸ لمچی توغیلگن کونی و تاریخچی- شاعر و عادل پادشاه حضرت ظهیرالدین محمدبابرنینگ ۵۳۶ لمچی توغیلگن کونلرینی انترنت آرقه‌لی دنیا فرقلی مملکتلریدن ۵۰ دن آشه نوایی شناس و بابر شناس علمی و سیاسی شخصیتلر قتنه‌شیشلری بیلن تاریخی و فخرلی ییغین بولیب اوتدی.
احتفال، ففتانینگ مسوولی جناب رحمت‌الله رحیمی یولاوچی‌لیگی‌ده و استاد(توردیقل میمنگی) رهبریتی‌ده دوام ایتدی.
ییغین، نوایی حضرتلری‌نینگ قیسقه بیوگرافی‌سی حرمتلی اکادمیسن پروفیسور سید عبدالحکیم شرعی جوزجانی واسطه‌سی‌ده اوقیلیشی بیلن باشلندی.
بونگه علاوه، جناب شرعی جوزجانی نوایی و بابر حضرتلری چرچه‌مسدن سیاسی و ادبی فعالیتلری یانیده اوزلریدن عمرانی و تاریخی منگو اثرلر یادگار قویگنی اوچون حلی‌گچه انسانلر یوره‌گیده ییر آلیب، یشه‌ماقده و بوندن سونگ هم یشه‌یدیلر، دیدی.
بو ایکی اولوغ سیما (حضرت نوایی و بابرنینگ) حیاتی و فعالیتی قیرّه‌لری و اثرلری حقیده ژورنالیست و یازووچی جناب فیض‌الله قرداش، سرپل ولایتی ففتا کینگشی‌نینگ باشلیغی جناب استاد عبدالحی علمی، نوایی شناس و محقق استاد عبدالله روئین، جوزجان ولایتی ففتاکینگشی باشلیغی جناب استاد سیدمحمد عابدی وتنیقلیگ شاعر ویازوچی استاد محمد یحیا جنابلری باشقه نیچه اشتراکچی فرهنگی شخصیتلر نوایی و بابر حضرتلری‌نینگ سیاسی و ادبی فعالیتلری حقیده تورلی مقاله، شعر لرو بیانیه‌لر ترتیب ایتیب اوز نوبه‌لریگه گروپده‌گی اشتراکچیلرگه اوقیدیلر.
تورکیه جمهوریتی دن حرمتلی حاجی عبدالصمد راسخ جنابلری هم ضمن ادای احترام حضرت بابر وحضرت نوایی نینگ ارواحلریگه ، بیر قطعه شعر نی زمزمه سی بیلن اوز صحبت لرینی پیشکش قیلدی لر
ناروی‌دن بیگم آیخان بیانی و جرمنی‌دن بیگم سلطانه امیدلر هم نوایی و بابر حضرتلری‌نینگ شعرلری اینیقسه خاتینلرگه حرمت و اعزاز کوزی بیلن باقیلگن و فخری سوزی بیلن یازیلگن شعرلری همده غربت حقیده کویله‌نگن رباعی‌لرینی تنلب اوز نوبه‌لریگه اشتراکچیلر حضوریگه اوقیدیلر.
سرپل ولایتی نینگ یوکسک بیلیم یورت رئیسی حرمتلی استاد آرش خلیلی هم اوز نوبتلریگه سوز گه چیقیب، بوولایتگه عالی تحصیلات نی یوقاری کیتیشی، قیزلر واوغلانلر نی علاقمند لیگ بیلن عالی تحصیلاتگه قتنشگنلری، متخصص استاد لرنی کملیگی نینگ اوستیده تماس آلیب، تیل وادبیات بولیمیگه تورکو لوژی واوزبیک تیل وادبیات دیپارتمنتی نینگ فعال بولیشیدن مژده بیردیلر.
اوندن کیئین حرمتلی انجنیراحمد جاوید انتظار بیر صمیمانه سوز بیلن علم ومعرفت سپهریده پارلاق یولدوزلر حضرت نوایی وحضرت بابر حق لریگه قیزغین افاده لر بیریب ؛ بو محفل نی یولگه سالگن اوغانستان لیگ تورکلر مدنی فدراسیونی نینگ رهبر لیگ کینگاشی وکدر لریدن قدردان لیگ کورساتدیلر!
شونینگدیک جناب محمدالله وطندوست و استاد یاسین همراه لر هم تاریخ بوییچه نوایی و بابر حضرتلری‌نینگ جایگاه‌لری و فارس تیلیده اولر حقیده تاریخچیلرنینگ فرق‌سیز قالگن‌لیکلری بویوک بیر جفا ایکن‌لیگی حقیده اشاره قیلیب، تیارله‌گن تحقیقی مقاله‌لرینی گروپ اغصالری حضوریگه اوقیدیلر.
شونینگدیک انجنیر محمد عثمان بیلیم، شاعر و یازووچی جناب دوکتور استاد سیدمحمد عالم لبیب، صنعتچی و کمپوزاتور جناب استاد خیرمحمد چاووش، یاش شاعر محمدهاشم همدم فاریابی و باشقه قنچه علمی شخصیتلر دنیانینگ فرقلی مملکتلریدن مذکور ییغینده قتنه‌شیب، ایکی اولوغوار سیما حقیده صحبت قیلدیلر.
پروگرام اره‌سیده ملی صنعتچی جناب خیرمحمد چاوش سیسیده جانلی روشده آهنگ زمزمه‌سی هم اجرا ایتیلدی.
حرمتلی انجنیر عبدالحق فیضی دنمارک اولکه سیگه ففتا باشلیغی هم بیر قیسقه صحبت بیلن اوز حرمت واخلاص لری نی نوایی وبابر بابالریمیز نینگ برابر لریگه ادا ایله دور لر.
اخیرده جناب پروفیسور استاد توردیقل میمنگی نوایی و بابر حضرتلری‌نینگ تفکر و تحول نمونه‌سی دیب، خلق اینیقسه یاش نسلی‌گه باشقه هر نرسه دن کوره نوایی و بابر حضرتلری و اولرگه اوخشه‌گن قلم اربابلری و سوز سلطانلری حقیده اوقیب، اوزلرینی کیله‌جکده بابالری کبی بیلیم‌لی و دانا انسان بولیب خدمت یولینی چرچه‌مسدن دوام ایتیشلرینی طلب قیلدیلر.
ایتماغیمیز کیره ک کی اکادمسین استاد محمد یعقوب واحدی جوزجانی ، استاد عبدالحق ،استاد محمد یاسین ایلداش سرپل ولایتیدن، حرمتلی استاد نورالله راجی قالمس تخار ولایتیدن وکوپچیلیگ بشقه فرهنگ سیور شخصیتلر ایری اولکه لر دن تخنیکی قیئینتچیلیگ لر اساسی گه بو محفل گه سهم آلیب بیلمه دیلر!
ففتا رهبرلیگ کینگاشی بو اوچون بارچه اولکه داشلر وتیلداشلاریمیز دن عذرلر التجا ایلب، سوز بیرادیلر کی کیله جکلر گه بو معضله لرنی برطرف ایلش اوچون تلاش ایله سه لر.
محفل نی سون لحظه لریگه تنیقلیگ استاد وجئید نوایی شناس حرمتلی محمد حلیم یارقین جنابلری هم اوز عالمانه سوز ومعلوماتلری بیلن محفلیمیز نی رونق بیردیلر.
محفل اروپا وختیگه برابر ساعت 17.30 اخشم گه دوام تاپیب محمد الله وطندوست جنابلرینینگ اختتامیه صحبتلری بیلن بیر خوشلیگ وبیرلیگ فضا سیده اداغیگه ایتدی.
اوزلیک انترنیتی صحیفه سی نینگ خبر چی سی
